Ngaahi Fakataha Ngāue ki ʻOkatopa
Uike Kamata ʻOkatopa 5
Hiva 172
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Kuo Pau ki he Tokotaha Kotoa Pē ke Ne ‘Pukemaʻu ʻa e Folofolá ʻi he Loto-Māfana’!” Fehuʻi mo e tali. Fakakau atu ki ai mo e ngaahi fokotuʻu mei he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996, palakalafi 21.
20 min: “‘Tūtuuʻi ʻa e Tenga ʻo e Puleʻangá’ ʻi he Ngaahi Tufaʻanga Makasini Paú.” Fetalanoaʻaki mo e kau fanongó. ʻAi ha niʻihi ke nau fakamatalaʻi ʻa e founga naʻa nau kamata ai pea tauhi maʻu ha tufaʻanga makasini pau. Pea fakahāhaaʻi ha tuʻuaki makasini ʻa ia ʻoku fai ha fokotuʻutuʻu ai ke toe ʻaʻahi mo e ngaahi tatau hono hokó. Fokotuʻu atu ʻa e founga ʻe lava ai ke fakapotopoto ʻa e lave ki he fokotuʻutuʻu ʻo e tokoní.
Hiva 133 mo e lotu tuku.
Uike Kamata ʻOkatopa 12
Hiva 42
5 min: Ngaahi fanongonongo fakalotofonua. Fakamatala paʻangá.
10 min: “ʻOku Takimuʻa ʻa e Kau ʻOvasiá—Ko e Sekelitalí.” Ko ha malanga ke fai ʻe he sekelitali ʻa e fakatahaʻangá, ʻo fakamanatu ʻa hono ngaahi fatongia kuo vaheʻi angé. ʻOkú ne fakamamafaʻi ʻe lava ʻa e tokotaha kotoa pē ʻo fengāueʻaki, ʻaki hono ʻomai vave ʻa e ngaahi līpooti ngāue fakamalangá.
10 min: ʻOku Nau Maʻu ha Laumālie Tāimuʻa Loto-Māfana. Ko ha malanga fakalototoʻa ʻoku makatuʻunga ʻi he peesi 104-107 ʻo e 1998 Yearbook. Fakamatalaʻi ʻa e ʻuhinga ʻoku ʻi ai ai ʻa e fuʻu kau tāimuʻa tokolahi ʻi Siapaní, ko e meʻa ʻokú ne fakaʻatā ʻa e ngaahi uaifi tauhi-ʻapi ʻi aí ke fakamuʻomuʻa ʻa e meʻa mahuʻinga fakalaumālié, ko e meʻa ʻoku tuʻu mei mui ʻi he tohi kole kotoa pe ki he tāimuʻá, pea mo e faʻahinga ʻoku faʻuʻaki ʻa e tokolahi taha ʻo e kau tāimuʻá. Fakatātaaʻi ʻa e tākiekina lelei ʻoku fai ʻe he ngaahi mātuʻa ʻoku ngāue tāimuʻá. Fakaeʻa ʻa e tuipau ʻoku fiemaʻu ke ʻai ai ʻa e ngaahi feʻunuʻaki ʻoku fiemaʻu ʻi he moʻui ʻa ha taha kae tāimuʻa. Fakalototoʻaʻi ʻa e tokotaha kotoa pē ke ne fai ha fakakaukau faʻa lotu fakamātoato ki hono toe fakamahuʻingaʻi ʻenau ngaahi ʻamanaki ki he ngāue tāimuʻá.
20 min: “ʻOkú Ke Lau ʻa e Ngaahi Makasiní?” Fehuʻi mo e tali. Fakamanatu ʻa e ngaahi fokotuʻu ʻaonga ki hono fakataimitēpileʻi ʻa e taimi ki he lautohi fakafoʻituitui ʻa ia ʻoku maʻu ʻi he School Guidebook, ako 4, palakalafi 5-6.
Hiva 107 mo e lotu tuku.
Uike Kamata ʻOkatopa 19
Hiva 120
10 min: Ngaahi fanongonongo fakalotofonua. Fakamanatu ʻa e ngaahi poini fakatupunga talanoa ʻi he ngaahi tatau fakamuimui taha ʻo e ngaahi makasiní. Lave ki he ngaahi meʻa naʻe hokosia mei he 1997 Yearbook, peesi 45, mo e Awake! ʻo ʻOkatopa 22, 1996, peesi 32. Fakalototoʻaʻi ʻa e tokotaha kotoa pē ke kau ki hono tufa ʻa e makasiní ʻi he fakaʻosinga ʻo e uike ní.
15 min: Ngaahi fiemaʻu fakalotofonua.
20 min: Founga ke Teuteu Ai ki he Ako Taua Leʻo. Fetalanoaʻaki mo e kau fanongó ke fai ʻe he tokotaha faiako ʻo e Ako Taua Leʻo, ʻo makatuʻunga ʻi he Watchtower ʻo Mē 15, 1986, peesi 19-20, palakalafi 16-18 mo e School Guidebook, ako 7, palakalafi 11, mo e ako 18, palakalafi 4-6. Fakaafeʻi ke fai ha fakamatala ki he ngaahi fehuʻi hoko maí: (1) Ko e hā ʻoku mātuʻaki mahuʻinga ai ke tau maʻu ʻa e ʻaonga lahi taha mei he kupu ako taki taha ʻi he Taua Leʻo? (2) Ko e hā ʻoku totonu ke tau fai ʻi he taimi ʻoku tau maʻu ai ha tatau foʻoú? (3) Ko e hā ha founga lelei ke teuteu ai ki he Ako Taua Leʻo? (4) Ko e hā ʻa e tokanga ʻoku totonu ke tau fai ki he ngaahi konga Tohitapu ʻoku lave ki aí pea mo e kaveinga ʻo e lēsoní? (5) ʻE lava fēfē ke tau fakamanatu ʻa e meʻa ʻoku tau akó? (6) Ko e hā ʻa e ngaahi poini tefito ʻoku totonu ke tau fakalaulauloto ki ai ʻi he taimi ʻoku tau fakaʻosi ai ʻetau ako fakafoʻituitui ʻa e lēsoní? (7) ʻOku totonu ke fēfē ʻetau teuteu ha fakamatala? (8) ʻOku anga-fēfē nai hano fai ha fakamatala kehekehe ki ha fehuʻi tāutaha? ʻAi ha niʻihi ke nau lave ki he meʻa kuo nau fai fakafoʻituitui ke tokoniʻi kinautolu ke nau maʻu ʻa e ʻaonga lahi taha mei he Ako Taua Leʻo.—Toe sio ki he Organized to Accomplish Our Ministry, peesi 65-67.
Hiva 163 mo e lotu tuku.
Uike Kamata ʻOkatopa 26
Hiva 98
10 min: Ngaahi fanongonongo fakalotofonua. Fakahokohoko ʻa e ngaahi tohi motuʻa ʻa ia ʻoku ʻi he sitoka fakalotofonuá pea ʻe lava ke tuʻuaki ia ʻi he ngāue fakafaifekaú ʻi he malanga hake ha ngaahi faingamālie. Koeʻuhi ʻoku ʻi ai ʻa e ngaahi vahaʻa taimi mālōlō ʻoku hoko mai ʻi Tīsema mo Sanuali, ʻe hoko ʻeni ko ha taimi lelei ki he kau talavou ʻosi papitaisó mo e niʻihi kehé ke fakakaukau ki he ngāue tāimuʻa tokoní.
20 min: Ko e Talangofua Fakaʻotuá ʻi ha Fāmili Mavahevahe Fakalotu. Malanga makatuʻunga ʻi he Watchtower ʻo Sune 1, 1995, peesi 26-29. ʻOatu ha fakalototoʻa mo e fakahinohino anga-ʻofa ʻa ia ʻe tokoni ki he faʻahinga ʻoku ʻikai ke tui honau hoa malí ke tauhi maʻu ha fakakaukau pau, pea ke feohi longomoʻui mo e fakatahaʻangá.
15 min: Aʻu ki he Ngaahi Fakatahá ʻi he Taimi. Fetalanoaʻaki ʻi he lotolotonga ʻo e toko ua pe toko tolu ʻo e kau faiako ʻi he Ako Tohi ʻa e Fakatahaʻangá pe kau sevāniti fakafaifekaú fekauʻaki mo e palopalema ʻo e aʻu tōmui ki he ngaahi fakatahá. ʻOku nau lāuʻilo ki he ngaahi tuʻunga kehe, kau ai ʻa e meʻa ʻoku hoko fakafokifā, tuʻunga ʻo e ʻeá, feʻaluʻaki ʻa e meʻalelé he halá, pea mo e hā fua, ʻe lava ke ne fakatupunga ha taha ke tōmui. Kae kehe, ʻoku angaʻaki ʻe he niʻihi ʻa e tōmuí. ʻI ha founga pau, ʻoku fetalanoaʻaki ʻa e kulupú pea fakahāhaaʻi ʻa e meʻa ʻoku fiemaʻu ki he tauhi-taimí: (1) houngaʻia ʻaufuatō ki he monū ʻo e maʻu ʻo e ngaahi fakatahá pea ki he meʻakai fakalaumālié mo e feohi ʻoku tokonaki mai aí, (2) fokotuʻutuʻu lelei ki muʻa, pea fokotuʻutuʻu maau ʻa e ngaahi meʻa fakafoʻituituí, (3) loto-lelei ke fengāueʻaki fakataha ʻi he lotolotonga ʻo e ngaahi mēmipa ʻo e fāmilí, (4) mavahe tōmuʻa pea fakaʻatā ha taimi ki he ngaahi palopalema taʻeʻamanekiná, pea (5) hoko ʻo tokanga moʻoni ke ʻoua ʻe fakatupunga ha ngaahi fakaleluʻi ki he niʻihi kehe ʻi he kau maʻu fakatahá. ʻOku loto-tatau ʻa e tokotaha kotoa pē ko e palopalema ko ʻeni ʻo e aʻu tōmuí ʻe lava ke fakaleleiʻi ia ʻaki hono fai ha feinga fakamātoato ke fakaleleiʻi.
Hiva 107 mo e lotu tuku.