Ngaahi Fakataha Ngāue ki ʻAokosi
FAKATOKANGA: ʻE fakataimi-tēpileʻi ʻe he ʻEtau Ngāue Fakafaifekau ʻo e Puleʻanga ha Fakataha Ngāue ki he uike taki taha he lolotonga ʻo e ngaahi māhina ʻo e fakataha-lahí. ʻE fai nai ʻe he ngaahi fakatahaʻangá ha ngaahi feʻunuʻaki ʻoku fiemaʻú ke lava ke kau ai ki he Fakataha-Lahi “Founga ʻa e ʻOtuá ki he Moʻuí” pea pehē foki ki ha miniti ʻe 30 ʻo e fakamanatu ʻo e ngaahi meʻa mahuʻinga ʻo e polokalamá ʻi he Fakataha Ngāue ʻo e uike hoko maí. Ko e fakamanatu ʻaho-ki-he-ʻaho ʻo e polokalama ʻo e fakataha-lahí ʻoku totonu ke vaheʻi ki muʻa ki he ngaahi tokoua taau ʻe toko tolu te nau malava ke fakahanga ʻa e tokangá ki he ngaahi poini tuʻu-ki-muʻá. Ko e fakamanatu ʻosi teuteuʻi lelei ko ʻení ʻe tokoni ia ki he fakatahaʻangá ke nau manatuʻi ʻa e ngaahi poini tefitó koeʻuhi ke nau ngāueʻaki fakafoʻituitui pea mo ngāueʻaki ʻi he malaʻe malangá. Ko ha tali mei he kau fanongó mo ha lave ki ha ngaahi meʻa naʻe hokosiá ʻoku totonu ke nounou pea kaunga ki he poiní.
Uike Kamata ʻAokosi 3
Hiva 212
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lāulea ki he līpooti ngāue fakamalanga ki he fonuá mo e fakatahaʻanga fakalotofonuá ʻi Meé.
15 min: “ʻE Hoko ʻa ʻAokosi ko ha Māhina Makehe?” Fehuʻi mo e tali. Fakalototoʻaʻi ʻa e tokotaha kotoa pē ke kau ki he ngāue fakafaifekaú he lolotonga ʻo ʻAokosí pea mo e māhina taki taha ʻo e taʻu fakangāue foʻoú.
20 min: “Ngāueʻaki ʻa e Ngaahi Polosiua ʻOku Fakamānako ki he ʻAtamaí mo e Lotó Fakatouʻosi.” Fetalanoaʻaki mo e kau fanongó. Fakamanatu nounou ʻa e ngaahi polosiua kuo pulusi ʻo laui taʻu ke fakamatala ki he kakaí fekauʻaki mo e ngaahi meʻa Fakatohitapu mahuʻingá. (Sio ki he Watch Tower Publications Index 1986-1995, peesi 652-653.) Fakaeʻa ʻa e ngaahi polosiua lolotongá, pea fakamatalaʻi pe ko hai te ne mahuʻingaʻia nai ke maʻu ha tatau taki taha. Fakahāhaaʻi ha tuʻuaki ʻe taha pe ua, lave ki hono fai ha fokotuʻutuʻu ke tokoni.
Hiva 42 mo e lotu tuku.
Uike Kamata ʻAokosi 10
Hiva 113
10 min: Ngaahi fanongonongo fakalotofonua. Fakamatala paʻangá. Lave ki he taumuʻa ʻa e kau malanga kotoa ʻoku kau ki he ngāue fakamalangá he lolotonga ʻo ʻAokosí.
15 min: Ngaahi fiemaʻu fakalotofonuá.
20 min: “Kau Talavou—Ngāueʻaongaʻaki Hoʻomou Akó.” Fehuʻi mo e tali. Fakakau atu ki ai mo e fakamatala feʻungamālie mei he Awake! ʻo ʻEpeleli 8, 1992, peesi 17-19, mo e Taua Leʻo ʻo ʻAokosi 1, 1992, peesi 24-27.
Hiva 51 mo e lotu tuku.
Uike Kamata ʻAokosi 17
Hiva 163
10 min: Ngaahi fanongonongo fakalotofonua. Fakaafeʻi ke fai ha fakamatala nounou ʻi he founga te ke maʻu ai ʻa e hingoa mo e tuʻasila ʻo ha tokotaha ʻa ia naʻe fai ha fakamoʻoni ki ai ʻi he halá, ʻi he paʻaké, pe ʻi ha feituʻu pē koeʻuhi ke hokohoko atu ʻene mahuʻingaʻiá.
35 min: “Ko ha Vakai Fakalakalaka ki he Ngāue Fakavavevave ʻo e Ngaohi-Ākongá.” Fehuʻi mo e tali. Lau ʻa e palakalafi 5, 10, mo e 11. Fakamanatu ʻa e founga ʻoku fakahoko fakalotofonua ai ʻa e ngāue ako Tohitapú. Fakalototoʻaʻi ʻa e faʻahinga kotoa pē ʻoku nau fai ʻa e ngaahi akó ke nau toe lau ʻa e fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996 koeʻuhí ke fakaleleiʻi ai ʻenau pōtoʻi fakafaiakó. Lave ki he palakalafi 5 mo e 25 ʻo e fakalahi ko iá.
Hiva 149 mo e lotu tuku.
Uike Kamata ʻAokosi 24
Hiva 212
12 min: Ngaahi fanongonongo fakalotofonua. Koeʻuhi ko e fakaʻosinga ʻo e uike pē ʻe taha ʻoku toe ʻi ʻAokosí, fakalototoʻaʻi ʻa e tokotaha kotoa pē ke kau ki he ngāue fakafaifekaú ki muʻa ke ngata ʻa e māhiná. Fakamanatu ʻa e “Polokalama ʻAho ʻAsemipilī Makehe Foʻou.”
18 min: Founga ke Kītaki Ai ʻi he Ngāue Tāimuʻá. Ko e malanga makatuʻunga ʻi he Watchtower ʻo Sepitema 15, 1993, peesi 28-31. Fakaʻekeʻeke ha tāimuʻa naʻá ne fekuki mo e ngaahi palopalema mafatukituki kae kei hokohoko atu pē ʻi he tāimuʻá.
15 min: Ngāue Lelei ʻAki ʻa ʻEtau Ngāue Fakafaifekau ʻo e Puleʻanga. Fetalanoaʻaki mo e kau fanongó. Ko hono ngāueʻaki ʻa e ngaahi faʻifaʻitakiʻanga lolotongá, fakatātaaʻi ʻa e fakamatala taimi totonu ʻoku maʻu ʻi he ngaahi peesi ʻo ʻEtau Ngāue Fakafaifekau ʻo e Puleʻanga pea mo e ngaahi ʻaonga ʻoku tau maʻu mei aí: (1) ngaahi kupu ʻa ia ʻokú ne ueʻi kitautolu ke kau maʻu pē ʻi he ngāue fakafaifekaú; (2) ngaahi meʻa naʻe hokosia ʻa ia ʻokú ne fakalototoʻaʻi kitautolu ʻi heʻetau ngāue toputapú; (3) ngaahi fokotuʻu ʻa ia ʻokú ne tokoniʻi kitautolu ke ʻoatu ola lelei ʻa e ongoongo leleí; (4) fanongonongo ʻo e ngaahi tohi foʻou ʻoku ala maʻu ʻa ia ʻoku ʻaonga ki he feituʻu fakalotofonuá; (5) līpooti ngāué, ʻa ia ʻokú ne fakahā ʻa e vave ʻo e ngāue ʻo e Puleʻangá; (6) Ongoongo Fakateokalati, ʻa ia ʻokú ne līpooti ʻa e laka ki muʻa ʻo e ngāue ʻi māmani lahí; (7) ngaahi fanongonongo mo e taimi-tēpile ʻokú ne ʻai ai kitautolu ke tau ʻilo lelei ange fekauʻaki mo e ngaahi meʻa ʻoku hokó; (8) ngaahi Puha Fehuʻi ʻa ia ʻokú ne tali ʻa e ngaahi meʻa ʻoku fai ʻa e tokanga fakamātoato ki ai; mo e (9) ngaahi fakalahi ʻokú ne tala mai kiate kitautolu fekauʻaki mo e ngaahi fakataha-lahi, ngaahi feingangāue makehe, pea mo e ngaahi meʻa kehe ʻokú ne ʻai kitautolu ke tau tokanga ki heʻetau ngaahi fiemaʻu fakalaumālié. Fakalototoʻaʻi ʻa e tokotaha kotoa pē ke lau ʻa e tatau taki taha, ngāueʻaki ʻa ʻene ngaahi fokotuʻú, ʻomai ia ki he ngaahi Fakataha Ngāué pea mo e ngaahi fakataha ki he ngāue fakamalangá, pea tauhi ia ʻi ha faile fakafoʻituitui ki ha maʻuʻanga fakamatala he kahaʻú.
Hiva 172 mo e lotu tuku.
Uike Kamata ʻAokosi 31
Hiva 113
12 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki ʻAokosí. ʻOku totonu ki he kau faiako ʻo e Ako Tohi ʻa e Fakatahaʻangá ke nau vakaiʻi ʻa e tokotaha kotoa pē ʻi heʻenau kulupú koeʻuhí kae lava ke fakamāʻopoʻopo ʻa e līpōtí kotoa ʻi Sepitema 6. Lave ki he ngaahi tohi ke tuʻuaki ʻi Sepitemá. Fakahāhaaʻi nounou ha tuʻuaki ʻoku langaʻi hake ai ʻa e fehuʻi, “Ko e hā ʻoku totonu ai ke tau ngāueʻaki ʻa e huafa ʻo e ʻOtuá?” Tali ia ʻaki hono ngāueʻaki ʻa e tohi ʻIlo, vahe 3, palakalafi 6.
15 min: “Takimuʻa ʻa e Kau ʻOvasiá—Ko e ʻOvasia Tauhí.” Ko ha malanga ke fai ʻe he ʻovasia tauhí. ʻI he hili hono fakamanatu ʻa hono ngaahi fatongiá, ʻokú ne fakahā ʻa ʻene houngaʻia ki he fakatahaʻangá ʻi heʻenau fengāueʻaki fakataha mo e kau mātuʻá ʻi heʻenau tauhi ʻa e tākangá.
18 min: Tokoniʻi Hoʻo Fānaú ke Fekuki mo e Ngaahi Palopalema ʻi he Akoʻangá. Ko ha tokotaha mātuʻa ʻokú ne fetalanoaʻaki mo ha ngaahi mātuʻa ʻe toko ua pe tolu ʻoku ʻi ai ʻenau fānau ʻi he ʻapiakó. Fakamatala nounou ki he niʻihi ʻo e ngaahi palopalema anga-maheni lahi ange ʻoku fehangahangai mo e fānaú, ʻa ia ʻoku fakamatalaʻi ʻi he Awake! ʻo ʻAokosi 8, 1994, peesi 5-7. Pea lave leva ki he peesi 8-10, ʻo fakamatalaʻi ʻa e founga ʻe lava ai ʻe he ngaahi mātuʻá ʻo maluʻi ʻenau fānaú pea tauhi maʻu ʻa e vahaʻangatae lelei ʻo e mātuʻá mo e faiakó.
Hiva 51 mo e lotu tuku.