Ngaahi Fakataha Ngāue ki Sepitema
Uike Kamata Sepitema 1
Hiva 51
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Fokotuʻu Muʻomuʻa ʻa e Ngaahi Meʻa Mahuʻinga Angé.” Fehuʻi mo e tali. Fakatatau ki he taimí, fakamatala ʻi he “Fokotuʻu ʻa e Ngaahi Meʻa ʻOku Totonu ke Fakamuʻomuʻá” ʻi he Awake! ʻo Fepueli 22, 1987, peesi 8-9.
20 min: “Fakahaaʻi Atu ki he Niʻihi Kehé ʻa e Tohi Moʻui Fakafāmilí.” Ko ha malanga ke fai ʻi he palakalafi 1 mo e 6-8. Fakahāhaaʻi ʻa e palakalafi 2-5. Fakamamafaʻi ke fai ha fakakaukau ki hono fai ha ngaohi ākonga pea aʻu ki he taumuʻa ko hono kamata ha ngaahi ako.
Hiva 107 mo e lotu tuku.
Uike Kamata Sepitema 8
Hiva 27
10 min: Ngaahi fanongonongo fakalotofonua. Fakamatala paʻangá.
10 min: Ngaahi fiemaʻu fakalotofonua.
10 min: “Ngaahi Ako Tohitapu ʻOku Maʻu Ai ʻa e Kau Ākongá.” Malanga.
15 min: Fetalanoaʻaki ʻa ha tokotaha mātuʻa ʻi he “Ueʻi ʻa e Kau Akó ke Fakatapui mo Papitaiso” (fakalahi ʻo e km 6/96, pal. 20-22) mo e kau malanga taukei ʻoku nau fai ha ngaahi ako.
Hiva 220 mo e lotu tuku.
Uike Kamata Sepitema 15
Hiva 98
10 min: Ngaahi fanongonongo fakalotofonua.
15 min: Ngāue Lelei ʻAki ʻa e Ngaahi Vitioó. Fakamanatu ʻa e ngaahi fokotuʻu ʻi hono ngāueʻaki ʻa e ngaahi vitiō ʻa e Sōsaietí pea lave ki he ngaahi meʻa naʻe hokosia fakalotofonua ʻa ia ʻoku hā ai ʻa e founga hono ʻai ke ngāueʻaki lahi ange ʻa e ngaahi vitioó, fakatouʻosi ʻi hotau ngaahi fāmilí pea ʻi heʻetau ngāue fakafaifekaú.
20 min: ʻOkú Ke Ngāueʻaki ʻa e Polosiua School? Ko ha fetalanoaʻaki ʻa ha tokotaha mātuʻa ʻi he Watchtower ʻo ʻOkatopa 1, 1985, peesi 30-31, fakataha mo ha ngaahi mātuʻa pea mo e fānau. ʻOku nau lave ki heʻenau ngaahi hokosia fakafoʻituitui ʻi hono ngāueʻaki ʻa e polosiua School.
Hiva 149 mo e lotu tuku.
Uike Kamata Sepitema 22
Hiva 32
8 min: Ngaahi fanongonongo fakalotofonua.
17 min: Founga ke Kamata Ai ha Fetalanoaʻaki. Ko e lahi ʻo ʻetau lavameʻa ʻi he ngāue fakafaifekaú ʻoku fakatuʻunga ia ʻi heʻetau malava ke fakakau ʻa e kakai kehé ʻi ha fetalanoaʻaki mohu ʻuhinga. ʻI he taimi ʻoku tau malava ai ke leaʻaki ha meʻa ʻe fiefanongo ai ʻa e niʻihi kehé, kuo tau lavaʻi ai ʻa e taha ʻo e ngaahi fakafaingataʻaʻiaʻanga lahi taha ʻoku tau fehangahangai mo ia ʻi he ngāue fakaefakamoʻoní. Fetalanoaʻaki mo e kau fanongó ʻi he ngaahi poini tefito ʻi he School Guidebook, ako 16, palakalafi 11-14. ʻAi ha kau malanga kuo nau pōtoʻi pea ola lelei ʻi hono kamata ha fetalanoaʻaki ʻo lave ki he ngaahi lea kamata naʻa nau ngāueʻaki ʻi heʻenau lea ki ha kakai hangē (1) ko ha taha ʻoku luelue pē he halá, (2) ko ha pāsese ʻi ha pasi, (3) ko ha tokotaha ngāue ʻi ha falekoloa, (4) ko ha tokotaha fakatau ʻi ha tauʻanga meʻalele, (5) ko ha tokotaha ʻi ha paʻake, pea mo ha (6) taha ʻoku fai ha fetuʻutaki ki ai ʻi he fakamoʻoni he telefoní.
20 min: Fakamanatu ʻa e Līpooti Ngāue Fakataʻu ʻa e Fakatahaʻangá ki he 1997. Fakaongoongoleleiʻi ʻe he ʻovasia ngāué ʻa e fakatahaʻangá ki heʻenau ngāue leleí, tautefito he lolotonga ʻo Maʻasi, ʻEpeleli, mo Meé. ʻOatu ha ngaahi fokotuʻu mei he kulupu ʻo e kau mātuʻá mo e līpooti ʻa e ʻovasia fakafeituʻu fakamuimuí ki hono fakatupulekina ʻa e ngāue fakamalangá pea mo e ngāue ako Tohitapú. Fakamatalaʻi ʻa e ngaahi taumuʻa ʻaonga ʻe niʻihi ki he taʻu fakangāue foʻoú, fakakau atu ki ai mo hono kamata pea mo hono fai ʻo e ngaahi ako Tohitapú pea mo e ngāue tāimuʻa tokoni he lolotonga ʻo e ngaahi māhina ʻoku nima ʻa hono fakaʻosinga ʻo e uiké—ko Nōvema, Mē, mo ʻAokosi.
Hiva 113 mo e lotu tuku.
Uike Kamata Sepitema 29
Hiva 51
15 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻene ngaahi līpooti ngāué. ʻI he teuteu ki he ngāue makasini ʻi ʻOkatopá, fetalanoaʻaki ʻi he fiemaʻu ke “Sivisiviʻi Ho Feituʻú,” “ʻAi ke Ke Maheni mo e Ngaahi Makasiní,” “Teuteu Hoʻo Lea Kamatá,” “Feʻunuʻaki Koeʻuhi ko e Tokotaha-ʻApí,” “Fetokoniʻaki,” mei he ʻEtau Ngāue Fakafaifekau ʻo e Puleʻanga ʻo ʻOkatopa 1996, peesi 8.
15 min: Ko e Hā ʻOku Totonu ke Fai ʻe ha Kalisitiane ʻi he Taimi ʻOku Fiemaʻu Ai ki ha Ngāue Sula? Ko ha malanga ke fai ʻe ha tokotaha mātuʻa ʻi he Watchtower ʻo ʻEpeleli 1, 1997, peesi 27-29.
15 min: Fakalāngilangiʻi Hoʻo Ngāue Fakafaifekaú. Fetalanoaʻaki mo e kau fanongó ʻi he tohi Our Ministry, peesi 81-83. ʻEke ʻa e ngaahi fehuʻi ko ʻení ke ne fakaeʻa ʻa e ngaahi poini tefitó: (1) Ko e hā ʻa e ʻaonga te tau maʻu ʻi he muimui ki he faʻifaʻitakiʻanga ʻa Sīsuú? (2) Ko e hā hono mahuʻinga ʻo hotau fatongia ke malangá? (3) Ko e hā ʻa e fakaueʻiloto ʻokú ne fakavaveʻi kitautolu ke fakatapui ʻetau moʻuí kia Sihová? (4) Ko e hā ʻa e faʻahinga ʻulungaanga ʻoku fiemaʻú kapau ko ha taha ʻoku teu ke ne ngāue ki he ʻOtuá? (5) Ko e hā ʻe lava ke tau ako mei he founga ʻo e malanga ʻa Sīsuú?
Hiva 14 mo e lotu tuku.