Ngaahi Fakataha Ngāue ki Siulai
Uike Kamata Siulai 6
Hiva 163
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lāulea ki he līpooti ngāue fakamalanga ki he fonuá mo e fakatahaʻanga fakalotofonuá ʻi ʻEpelelí. Ongoongo Fakateokalati.
20 min: “Ngaahi Fakataha-Lahi Fakavahe mo Fakavahaʻapuleʻanga ‘Founga ʻa e ʻOtuá ki he Moʻuí’ 1998.” (Palakalafi 1-17) Fehuʻi mo e tali. Lau ʻa e palakalafi 11 mo e 12. Fakamamafaʻi ʻa e mahuʻinga Fakatohitapu ʻo e tokanga ke tauhi maʻu hotau fōtunga hāmai mo e ʻulungaanga faka-Kalisitiane fakanānaá pea mo hono tokangaʻi lelei ʻetau fānaú.
15 min: “ʻOku Fiemaʻu ʻe Hotau Ngaahi Kaungāʻapí ke Fanongo ki he Ongoongo Leleí.” Fokotuʻutuʻu ki ha kau malanga taukei ʻe toko ua pe toko tolu ke nau fakamanatu ʻa e ngaahi fokotuʻu ki hono tuʻuaki ha niʻihi ʻo e ngaahi polosiua ʻoku kei ʻi he sitoka ʻa e fakatahaʻangá. Fakamatalaʻi ʻa e ʻuhinga ʻoku nau hoko nai ai ʻo ola lelei ʻi he feituʻu fakalotofonuá. Fakamamafaʻi ʻa e taumuʻa ʻo hono kamata ha ngaahi ako Tohitapu ʻi he polosiua Fiemaʻu pe ko e tohi ʻIlo. Fakahāhā ha ʻuluaki malanga pea hoko atu ʻaki ha toe ʻaʻahi pea mo e tuʻuaki ʻo ha ako. Manatuʻi ke lave ki he fokotuʻutuʻu ʻo e tokoní.
Hiva 172 mo e lotu tuku.
Uike Kamata Siulai 13
Hiva 163
8 min: Ngaahi fanongonongo fakalotofonua. Fakamatala paʻangá. Fakalototoʻaʻi ʻa e tokotaha kotoa pē ke fai ha fakakaukau fakamātoato ki he hoko ko ha tāimuʻa tokoni he lolotonga ʻo ʻAokosí, ʻa ia ʻe ʻi ai ʻa e fakaʻosinga ʻo e uike kakato ʻe nima.
15 min: “Hono ʻIkai Sai ke ʻI Ai Maʻu Pē!” Fehuʻi mo e tali. Fakakau atu ki ai mo e fakamatala ʻi he Awake! ʻo Sune 8, 1988, peesi 19-21, ke fakalototoʻaʻi ʻa e kau talavoú ke maʻu maʻu pē ʻa e ngaahi fakatahá.
22 min: “Ngaahi Fakataha-Lahi Fakavahe mo Fakavahaʻapuleʻanga ‘Founga ʻa e ʻOtuá ki he Moʻuí’ 1998.” (Palakalafi 18-24) Fehuʻi mo e tali. Lau ʻa e palakalafi 18 pea mo e konga Tohitapu ʻoku hā aí. Fakamamafaʻi ʻa e fiemaʻu ke maau pea fakaʻatuʻi ʻa e niʻihi kehé, tautefito ki he nofoʻangá. Fakaʻosi ʻaki ha malanga nounou ʻo fakamanatu ai ʻa e “Ngaahi Fakamanatu Fekauʻaki mo e Fakataha-Lahí.”
Hiva 42 mo e lotu tuku.
Uike Kamata Siulai 20
Hiva 113
8 min: Ngaahi fanongonongo fakalotofonua. Fakamanatu ʻa e puha ʻoku fakakaveinga “Ko ha Tumutumu Foʻou?”
12 min: “Ko ha ʻAʻahi ʻOku Lava ke Hoko ko ha Tāpuaki.” Fetalanoaʻaki ʻi he vahaʻa ʻo e toko ua ʻo e kau mātuʻá. Fakamatalaʻi ʻa e ngaahi taumuʻa ʻo e ngāue fakaetauhisipí ʻoku fakamatalaʻi ʻi he Watchtower ʻo Sepitema 15, 1993, peesi 20-23. Fakalototoʻaʻi loto-māfana ʻa e fakatahaʻangá ke nau fakatuʻamelie atu ki he ngaahi ʻaʻahi ʻa e kau mātuʻá.
25 min: “Ngāue Tāimuʻá—ʻOku Kaunga Kiate Koe?” (Palakalafi 1-14) Fai ʻe he ʻovasia ngāué ha malanga fakaava nounou, ʻo fakalototoʻaʻi kotoa ai ke fakakaukau fakamātoato fekauʻaki mo e ngāue tāimuʻa tuʻumaʻú. Pea toki fakamatalaʻi ʻa e fehuʻi 1, fakakau atu ki ai mo e fakamatala ʻi he “Laumālie Tāimuʻa Loto-Māfana” ʻi he 1998 Yearbook, peesi 104-105. Ko e mēmipa ʻe toko ua pe toko tolu ʻi he fakatahaʻangá ʻoku nau taukei ʻi he ngāue tāimuʻá ke nau ō fakataha mo ia ki he siteisí ke nau fetalanoaʻaki ʻi he fehuʻi 2. ʻOku nau fevahevaheʻaki ai ha fakakaukau ʻaonga, mo moʻoni ʻo e founga ʻe malava ke fekuki fakamatelie ai mo e tuʻunga ko e kau tāimuʻá. Pea ko e ongo mātuʻa tauhi fānau leva ʻe toko ua ke na kau ki he kulupú ke fakamatalaʻi ʻa e fehuʻi 3. ʻOku nau ʻoatu ha ngaahi ʻuhinga pau ki he ʻuhinga ʻoku totonu ai ki he toʻutupú ke nau fakakaukau fakamātoato ki ha ngāue ʻi he ngāue taimi-kakató. Fakalototoʻaʻi kotoa ke kau ki he Fakataha Ngāue ʻi he uike hoko maí ki he taimi ʻe fakahoko ai ʻa e toenga ʻo e ngaahi fehuʻí.
Hiva 207 mo e lotu tuku.
Uike Kamata Siulai 27
Hiva 135
15 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki Siulaí. Fanongonongo ʻa e ngaahi fokotuʻutuʻu ngāue fakamalangá ki he fakaʻosinga ʻo e uike ʻuluaki ʻo ʻAokosí, pea fakalototoʻaʻi kotoa ke kau ki ai. Fakamanatu ʻa e “Polokalama ʻAsemipilī Fakafeituʻu Foʻou.”
30 min: “Ngāue Tāimuʻá—ʻOku Kaunga Kiate Koe?” (Palakalafi 15-25) Malanga mo e fetalanoaʻaki ke fai ʻe ha tokotaha mātuʻa. Fokotuʻutuʻu ki muʻa ki ha kau tāimuʻa pea mo e faʻahinga naʻa nau ngāue tāimuʻa ʻi he kuohilí ke nau kau ʻi hono fakahāhaaʻi loto-māfana ʻa e tali ki he fehuʻi 4-5. ʻOku nau fakamamafaʻi ʻa e fiemaʻu ha taimi-tēpile lelei pea pipiki ki ai, ʻo ʻomai ai ʻa e ngaahi faʻifaʻitakiʻanga ʻo e taimi-tēpile ngāue fakamalanga fakauike ʻaonga ʻoku ʻaonga moʻoní. ʻOku fakaʻosi ʻe he tokotaha mātuʻá ʻaki ha malanga fakaueʻiloto ʻoku tali ai ʻa e fehuʻi 6. Ko e kamata ʻo e taʻu fakangāué ʻi Sepitema 1 ko ha taimi lelei taha ia ki he kau tāimuʻa foʻoú ke nau kamata ʻenau ngāue taimi-kakató. ʻOku lava ke maʻu ʻa e ngaahi tohi kolé mei ha taha pē ʻi he kau mēmipa ʻo e Kōmiti Ngāue ʻa e Fakatahaʻangá.
Hiva 51 mo e lotu tuku.