Fanongonongo

◼ Tohi ke tuʻuaki ʻi Fepueli: Ko Hono ʻAi Hoʻo Moʻui Fakafāmilí ke Fiefia. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻa e polosiua Fiemaʻu ki he kakai mahuʻingaʻiá, pea feinga ke kamata ha ngaahi ako Tohitapu ʻi ʻapi. Sune: Ko e Hā ʻOku Fiemaʻu ʻe he ʻOtuá Meiate Kitautolú? Siulai: ʻE ngāueʻaki nai ha taha pē ʻo e ngaahi polosiua peesi ʻe 32 ʻoku hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá?

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono fakahoko ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu (S-201) ʻa e Sōsaietí ʻi ʻOkatopa 1. Sio foki ki he palakalafi 12-20 ʻi he fakalahi ʻo ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ ʻI he taimi ʻe niʻihi ʻoku ʻoatu ʻe he Sōsaietí ha sieke ki ha tokotaha tāutaha, pea ʻoku fili ʻa e tokotaha ʻoku totongi ki aí ke ʻoua ʻe toho ia, ʻo fakakaukau te ne vakai ki ai ko ha tokoni ia ki he ngāue ʻi māmani lahí. Kātaki ʻo fakatokangaʻi ʻi he hili atu ha vahaʻa taimi, ʻe fai ʻa e vakai ki he ngaahi sieke peheé ko ha koloa tuku fuoloa, pea ʻe tuku atu leva ʻa e paʻanga ko iá ki he Puleʻangá. Kapau ʻoku loto ha taha ke tokoni ʻaki ʻa e lahi ʻo e sieké, ʻoku totonu ke ne fakafoki ʻa e sieke ko iá ki he Sōsaietí fakataha mo ha nouti nounou ʻo fakahaaʻi ai ke vakai ki ai ko ha tokoni.

◼ Ngaahi Kāsete Foʻou ʻOku Ala Maʻú:

ʻI he Mate ha Taha ʻOkú Ke ʻOfa Ai​—Faka-Pilitānia