Fanongonongo

◼ Tohi ke tuʻuaki ʻi Sepitema: ʻIlo ʻA Ia ʻOku Taki Atu ki he Moʻui Taʻengatá. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Nōvema: Ko e Hā ʻOku Fiemaʻu ʻe he ʻOtuá Meiate Kitautolú? pe ʻIlo ʻA Ia ʻOku Taki Atu ki he Moʻui Taʻengatá. Kapau kuo ʻosi maʻu ʻe he kakaí ʻa e ongo tohi ko ʻení, te ke tuʻuaki nai ʻa e tohi Te Ke Malava ʻo Moʻui Taʻengata he Palataisi ʻi he Māmaní. Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ʻEku Tohi ʻo e Ngaahi Talanoa Faka-Tohitapú. Fepueli: Ko Hono ʻAi Hoʻo Moʻui Fakafāmilí ke Fiefia.

◼ ʻOku totonu ki he ʻovasia tauhí pe ko ha tokotaha kuó ne vaheʻi, ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha hili iá. Fai ha fanongonongo ki he fakatahaʻangá ʻi he lava ʻa e ngāue ko ʻení, hili hono lau ʻa e fakamatala paʻanga hono hokó.

◼ Ko e fakamanatu ki he kau mātuʻá ke nau muimui ofi ʻi he ngaahi fakahinohino kuo ʻomai ʻi he peesi 17-19 ʻo e Taua Leʻo ʻo Sepitema 1, 1991, ʻo fekauʻaki mo ha faʻahinga naʻe tuʻusi pe fakamavaheʻi pē ʻe kinautolu ʻa kinautolú, ʻa ia ʻoku nau hehema nai ke hoko ʻo toe fakafoki mai.

◼ Ko e faʻahinga ʻoku feohi mo ha fakatahaʻanga ʻoku totonu ke ʻoatu kotoa ʻenau ngaahi tukuhau foʻou mo e fakafoʻou kotoa ki he Taua Leʻo mo e Awake!, ʻo kau atu ki ai mo ʻenau ngaahi tukuhau fakafoʻituituí, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha. Ko e ʻovasia tauhí ʻoku totonu ke ne fokotuʻutuʻu ha fanongonongo ke fai ʻi he māhina taki taha ki muʻa ke ʻave ki he Sōsaietí ʻa e kole tohi ʻa e fakatahaʻangá ʻi he māhina kotoa pē, koeʻuhi ko kinautolu kotoa ʻoku nau mahuʻingaʻia ke maʻu haʻanau ngaahi tohi fakafoʻituituí ke nau tala ange nai ia ki he tokoua ʻokú ne tokangaʻi ʻa e ʻū tohí. Kātaki ʻo manatuʻi pe ko fē ʻa e ngaahi tohi ʻoku fai ʻa e kole makehe ki aí.

◼ Ko e ngaahi Fakataha-Lahi Fakavahe mo Fakavahaʻapuleʻanga “Founga ʻa e ʻOtuá ki he Moʻuí” 1998 naʻe hoko moʻoni ko ha tāpuaki ki he faʻahinga kotoa naʻe maʻu fakatahá. Naʻe ʻi he lotolotonga ʻo e faʻahinga naʻe ʻi aí ʻa e kau misinale ʻe toko 2,764 mo e kau sevāniti fakavahaʻapuleʻanga naʻa nau malava ke ʻaʻahi ki honau ngaahi fonua tupuʻangá ʻi he ngaahi tokoni nima-homo mei he ngaahi fakatahaʻangá. ʻOku fakahoungaʻi lahi ʻaupito ʻa e poupou ki he fokotuʻutuʻu ko ʻení. ʻI he fakaʻosi ʻo e ngaahi fakataha-lahí, ko e toenga paʻanga naʻe tokoni ki he taumuʻa ko ʻení ʻe ngāueʻaki ia ke poupou ki he ngāue fakamalanga ʻi māmani lahí.

◼ ʻOku totonu ki he ngaahi fakatahaʻangá ke ʻoatu ʻenau ngaahi kole ki he Ko Hono Vakaiʻi Fakaʻaho ʻa e Tohitapú​—2000 ke aʻu ki he ʻōfisi vaʻá ʻi Sepitema 20. Tānaki atu ki he faka-Pilitāniá, faka-Haʻamoá, mo e faka-Tongá, ʻa ia ʻoku ngāueʻaki ʻi hotau feituʻu vaʻá, ʻe ala maʻu ʻa e kiʻi tohí ʻi he ngaahi lea hoko haké: Faka-Falanisē, Finilani, Fisi, Hepelū, Hili Motu, Hinitī, Hōlani, Hungali, Kalisi, Kemipōtia, Kōlea, Kolōtia, Kualati, Lumēnia, Lūsia, Masitōnia, Noaue, Pēsia, Pisilama, Pitisini Niu Kini, Pitisini ʻOtu Motu Solomone, Pōlani, Potukali, Pulukālia, Punisapi, Sēpia, Sepuano, Siaina, Siaina (Simplified), Siamane, Siapani, Sipeini, Suēteni, Tahiti, Taileni, Takaloko, Tenimaʻake, Toake, Tuvalu, Uālisi, Vietinemi, ʻAlepea, ʻAimīnia, ʻAlipēnia, ʻAmihaliki, ʻIloko, ʻĪtali, mo e faka-ʻIukalaine. ʻI he teʻeki ke ala maʻu ʻa e fanga kiʻi tohi ko ʻení pea fai ʻa hono fakafolau atú, ʻe hā ia ko e “Pending” ʻi he ngaahi lisi fakaheka ʻa e fakatahaʻangá. Ko e fanga kiʻi tohi ko e Ko Hono Vakaiʻi Fakaʻaho ʻa e Tohitapú ʻoku ala fai ʻa e kole makehe ki ai.

◼ Ngaahi Tohi Foʻou ʻOku Ala Maʻu ʻi ʻAositelēlia:

Voliume ki he Watchtower 1998​—Faka-Pilitānia

◼ Kamata ʻi he ʻīsiu ʻo Sepitema 1, 1999, ʻe ala maʻu ʻa e Taua Leʻo ʻi he faka-ʻAimīniá ko ha pulusinga tuʻo ua he māhina mo e faka-Kasaki ko ha pulusinga fakamāhina.