Fanongonongo

◼ Tohi ke tuʻuaki ʻi Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohitapu ʻi ʻapi. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! ʻAi ke ala maʻu ʻa e polosiua Fiemaʻu ʻe he kakai mahuʻingaʻiá, pea feinga ke kamata ha ngaahi ako Tohitapu ʻi ʻapi. Sune: Ko e Hā ʻOku Fiemaʻu ʻe he ʻOtuá Meiate Kitautolú? Fakahangataha ki hono kamata ha ngaahi ako Tohitapu ʻi ʻapi. Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 ʻoku hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻI he Mate ha Taha ʻOkú Ke ʻOfa Ai, mo e ʻOku totonu Ke Ke Tui ki he Tolu-Tahaʻi-ʻOtuá?

◼ Fakataha-Lahi Fakavahe 2000:

Kātaki ʻo fakatokangaʻi ange ʻa e ʻaho mo e feituʻu foʻou ki he Fakataha-Lahi Fakaevahaʻamotu ʻi Haʻamoá:

ʻAokosi 25-27, 2000; Maota mo Tupulaga, Sogi, Apia, Haʻamoa.

ʻOku tōmuʻa ʻaki ʻeni ia ʻa e uike ʻe taha mei he ʻaho naʻe ʻosi ʻoatu ʻi he Taua Leʻo ʻo Fepueli 15, 2000.

◼ Ko e kau malanga ʻoku nau loto ke ngāue ko e kau tāimuʻa tokoni ʻi ʻEpeleli mo Meé ʻoku totonu ke fai ʻenau ngaahi palaní he taimí ni pea ʻomai ki muʻa ʻenau tohi kolé. ʻE tokoni ʻeni ki he kau mātuʻá ke nau fai ha ngaahi fokotuʻutuʻu ʻoku fiemaʻu ki he ngāue fakamalangá pea maʻu mo ha ngaahi makasini mo e ngaahi tohi feʻunga. Ko e ngaahi hingoa ʻo kinautolu kotoa ʻoku tali ke tāimuʻa tokoní ʻoku totonu ke fanongonongo atu ki he fakatahaʻangá ʻi he māhina taki taha.

◼ Kamata ʻi he uike ʻo ʻEpeleli 17, 2000, te tau ako ai ʻa e tohi Ko Hono ʻAi Hoʻo Moʻui Fakafāmilí ke Fiefia ʻi he Ako tohi ʻa e Fakatahaʻangá. ʻI he ʻīsiu ko ʻeni ʻo ʻEtau Ngāue Fakafaifekau ʻo e Puleʻanga ʻoku mau ʻoatu ai ʻa e taimi-tēpile ako kakato ki he tohí. Te ke saiʻia nai ke ʻai hano tatau pea fakapipiki ia ʻi hoʻo tatau fakafoʻituitui ʻo e tohí ke maʻungofua mei ai ʻa e fakamatalá.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe faingamālie vave taha hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻE fai ʻa e Fakamanatú ʻi he Pulelulu, ʻEpeleli 19, 2000. Kapau ko hoʻo fakatahaʻangá ʻoku faʻa fai anga-maheni ai ʻa e ngaahi fakatahá ʻi he Pulelulú, ko e ngaahi meʻá ni ke fetongi ia ki ha ʻaho kehe ʻo e uiké kapau ʻoku faingamālie ai ʻa e Fale Fakatahaʻangá. Kapau ʻoku ʻikai malava eni pea ʻe uesia ai ʻa hoʻo Fakataha Ngāué, ko e ngaahi konga ʻoku tautefito ʻene ʻaonga ki hoʻo fakatahaʻangá ʻe fakakau nai ia ʻi ha Fakataha Ngāue ʻe taha.

◼ Ko kinautolu ko ia ʻoku feohi mo ha fakatahaʻangá ʻoku totonu ke nau ʻoatu ʻa e ngaahi tukuhau foʻou mo e fakafoʻou kotoa ki he Taua Leʻo mo e Awake!, kau ai mo ʻenau ngaahi tukuhau tāutahá, ʻo fakafou ʻi he fakatahaʻangá.

◼ ʻOku ʻikai ke fakafonu ʻe he Sōsaietí ʻa e kole tohi ʻa ha tokotaha malanga tāutaha ki ha tohí. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he Sōsaietí koeʻuhi ko kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ke nau tala ia ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.

◼ Ngaahi Tohi Foʻou ʻOku Ala Maʻu ʻi ʻAositelēlia:

Voliume ki he Watchtower 1999—Faka-Pilitānia

2000 Yearbook of Jehovah’s Witnesses—Faka-Pilitānia

◼ Ngaahi Kāsete Foʻou ʻOku Ala Maʻu ʻi ʻAositelēlia:

Houngaʻia ʻi Hotau Tofiʻa Fakalaumālié (Tulama, kāsete ʻe taha)—Faka-Pilitānia

Ko ʻEku Tohi ʻo e Ngaahi Talanoa Faka-Tohitapú—Faka-Haʻamoa

◼ Ngaahi Kāsete Vitiō Foʻou ʻOku Ala Maʻu ʻi ʻAositelēlia:

Young People Ask​—How Can I Make Real Friends?—Faka-Pilitānia