Ngaahi Meʻa ke Manatuʻi ki he Fakamanatú

Ko e kātoanga Fakamanatú ʻe fai ia ʻi he Tokonaki, ʻEpeleli 11. ʻOku totonu ki he kau mātuʻá ke nau fai ha tokanga ki he ngaahi meʻa ʻoku hoko haké:

◼ ʻI hono fokotuʻutuʻu ʻa e taimi ki he fakatahá, fakapapauʻi ʻe ʻikai ke tufa ʻa e maá mo e uainé kaeʻoua ke tō ʻa e laʻaá.

◼ ʻOku totonu ke fakahā ʻa e taimi totonu mo e feituʻu ki he kātoangá ki he tokotaha kotoa pē, kau ai mo e tokotaha malangá.

◼ ʻOku totonu ke maʻu mo mateuteu ʻa e faʻahinga mā mo e uaine ʻoku feʻungamālié.​—Sio ki he Watchtower ʻo Fepueli 15, 1985, peesi 19.

◼ ʻOku totonu ke ʻomai tokamuʻa ʻo fokotuʻu ki he holó ʻa e ngaahi peleti, ngaahi ipu sioʻatá, pea mo ha tēpile mo e meʻa ʻufiʻufi tēpile taau.

◼ ʻOku totonu ke fakamaʻa fakalelei ʻa e Fale Fakatahaʻangá ki muʻa pe ko ha feituʻu kehe pē ki he fakatahá.

◼ Ko e kau fakanofonofó mo e kau tufa ʻo e maá mo e uainé ʻoku totonu ke fili pea fakahinohinoʻi ki muʻa fekauʻaki mo e founga totonú mo honau ngaahi fatongiá.

◼ ʻOku totonu ke fai ha ngaahi fokotuʻutuʻu ke tufa ʻa e maá mo e uainé ki ha faʻahinga ʻo e toenga ʻo e kau paní ʻoku puke ʻo ʻikai malava ke ʻi aí.

◼ ʻI he taimi ʻoku fakataimi-tēpileʻi ai ha fakatahaʻanga lahi ange ʻi he tahá ke ngāueʻaki ʻa e Fale Fakatahaʻanga tatau, ʻoku totonu ke ʻi ai ʻa e fokotuʻutuʻu lelei ʻi he lotolotonga ʻo e ngaahi fakatahaʻangá koeʻuhi ke fakaʻehiʻehi mei he feʻefiʻefihi taʻetotonu ʻi he loki hūʻangá, matapā hūʻangá, hala ʻaluʻanga kakaí, mo e tauʻanga meʻalelé.