Fanongonongo

◼ Tohi ke tuʻuaki ʻi Sanuali: Ko ʻEku Tohi ʻo e Ngaahi Talanoa Faka-Tohitapú. Fepueli: Ko Hono ʻAi Hoʻo Moʻui Fakafāmilí ke Fiefia. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻe he kakai mahuʻingaʻiá ʻa e polosiua Fiemaʻu, pea feinga ke kamata ha ngaahi ako Tohitapu ʻi ʻapi. Sune: Ko e Hā ʻa e Meʻa ʻOku Fiemaʻu ʻe he ʻOtuá Meiate Kitautolú?

◼ Ko e kau malanga ʻosi papitaiso kotoa pē te nau ʻi he Fakataha Ngāue ʻi he uike ʻo Sanuali 10 te nau maʻu nai ʻa e kaati Advance Medical Directive/Release pea mo e Identity Card ki heʻenau fānaú.

◼ Kamata ʻi Fepueli pe Maʻasi, ko e malanga foʻou maʻá e kakaí ki he kau ʻovasia fakafeituʻú “Ko e ʻĀmaketone Moʻoní—Ko e Hā Hono ʻUhingá? ʻAfē?”

◼ Ngaahi Fakataha-Lahi Fakavahe ki he 2000: Hangē ko ia naʻe fanongonongo atu ʻi he fakataha-lahi fakavahe kuo ʻosí, ʻoku ʻi ai ʻa e ongo fakataha-lahi fakavahe ʻe ua kuo fokotuʻutuʻu ki he taʻu 2000 ki he ngaahi fonua ʻi he malumalu ʻo e vaʻa ʻi Haʻamoá, hangē ko ia ʻoku hoko haké:

ʻAtele, Tonga: ʻAokosi 4-6, 2000 (Faka-Tonga mo e faka-Pilitānia). ʻE fakaafeʻi ha kau fakafofonga mei Haʻamoa ʻAmelika mo Haʻamoa.

Apia, Haʻamoa: Sepitema 1-3, 2000 (Faka-Haʻamoa mo e faka-Pilitānia). Kuo vaheʻi ʻa e ngaahi fakatahaʻanga ʻi Haʻamoa ʻAmeliká ki he fakataha-lahi ko ʻení, pea ʻe toe fakaafeʻi ki ai ha kau fakafofonga mei Tonga.

◼ ʻOku totonu ki he ngaahi fakatahaʻangá ke nau fai ha ngaahi fokotuʻutuʻu feʻungamālie ke kātoangaʻi ʻa e Fakamanatu ʻi he taʻu ní ʻi he Pulelulu, ʻEpeleli 19, hili e tō ʻa e laʻaá. Neongo ʻe kamata tōmuʻa ange ʻa e malangá, ko hono tufa ʻo e mā mo e uaine ʻo e Fakamanatú ʻoku ʻikai totonu ke kamata ia kae ʻoua ke hili e tō ʻa e laʻaá. Vakai ki he ngaahi maʻuʻanga fakamatala ʻea fakalotofonuá ke fakapapauʻi ʻa e taimi tō ʻa e laʻaá ʻi ho feituʻú. Neongo ʻoku lelei ki he fakatahaʻanga taki taha ke fai pē ʻene kātoanga Fakamanatú, ʻoku ʻikai nai malava ke pehē maʻu pē. ʻI he ʻi ai ʻa e ngaahi fakatahaʻanga ʻoku nau ngāueʻaki ʻa e Fale Fakatahaʻanga tatau peé, mahalo ko ha fakatahaʻanga ʻe taha pe lahi ange ʻe lava ke nau ngāueʻaki ha fale kehe ki he efiafi ko iá. Kapau ʻe malava, te mau fokotuʻu atu ko e siʻi tahá pē ko e miniti ʻe 40 ʻi he vahaʻa ʻo e ngaahi polokalamá ke maʻu ʻaonga kakato ai ʻa e tokotaha kotoa mei he kātoangá, ʻo fakaʻatā ai ha taimi ke fakafeʻiloaki ai ki he kau ʻaʻahí, pea fakalototoʻaʻi ʻa e faʻahinga mahuʻingaʻia foʻoú. ʻOku totonu ke toe fai ha tokanga ki he ngaahi tuʻunga ʻo e fefonongaʻakí mo e tauʻangá, ʻo kau ki ai hono ʻomai mo e ʻave ʻo e kau pāsesé. ʻOku totonu ki he kulupu ʻo e kau mātuʻá ke nau fili ʻa e ngaahi fokotuʻutuʻu ʻe lelei taha fakalotofonuá.

◼ Ko e malanga makehe maʻá e kakaí ki he faʻahitaʻu Fakamanatu 2000 ʻe fai ia ʻi he Sāpate, ʻEpeleli 16. Ko e kaveinga ʻo e malangá ko e “ʻUhinga ʻOku Fiemaʻu Ai ha Huhuʻi ʻe he Faʻahinga ʻo e Tangatá.” ʻE toki ʻomai ʻa e ʻautilainé. Ko e ngaahi fakatahaʻanga ko ia ʻoku fai ki ai ʻa e ʻaʻahi ʻa e ʻovasia fakafeituʻú, ko ha ʻasemipilī fakafeituʻu, pe ko ha ʻasemipilī ʻaho makehe ʻi he fakaʻosinga ʻo e uike ko iá te nau fai ʻa e malanga makehé ʻi he uike hono hoko maí. ʻOku ʻikai totonu ki ha fakatahaʻanga ke ne fai ʻa e malanga makehé ki muʻa ʻi ʻEpeleli 16, 2000.