Ngaahi Fakataha Ngāue ki ʻAokosi

FAKATOKANGA: ʻE fakataimi-tēpileʻi ʻi he ʻEtau Ngāue Fakafaifekau ʻo e Puleʻanga ha Fakataha Ngāue ki he uike taki taha he lolotonga ʻa e māhina ʻo e fakataha-lahi fakavahé. ʻE fai nai ʻe he ngaahi fakatahaʻangá ha ngaahi feʻunuʻaki ʻoku fiemaʻú ke lava ai ke kau ki he Fakataha-Lahi Fakavahe “Folofola Fakaekikite ʻa e ʻOtuá” pea mo ha fakamanatu miniti ʻe 30 leva ʻo e ngaahi meʻa mahuʻinga ʻo e polokalamá ʻi he Fakataha Ngāue ʻo e uike hoko maí. ʻOku totonu ke vaheʻi ki muʻa ʻa e fakamanatu ʻaho-ki-he-ʻaho ʻo e polokalama ʻo e fakataha-lahí ki he fanga tokoua taau ʻe toko tolu, ʻa ia te nau hangataha ki he ngaahi poini tuʻu-ki-muʻá. Ko e fakamanatu ʻosi teuteuʻi lelei ko ʻení te ne tokoniʻi ʻa e fakatahaʻangá ke nau manatuʻi ʻa e ngaahi poini tefitó ke ngāueʻaki fakafoʻituitui pea ke ngāueʻaki ʻi he malaʻe malangá. Ko ha ngaahi poupou mei he kau fanongó mo hono fakamatalaʻi ko ia ha ngaahi meʻa naʻe hokosiá ʻoku totonu ke nounou pea fakahangatonu ki he poiní.

Uike Kamata ʻAokosi 2

Hiva 56

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lāulea ki he līpooti ngāue fakamalanga ki he fonuá mo e fakatahaʻanga fakalotofonuá ʻi Meé. Fakalototoʻaʻi ʻa e kau malanga kotoa pē ke kau ki he ngāue fakamalangá he lolotonga ʻo ʻAokosí.

17 min: “ʻApasiaʻi Lahi ʻa e Huafa Fakaʻofoʻofa ʻo Sihová.” Fakangatangata pē ʻa e fakamatala talateú ke siʻi hifo he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. Fakaeʻa ʻa e ngaahi konga Tohitapu ʻoku lave ki aí.​—Sio ki he tohi Moʻui Taʻengata, peesi 184-185.

18 min: “Ako Fakaʻatamaí mo Hoʻo Ngaahi Taumuʻa Fakalaumālié.” Fetalanoaʻaki ʻi he kupu ʻa ha tamai mo hono foha pe ʻofefine. ʻOkú na toe fakamanatu ʻa e fakamatala felāveʻi mo iá mei he Awake! ʻo Tīsema 22, 1995, peesi 7-11.

Hiva 113 mo e lotu tuku.

Uike Kamata ʻAokosi 9

Hiva 51

8 min: Ngaahi fanongonongo fakalotofonua. Fakamatala paʻangá.

12 min: Tokoniʻi ʻa e Niʻihi Kehé ʻe he Kau Tāimuʻá​—Ko e Hā ʻa e Fakalakalaka Kuo Faí? Malanga mo e ngaahi fakaʻekeʻeke ke fai ʻe he ʻovasia ngāué. Fakamanatu ʻa e fakahinohino ʻoku tokonaki mai ʻi he ʻEtau Ngāue Fakafaifekau ʻo e Puleʻanga ʻo Sepitema 1998, peesi 4. Lave ki he founga ʻoku fokotuʻutuʻu fakalotofonua ai ʻení, pea ʻomai ha fakamatala fakamuimui taha ki he laka ki muʻa kuo fai ʻe he faʻahinga naʻe tokoniʻí. Fakaʻekeʻeke ha tāimuʻa ʻe toko taha pe toko ua pea mo e kau malanga ʻe niʻihi naʻa nau maʻu ʻaonga mei heʻenau tokoní. Fakalototoʻaʻi ʻa e faʻahinga hoko mai ke tokoniʻí ke nau ngāueleleiʻaki ʻa e tokonaki ko ʻení.

25 min: “Kuo Fakaava Atu Kiate Koe he Taimí Ni ʻa e Matapā ki he Ngāue Tāimuʻá?” Fetalanoaʻaki ʻi he fehuʻi mo e tali ke fai ʻe ha tokotaha mātuʻa. ʻI ha founga pau, fakahā ʻa e ngaahi malava ʻoku ʻi ai ki ha kau malanga tokolahi ange ke tāimuʻa. Fakaʻekeʻeke ha kau tāimuʻa ʻoku malava ke nau lāulea ki heʻenau taukei pē ʻanautolu ʻi he founga naʻa nau malava ai ke ikuʻi pea lavaʻi ʻa e ngaahi fakafaingataʻaʻiaʻanga anga-mahení. Sivisiviʻi ʻa e “Taimi-Tēpile ʻAhiʻahi Tāimuʻa Tuʻumaʻu,” ʻo fakamamafaʻi ʻa e founga ʻoku lava ke maʻu ai ʻa e houa ʻoku fiemaʻú ʻi he palani leleí. Fanongonongo atu ko ia pē ʻoku loto ke maʻu haʻane tohi kole ki he tāimuʻá ke ne maʻu ia hili ʻa e fakatahá.

Hiva 207 mo e lotu tuku.

Uike Kamata ʻAokosi 16

Hiva 135

10 min: Ngaahi fanongonongo fakalotofonua. Ko e fakaʻosinga ʻo e uike pē ʻe ua ʻoku toe ʻi ʻAokosí, ko ia fakalototoʻaʻi ʻa e tokotaha kotoa pē ke ne kau ki he ngāue fakafaifekaú ki muʻa ke ngata ʻa e māhiná. Fakamanatu ʻa e “Polokalama ʻAho ʻAsemipilī Makehe Foʻou.”

15 min: Ngaahi fiemaʻu fakalotofonua.

20 min: ʻOkú Ke Kau ʻi he Ngaohi-Ākongá? Fetalanoaʻaki mo e kau fanongó. ʻI he vakai atu ki he lahi ʻo e ngaahi tohi kuo tufá, ʻoku totonu ko ʻetau taumuʻá ia ke kamata ha ngaahi ako Tohitapu koeʻuhí ke malava ke tau tokoniʻi ʻa e kakaí ke nau maʻu ʻa e ʻaonga mei he ngaahi tohi ʻoku nau maʻú. ʻAi ha kau malanga ke nau fakamatala ki he ngaahi palopalema ʻoku faingataʻa ai kiate kinautolu ke fai ha ngaahi ako lahi angé: (1) ʻOku faingataʻa ke maʻu ha kakai ʻoku nau loto-lelei ke ako. (2) Ko e kakai ʻe niʻihi ʻoku nau fakahā ʻa e mahuʻingaʻiá ʻoku nau pehē ʻoku nau fuʻu femoʻuekina ke ako. (3) ʻI he hili hono kamata ha ako, ʻoku faingataʻa ke maʻu ʻa e tokotahá ki ʻapi ke tauhi maʻu pē ʻa e akó. ʻOmai foki ʻa e ngaahi ongoʻi kuo maʻu nai ʻe he kau malanga ʻe niʻihi fekauʻaki mo e ngāue ako Tohitapú: (1) ‘ʻOku ʻikai te u ongoʻi taau ko ha faiako.’ (2) ‘ʻOku ʻikai ke ʻi ai haku taimi ke fai ha ako fakauike.’ (3) ‘ʻOku ou toumoua ke u moʻua ki ha tokotaha kehe.’ (4) ‘ʻOku ou fiemālie ke kau ʻi ha ngaahi tafaʻaki kehe ʻo e ngāue fakafaifekaú.’ ʻOatu ha ngaahi fokotuʻu pau ki he founga ke ikuʻi ai ʻa e ngaahi fakafaingataʻaʻiaʻanga ko ʻení kae lava ke kau fakafoʻituitui atu ʻi he ngāue ngaohi-ākongá. ʻAi ha kau malanga lavameʻa ke nau lave ki he fiefia kuo nau hokosia ʻi he ngāue ako Tohitapú.​—Sio ki he fakalahi ʻoʻEtau Ngāue Fakafaifekau ʻo e Puleʻanga ʻo ʻEpeleli 1998, pakalafi 3-8, 15.

Hiva 48 mo e lotu tuku.

Uike Kamata ʻAokosi 23

Hiva 84

10 min: Ngaahi fanongonongo fakalotofonua.

15 min: Tokoniʻi ʻa e Faʻahinga Mahuʻingaʻia Foʻoú ke Nau Houngaʻia ʻi he Toputapu ʻo e Malí. Fetalanoaʻaki mo e kau fanongó ke tataki ʻe ha tokotaha mātuʻa ʻo makatuʻunga ʻi he tohi Reasoning, peesi 248-250. ʻOku tau fetaulaki mo e ngaahi hoa mali ʻoku nau tali ʻa e pōpoaki ʻo e Puleʻangá ka ʻoku nau fakatuotuai ke fai ha laka ki muʻa koeʻuhí he ʻoku nau nofo fakataha ʻo ʻikai ko ha mali fakalao. Fakamatalaʻi ʻa e founga ke tokoniʻi ai kinautolu ke nau mahinoʻi ʻa e ʻuhinga kuo pau ai ki he kau Kalisitiané ke nau poupouʻi ʻa e nofo mali tāú. (Sio ki he Awake! ʻo Sanuali 8, 1992, peesi 26-27.) ʻOmai ha ngaahi fokotuʻu fekauʻaki mo e meʻa te tau malava ke leaʻaki fakapotopoto ke tokoniʻi ʻa e ngaahi hoa mali peheé ke nau sio ki he ʻuhinga ʻoku ʻikai ke nau hoko ai ko ha konga ʻo e fakatahaʻangá kae ʻoua kuo lēsisita fakalao ʻenau nofo malí.

20 min: “Ko e Hā ʻa e Meʻa Te Ke Leaʻaki ki ha Tokotaha Lotu-Puta?” Fehuʻi mo e tali. ʻOku tau faʻa fifili ki ha meʻa ke tau leaʻaki ʻi he taimi ʻoku tau maʻu ai ha kakai ʻi he feituʻú ʻoku nau fakahāhā ha lotu taʻefakakalisitiane ʻokú ne fakaeʻa ʻa e ngaahi fakakaukau, ngaahi tōʻonga, pea mo e ngaahi ouau ʻoku foʻou ia kiate kitautolu. ʻOku kamataʻaki ʻa e kupu ko ʻení ha ngaahi konga hokohoko ʻe nima ʻi he kaveinga ko ʻení. Fakahāhaaʻi ha tuʻuaki ʻosi teuteuʻi lelei. Ki ha fakamatala lahi ange fekauʻaki mo e lotu-Putá, sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1998; ko e kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 12-13; mo e Mankind’s Search for God, vahe 6.

Hiva 133 mo e lotu tuku.

Uike Kamata ʻAokosi 30

Hiva 195

10 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki ʻAokosí. ʻOku totonu ki he kau faiako ʻo e Ako Tohi ʻa e Fakatahaʻangá ke nau vakaiʻi ʻa e tokotaha kotoa pē ʻi heʻenau kulupú koeʻuhí kae lava ke fakamāʻopoʻopo ʻa e līpōtí kotoa ʻi Sepitema 6.

17 min: ʻOku Tau ʻOfa ʻi Hotau Fanga Tokouá. Malanga ke fai ʻe ha tokotaha mātuʻa, kau ai ha fetalanoaʻaki mo e kau fanongó ʻo makatuʻunga ʻi he Ngaahi Kupu ki he Ako (br3), peesi 20-22, palakalafi 7-11. Fakamamafaʻi ʻa e ngaahi ʻaonga ʻoku tau fakatou fiefia ai ʻi he taimi ʻoku tau ʻilo lelei ai hotau fanga tokouá, ʻo vahevahe atu ʻa e ngaahi fakalototoʻá, pea fetokoniʻaki ke kātakiʻi ʻa e ngaahi ʻahiʻahí. Lave ki he founga ʻoku lava ai ke fai ʻa e meʻá ni ʻi he tuʻunga lahi angé. Fakaafeʻi ʻa e kau fanongó ke nau lave ki he ngaahi meʻa naʻe hokosia ʻoku hā ai ʻa e founga naʻe fakaivifoʻou mo fakaivimālohiʻi ai kinautolu ʻe he fefakalototoʻaʻaki anga-ʻofa mei he niʻihi kehé.

18 min: ʻOmai ha ʻUhinga ki Hoʻo ʻAmanakí. Fakaʻekeʻeke ʻe ha tokotaha mātuʻa ha taʻu hongofulu tupu ala faʻifaʻitakiʻanga ʻe toko taha pe toko ua ʻokú na ʻi he ʻapiako ʻa e Puleʻangá. ʻOkú na hokohoko atu ʻi he fehangahangai mo e ngaahi tuʻunga ʻa ia ʻoku fiemaʻu ke ʻilo ʻe he ngaahi toʻumeʻa ʻo e māmaní ki he ʻuhinga ʻoku ʻikai ke fili ai ʻe heʻetau ongo taʻu hongofulu tupú ke kau fakataha mo kinautolu ʻi heʻenau ngaahi ngāué. Lolotonga hono ngāueʻaki ʻa e faingamālie peheé ke fakamatalaʻi ʻenau ngaahi tuipau makatuʻunga ʻi he Tohitapú, ʻoku fiemaʻu ki heʻetau kau toʻutupú ke nau tuʻumaʻu ʻi heʻenau talitekeʻí. ʻOku fakamatalaʻi ʻe he kulupú ʻa e founga te na taliʻaki nai kapau ʻoku ʻoange kiate kinaua ha tapaka pe ngaahi faitoʻo kona tapu. Fakamanatu ʻa e fakaʻuhinga ʻoku ʻomai ʻi he tohi Young People Ask, peesi 227-281. Fakamatalaʻi ʻa e anga hono maluʻi ʻenau fakapapau ke fai ʻa e meʻa ʻoku tonú ʻo hoko ia ko ha maluʻanga pea ʻoku ʻoatu ai ha fakamoʻoni lelei.

Hiva 129 mo e lotu tuku.