Ngaahi Fakataha Ngāue ki ʻOkatopa
Uike Kamata ʻOkatopa 6
Hiva 56
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “ʻE Feʻofaʻaki Kotoa Koā ʻa e Kakaí?” Fehuʻi mo e tali. Lave ki he ngaahi meʻa mahuʻinga ʻo e Ongoongo ʻo e Puleʻangá Fika 35. Fakahā ʻa e ngaahi ʻuhinga ʻe maʻu ai ʻe he kakai ʻi he feituʻú ʻa e ʻaonga mei he fakamatala ko ʻení. Fakamamafaʻi ʻa e fiemaʻu ke fai ha ngaahi fokotuʻutuʻu he taimí ni ke kau kakato ki hono tufaki iá, pea ngāue mālohi ke toe foki ki he mahuʻingaʻia kotoa pē naʻe maʻú.
20 min: “Fai Hono Tufaki Lahi Atu ʻa e Ongoongo ʻo e Puleʻangá Fika 35.” Kamataʻaki ha malanga ʻe fai ʻe he ʻovasia ngāué. Fai ʻa e palakalafi 5-8 ʻaki ʻa e fehuʻi mo e tali. Fakamanatu ʻa e ngaahi fokotuʻutuʻu fakalotofonua ki hano fakalahi atu ʻo e ngāué. Fetalanoaʻaki ʻi ha ngaahi founga ke fakapapauʻi ai ʻoku ngāueʻi kotoa ʻa e feituʻú. ʻE lava ke ngāueʻaki ʻa e Ongoongo ʻo e Puleʻangá Fika 35 ʻe he kau malangá ʻi he taimi ʻoku nau fakamoʻoni ai ki he kakai ʻi he ngaahi tauʻanga pasí, ʻi he feituʻu faiʻanga pisinisi īkí, ʻi he ngaahi tauʻanga meʻalelé, pea ʻi ha feituʻu pē. ʻOhake ha ngaahi fokotuʻu ki he founga ke tokoniʻi ai ha faʻahinga foʻou ʻoku nau saiʻia ke kamata ʻi he ngāue fakamalangá. Fakakau atu ki ai ʻa e fakamatala mei he fakalahi ʻo ʻEtau Ngāue Fakafaifekau ʻo e Puleʻanga ʻo ʻEpeleli 1995, palakalafi 11. Fakahāhaaʻi ha tuʻuaki nounou ʻe ua pe tolu.
Hiva 151 mo e lotu tuku.
Uike Kamata ʻOkatopa 13
Hiva 48
12 min: Ngaahi fanongonongo fakalotofonua. Fakamatala paʻangá. Fakamanatu ʻa e ngaahi fakatupunga talanoa ʻi he ngaahi tatau lolotonga ʻo e Taua Leʻo mo e Awake! Fakamanatu ki he tokotaha kotoa pē he lolotonga ko ia ʻo e ngāue ʻi he fakaʻosinga ʻo e uiké, ʻe tufaki ai ʻa e ngaahi makasiní fakataha mo e Ongoongo ʻo e Puleʻangá Fika 35. ʻOku totonu ke tau toe foki ki he mahuʻingaʻia kotoa pē. Fakamanatu ki he fanga tokouá ke toʻotoʻo mai ʻi he uike hono hokó ʻa e polosiua A Book for All People.
15 min: Ngaahi fiemaʻu fakalotofonuá.
18 min: “ʻOku Anga-Fēfē Hoʻo Tali ki he Loto-Noá?” Fetalanoaʻaki ʻi he vahaʻa ʻo e toko ua ʻo e kau mātuʻá. Fakakau atu ki ai ʻa e fakamatala ʻi he kaveinga tokoni “ʻE Lava Fēfē ke Ke Matuʻuaki ʻa e Loto-Noá” ʻi he Watchtower ʻo Siulai 15, 1974, peesi 445-446.
Hiva 130 mo e lotu tuku.
Uike Kamata ʻOkatopa 20
Hiva 42
15 min: Ngaahi fanongonongo fakalotofonua. Fakamanatu ʻa e ngaahi meʻa naʻe hokosia ʻe niʻihi mei he Yearbook 1996, peesi 6-8, ʻi hono “Tufaki ʻi Māmani Lahi ʻa e Ongoongo ʻo e Puleʻangá.” Fakaeʻa ʻa e feinga tāutaha ʻa e kau malangá naʻe fai ʻi hono tufaki fakamuimui ʻa e Ongoongo ʻo e Puleʻangá. Fakalototoʻaʻi kotoa ke kau kakato ʻi hono tufaki ʻa e Ongoongo ʻo e Puleʻangá Fika 35.
15 min: Ngaahi Meʻa Mahuʻinga mei he Polosiua Foʻoú, A Book for All People. Fetalanoaʻaki mo e kau fanongó ʻi he ngaahi ʻuhinga ʻoku taau ai ke tau tokaʻi ʻa e Tohitapú. Kuo teuteuʻi ʻa e polosiua ko ʻení ke tokoniʻi ʻa e kakai ʻoku nau ako lelei nai, ka ʻoku nau kiʻi ʻilo pē fekauʻaki mo e Tohitapú. ʻI he ʻikai ko e feinga ke fakatuipauʻi kinautolu ko e Tohitapú ko e fakamānavaʻi ʻe he ʻOtuá, ʻoku ʻai ʻe he polosiuá ʻa e lea fekauʻaki mo e ngaahi moʻoniʻi meʻá kiate kinautolu. ʻOku totonu ke tau lau ia pea vahevahe ia mo e niʻihi kehé, kau ai mo e faʻahinga ʻoku tau ako mo iá.
15 min: “Ko ha Fakamoʻoni Taimi-Kakato Koe?” Ko ha malanga ke fai ʻe ha tokotaha mātuʻa.
Hiva 133 mo e lotu tuku.
Uike Kamata ʻOkatopa 27
Hiva 123
12 min: Ngaahi fanongonongo fakalotofonua. Fakamanatu ʻa e laka ki muʻa ʻo hono tufaki ʻa e Ongoongo ʻo e Puleʻangá Fika 35. Fakaafeʻi ʻa e kau fanongó ke nau lave ki ha ngaahi meʻa naʻa nau hokosia ʻoku fakalototoʻa. Fakamatala ki he lahi taha ʻo e feituʻu kuo ngāueʻí pea mo e meʻa ʻe fiemaʻu ke kakato hono ngāueʻí ʻi he aʻu ki Nōvema 16. ʻI hono ngāueʻi kakato ʻa e feituʻú, te tau tuʻuaki leva ʻa e tohi ʻIlo he lolotonga ʻo e toenga ʻo e māhiná. Fakamamafaʻi ʻa e taumuʻa ko hono kamata ha ngaahi ako ʻi he ngaahi toe ʻaʻahí ʻa ia naʻe ʻi ai ha tali lelei ki he Ongoongo ʻo e Puleʻangá.
15 min: Founga Ke Maʻu Ai ʻa e ʻAmanaki ʻi he Lotolotonga ʻo e ʻIkai ha ʻAmanakí. Ko ha malanga ke fai ʻe ha tokotaha mātuʻa ʻo makatuʻunga ʻi he Watchtower ʻo Mē 15, 1997, peesi 22-25.
18 min: Tuku ke Ulo Atu Hoʻo Māmá. Malanga mo e fetalanoaʻaki ʻi he tohi Our Ministry, peesi 84-88. Fokotuʻutuʻu ki muʻa ke ʻi ai ha kau malanga ke fai ha fakamatala pau ʻi he ngaahi fehuʻi ʻoku hoko haké: (1) Ko e hā ʻa e ʻuhinga ʻoku malanga ai ʻa e Kau Fakamoʻoni ʻa Sihová mei he fale ki he falé? (2) Ko e hā hono lahi ʻo hono ngāueʻaki ʻa e founga ko ʻení ʻi he ʻuluaki senitulí? (3) Ko e hā ʻoku fiemaʻu fakavavevave ai ke hanganaki malanga mei he fale ki he falé ʻi he ʻaho ní? (4) Ko e hā ʻa e ngaahi tuʻunga ʻokú ne ʻai nai ke faingataʻa kiate kitautolu ke tau kau maʻu peé? (5) ʻE lava fēfē ke tau maʻu ha tokoni koeʻuhi ke tau kītaki? (6) ʻOku anga-fēfē hono tāpuakiʻi kitautolu ʻi hono ʻai ke ulo atu ʻetau māmá? (7) Ko e hā ʻe lava ke tau fai ke tau hoko ai ʻo lavameʻa lahi ange ʻi he fetuʻutaki ki he kakaí? Fakatātaaʻi ʻaki hano ʻai ha kau malanga ʻe toko tolu pe toko fā ke nau lave ki he ngaahi meʻa fakalototoʻa naʻa nau hokosia ʻo fiefia ai ʻi he lolotonga ʻo e ngāue mei he falekoloa ki he falekoloa pe ko hono fai ʻo e fakamoʻoni he halá.
Hiva 48 mo e lotu tuku.