Ngaahi Fakataha Ngāue ki Nōvema
Uike Kamata Nōvema 1
Hiva 204
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ʻa e “Vakai ki he Mālohi ʻo e Tohitapú!”
17 min: “Ko e Folofola Fakaekikite ʻa e ʻOtuá ʻE Hoko Moʻoni Kotoa!” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. Lave ki ha ngaahi fakaikiiki siʻi mei he tohi foʻou ko ia ʻokú ne fakaeʻa ʻa e mahuʻinga ʻo hotau taimí.
18 min: “Ko Hai Nai Te Ne Tali ha Ako Tohitapu?” Malanga mo e ngaahi fakahāhā. ʻI he fehoanaki mo e palakalafi 4, fokotuʻu ha ngaahi founga kehekehe ke ne langaʻi ʻa e mahuʻingaʻia ʻi hono ako ʻa e meʻa ʻoku ʻi heʻetau ngaahi tohí. ʻAi ha ongo fakahāhā nounou ʻe ua ʻoku fakahaaʻi ai ʻa e founga ʻe fai nai aí. Fakaafeʻi ʻa e kau fanongó ke nau tala mai ʻa e founga naʻa nau maʻu ai ʻa e lavameʻa ʻi hono kamata ʻa e ngaahi akó.
Hiva 51 mo e lotu tuku.
Uike Kamata Nōvema 8
Hiva 204
10 min: Ngaahi fanongonongo fakalotofonua. Fakamatala paʻangá. Fakamanatu ki he fanga tokouá ke nau teuteu ki he fetalanoaʻaki ʻi he uike kahaʻú ʻi he ʻuluaki ngaahi palakalafi ʻe 18 ʻo e fakalahi ʻo Nōvemá.
15 min: Puha Fehuʻi. Ko ha malanga. Fakamatalaʻi ʻa e ngaahi fokotuʻutuʻu fakalotofonua ke tauhi ʻa e Fale Fakatahaʻangá ke maʻa pea ʻi he tuʻunga leleí.
20 min: “Ko e Hā Te Ke Leaʻaki ki ha Mosilemi?” Fehuʻi mo e tali. Fakaeʻa ʻa e fiemaʻu ki he ʻiloʻilo ʻi he taimi ʻoku fai ai ʻa e fetalanoaʻaki mo e kakai ʻo e ngaahi anga-fakafonua kehé. Fakahāhaaʻi ha tuʻuaki ʻosi teuteuʻi lelei. ʻI ha fakamatala lahi ange ki he ʻIsilamí, sio ki he fakalahi ʻo ʻEtau Ngāue Fakafaifekau ʻo e Puleʻanga ʻo Fepueli 1998; kiʻi tohi ko e Founga ke Kamata mo Hoko Atu ʻa e Fetalanoaʻaki Faka-Tohitapú, peesi 14-15; mo e Mankind’s Search for God, vahe 12.
Hiva 195 mo e lotu tuku.
Uike Kamata Nōvema 15
Hiva 130
8 min: Ngaahi fanongonongo fakalotofonua. Fakamatalaʻi ʻa e ngaahi fokotuʻutuʻu ngāue fakamalanga makehe ki Nōvema 25.
25 min: “Ngāueʻaki ʻo e ʻInitanetí—ʻĀʻā Fekauʻaki mo e Ngaahi Fakatuʻutāmakí!” Fetalanoaʻaki ʻi he fehuʻi mo e tali ʻi he palakalafi 1-18. Lau ʻa e palakalafi 4-7, 12, 16, 17. Fakalototoʻaʻi ʻa e tokotaha kotoa pē ke teuteu lelei ki he fetalanoaʻaki ki he uike hoko maí ʻi he palakalafi 19-36.
12 min: Ngaahi Mātuʻa—ʻOku Mou Fai ha Ako Fakafāmili Tuʻumaʻu? Malanga mo e fetalanoaʻaki mo e kau fanongó. Fakamatalaʻi ʻa e ʻuhinga ʻoku fiemaʻu ai ki he ngaahi fāmilí ke ako fakatahá. (Sio ki he School Guidebook, peesi 37-38.) Lāulea ki he ngaahi fakafaingataʻaʻiaʻanga hoko hake ki he ako fakafāmilí: (1) ongoʻi ʻoku fuʻu kei iiki ʻa e fānaú ke ʻaonga ki ai, (2) fakakaukau ko hono maʻu ʻa e ngaahi fakataha ʻa e fakatahaʻangá ʻoku feʻunga pē ia, (3) helaʻia koeʻuhi ko e moʻumoʻua ʻa e ngaahi taimi-tēpilé, mo e (4) fakaleluʻi ʻe he sio televīsoné. (Sio ki he Taua Leʻo ʻo Sepitema 1, 1994, peesi 24-25.) Fakaafeʻi ʻa e ngaahi ʻuluʻi fāmilí ke nau tala mai ʻa e founga naʻa nau ikuʻi ai ʻa e ngaahi fakafaingataʻaʻiaʻanga ke tauhi maʻu ha founga-tuʻumaʻu lelei ʻo e ako fakafāmilí. Fakamamafaʻi ʻoku fiemaʻu ki heni ʻa e feinga, fakapapau, mo e fengāueʻaki fakataha.
Hiva 42 mo e lotu tuku.
Uike Kamata Nōvema 22
Hiva 51
10 min: Ngaahi fanongonongo fakalotofonuá mo e ngaahi meʻa naʻe hokosia ʻi he ngāue fakamalangá.
10 min: Ko e Hā Hoʻo Fakakaukau ki he Ngaahi Konga Kuo Vaheʻi Atú? Malanga ke fai ʻe ha tokotaha mātuʻa. ʻOku ʻi ai ʻa e fakahokohoko lōloa ʻo e ngaahi ngāue ʻoku fiemaʻu ke tauhi ke lele lelei ʻa e fakatahaʻangá: teuteu ʻa e ngaahi konga ki he polokalamá; ʻomai ʻa e niʻihi kehé ki he ngaahi fakatahá pe ʻave kinautolu ʻi he ngāue fakamalangá; tokoniʻi ʻa e kau taʻumotuʻá; mo e fakamaʻa, monomono, mo hono tokangaʻi ʻo e Fale Fakatahaʻangá, kau ai ʻa e tokanga ki he musié mo e ngoué. ʻOku anga-fēfē haʻo tali ʻi hano kole atu ke ke tokoni? ʻOku holomui nai ʻa e niʻihi, tali taʻeloto, pe ʻikai ke muimui ke fai ia ke ʻosi. Fetalanoaʻaki ki he ʻuhinga ko ha monū fakafiefia ai ke tali pea fakahoko ʻa e ngaahi konga kuo vaheʻí. Fakalototoʻaʻi ʻa e tokotaha kotoa pē ʻi he fakatahaʻangá ke nau fakahāhā ʻa e laumālie pole loto-lelei.—Sāme 110:3, NW, laló; Ai. 6:8.
25 min: “Ngāueʻaki ʻo e ʻInitanetí—ʻĀʻā Fekauʻaki mo e Ngaahi Fakatuʻutāmakí!” Fetalanoaʻaki ʻi he fehuʻi mo e tali ʻi he palakalafi 19-36. Lau ʻa e palakalafi 23-25 mo e 34-36.
Hiva 48 mo e lotu tuku.
Uike Kamata Nōvema 29
Hiva 133
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Nōvemá.
15 min: Fakaʻaiʻai ʻa e Faʻahinga Foʻoú Ke Nau Maʻu ʻa e Ngaahi Fakatahá. Fetalanoaʻaki ʻi he vahaʻa ʻo ha tokotaha mātuʻa pea mo e sevāniti ʻe taha pe ua, ʻo makatuʻunga ʻi he polosiua Ko Hono Fai ʻa e Finangalo ʻo e ʻOtuá, peesi 14-15. Fakamanatu ʻa e ʻuhinga ʻoku mātuʻaki mahuʻinga ai ki he faʻahinga foʻoú ke nau maʻu ʻa e ngaahi fakatahá. Te nau maʻu ai ʻa e konga lahi taha ʻo honau fakahinohinoʻí, fakalototoʻaʻí, mo e tokoní. Fakamanatu ʻa e ngaahi fakataha fakauike ʻe nimá, ʻo fakamatalaʻi ʻa e ngaahi ʻaonga ʻo e fakataha taki taha. Fakamatalaʻi ʻa e founga ʻoku poupouʻi ai ʻe he ngaahi fakatahá ʻa e ʻulungaanga fakaʻotuá, langa hake ʻa e tuʻunga fakalaumālié, tohoakiʻi kitautolu ki he kautahá, tokoniʻi kitautolu ke tau fakatupulekina ʻa e ngaahi haʻi vāofi mo e niʻihi kehé, pea tokoniʻi kitautolu ke tau mahinoʻi ʻa e taumuʻa ʻo ʻetau ngāue fakafaifekaú. Fakalototoʻaʻi ʻa e kau fanongó ke nau ngāueʻaki ʻa e polosiuá ke fakaʻaiʻai ʻa e faʻahinga foʻoú ke nau ōmai ki he ngaahi fakatahá.
20 min: Ko ʻEtau Filí—Ko e New World Translation. Malanga mo e ngaahi fakahāhā. ʻI he lotolotonga ʻo e ngaahi kautaha fakalotú, ʻoku laulōtaha haʻatautolú he ʻoku tau pulusi, ngāueʻaki, pea tufaki ha liliu Tohitapu ʻoku faʻu ʻe he kau lotu pani ʻa Sihová. ʻOku ʻikai ko ʻetau holí ke maʻu ha tupu fakakomēsiale pe ke fakamafola ha ngaahi tui fakalotu mavahe. Ka, ʻoku ueʻi kitautolu ʻe ha holi ke fakalāngilangiʻi ʻa e huafa ʻo e ʻOtuá pea ke tokoniʻi ʻa e niʻihi kehé ke nau ʻiloʻi lelei ange ia. ʻOku faʻa ʻoatu ʻe he ngaahi liliu kehé ʻa e Folofola ʻa e ʻOtuá ʻi ha tuʻunga ʻoku faingataʻa ke mahino, ko ia fakamanatu ʻa e ngaahi ʻaonga makehe ʻo e New World Translation. (Sio ki he tohi “All Scripture,” peesi 327-331. Fakatokangaʻi ʻa e ngaahi fakamatala ʻi he palakalafi 3, lave ki he ngaahi fakatātā ʻo e ngaahi kupuʻi lea liliu lelei ange ʻoku ʻomai ʻi he palakalafi 6, pea fakaeʻa ʻa e ngaahi ʻaonga ʻoku ʻomai ʻi he palakalafi 22-23.) ʻAi ha ongo fakahāhā nounou ʻe ua ʻoku fokotuʻu mai ai ʻa e founga ke tau taliʻaki nai ʻi he taimi ʻoku pehē ai ʻe he niʻihi, “ʻOku mou maʻu pē hoʻomou Tohitapu pē ʻamoutolu.”—Sio ki he tohi Reasoning, peesi 279-280.
Hiva 168 mo e lotu tuku.