Ngaahi Fakataha Ngāue ki Mē

Uike Kamata Mē 4

Hiva 56

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ongoongo Fakateokalati.

15 min: “Ko e Laumālie ʻo Sihová ʻOku ʻIate Kitautolu.” Fehuʻi mo e tali. ʻI hono fai ʻa e palakalafi 3, fakakau atu ki ai ʻa e ngaahi fakamatala nounou feʻungamālie mei he 1998 Yearbook.

22 min: “Fili ʻa e Ngaahi Kupu ki Hono Tāketiʻi ʻa e Mahuʻingaʻia Makehe ʻa e Kakaí.” Fakamanatu ʻa e ngaahi poini tefito ʻi he kupú. Fakamatalaʻi naʻa mo e ngaahi tatau motuʻa ʻoku kei ʻi he tuʻunga leleí ʻe lava ke tuʻuaki ʻi he founga ko ʻení. Fakaafeʻi ʻa e kau malangá ke nau lave ki ha ngaahi kupu naʻa nau fakaeʻa ʻo maʻu ai ha ngaahi ola lelei. Fakahāhaaʻi ʻa e tuʻuaki ʻi he palakalafi 7.

Hiva 212 mo e lotu tuku.

Uike Kamata Mē 11

Hiva 207

8 min: Ngaahi fanongonongo fakalotofonua. Fakamatala paʻangá.

17 min: “Ko e Hā Hoʻo Ngaahi Palani ki he Faʻahitaʻu ʻAfuá?” Ko ha fetalanoaʻaki ʻa ha tokotaha mātuʻa mo e kau malanga ʻe toko ua pe toko tolu ki heʻenau ngaahi palani ki he ngaahi māhina hoko maí ʻi heʻetau aʻu atu ki he faʻahitaʻu ʻafuá. ʻOku nau fakamanatu ʻa e ngaahi fokotuʻutuʻu ki hono maʻu ʻa e fakataha-lahí, ko hono fakatupulekina ʻenau ngāue fakamalangá, taimi mālōloó, mo e ʻaʻahi ki he ngaahi kaumeʻá mo e ngaahi kāingá. ʻOku loto-lelei ʻa e tokotaha kotoa pē heʻikai te nau liʻaki ʻa e ako fakafoʻituituí, ngaahi fakatahá, pe ngāue fakamalangá pea fakamatalaʻi ʻa e founga ʻoku nau palani ai ke tauhi maʻu ha taimi-tēpile fakateokalati leleí.

20 min: Mou Tōtōivi. Malanga makatuʻunga ʻi he Watchtower ʻo Sanuali 15, 1986, peesi 10-14. Fakamatalaʻi ʻa e mahuʻinga ʻo e ngāue tāimuʻa tuʻumaʻú, ʻo fakalototoʻaʻi ke kau ki ai ʻi Sepitema 1.

Hiva 48 mo e lotu tuku.

Uike Kamata Mē 18

Hiva 195

8 min: Ngaahi fanongonongo fakalotofonua.

17 min: “ʻOkú Ke Maʻu ‘ha Tolounua ʻi he Kakanó’?” Fehuʻi mo e tali. Fakamatala ʻi he “Ngaahi Fehuʻi Mei He Kau Lautohi” ʻi he Taua Leʻo ʻo Fepueli 1, 1988, peesi 32.

20 min: Founga ke Kamata Ai ha Tufaʻanga Makasini Pau. Lāulea ki he meʻa ʻoku fiemaʻú: Lēkooti ʻa e ngaahi tohi kotoa pē naʻe tufá, toe ʻaʻahi ʻi loto he uike ʻe ua, ʻoatu ʻa e ngaahi fakakaukau foʻou mei he ngaahi makasini lolotongá ke hanganaki hokohoko atu ai ʻa e mahuʻingaʻiá. Fokotuʻu ke fakakau atu ʻa e ngaahi kaungāʻapí, kaungāngāué, kau kalake falekoloá, kau ngāue he pausá, pea mo e hā fua. Tuʻuaki ha ngaahi tukuhau māhina-ono ki he faʻahinga ʻoku nau fakahā maʻu pē ʻa e mahuʻingaʻiá. Fakaafeʻi ha tokotaha malanga ʻe toko taha pe toko ua ke lave ki ha meʻa naʻe hokosia lelei fekauʻaki mo e ngaahi tufaʻanga makasini paú.

Hiva 151 mo e lotu tuku.

Uike Kamata Mē 25

Hiva 149

10 min: Ngaahi fanongonongo fakalotofonua.

15 min: Ngaahi fiemaʻu fakalotofonua.

20 min: ʻUhinga Ke u Mātuʻaki Houngaʻia Ai ʻi he Ngaahi Fakataha ʻa e Fakatahaʻangá. Fai ʻe ha tokotaha mātuʻa ha fetalanoaʻaki mo ha kulupu ʻo e kau maʻu fakataha tuʻumaʻu ʻoku nau fakafofongaʻi ha kulupu fetuiaki ʻo e fakatahaʻangá, ʻoku kau atu nai ki ai ha ongo meʻa mali, ko ha tokotaha taʻumotuʻa, pea mo ha tokotaha kei siʻi. ʻOku nau fakahaaʻi ʻa e ʻuhinga ʻoku nau maʻu maʻu ai pē iá: feohi lelei, fakahinohino fakaʻotua, mo e akonaki lelei, ʻa ia ʻokú ne tokoniʻi kinautolu ke fekuki mo e ngaahi palopalema fakaʻahó pea tauhi ke mālohi fakalaumālie. Fakamatala ki he fakamamafaʻi ʻo e founga ʻoku tāpuakiʻi ai ʻa e kotoa ʻo kitautolú ʻaki ʻa e maʻu maʻu pē ʻa e ngaahi fakatahá.

Hiva 222 mo e lotu tuku.