Taimi-Tēpile ki he Fakataha Ngāue

Uike Kamata ʻEpeleli 10

Hiva 42

10 min: Ngaahi fanongonongo fakalotofonuá. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻOua naʻa ngalo ʻa e malanga makehe maʻá e kakaí ʻi ʻEpeleli 16 ʻoku fakakaveinga “ʻUhinga ʻOku Fiemaʻu Ai ʻe he Faʻahinga ʻo e Tangatá ha Huhuʻí.” Fakalototoʻaʻi ʻa e tokotaha kotoa pē ke muimui ʻi he taimi-tēpile lau Tohitapu ki he Fakamanatú ki ʻEpeleli 14-19, ʻa ia ʻoku ʻomai ʻi he Ko Hono Vakaiʻi Fakaʻaho ʻa e Tohitapú​—2000. Fakamanatu ʻa e “Ngaahi Meʻa ke Manatuʻi ki he Fakamanatú,” ʻi he peesi 4 ʻo e fakalahí.

15 min: “ʻOkú Ke Tali ʻa e ʻOfa ʻa Kalaisí?” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki fehuʻi mo e tali. Fakakau atu ki ai mo e ngaahi fakakaukau mei he Taua Leʻo ʻo Mē 1, 1998, peesi 16-17, palakalafi 12-13. Fakalototoʻaʻi ʻa e tokotaha kotoa pē ke nau fai ha feinga makehe ke fakaafeʻi ʻa e kakaí ki he Fakamanatú.

20 min: “Ko ʻEpelelí​—Ko ha Taimi Ia ke Faivelenga Ai ʻi he Ngaahi Ngāue Leleí!” Fehuʻi mo e tali. Ko ha fetalanoaʻaki loto-māfana ki he meʻa ʻoku tau loto ke fakahoko ʻi ʻEpelelí. Ngāueʻaki ʻa e miniti ʻe tolu pe fā fakaʻosí ke fakamanatu ai ʻa e “Ko e Faivelengá ʻOku Ueʻi Ai ʻa e Tokolahi.”

Hiva 172 mo e lotu tuku.

Uike Kamata ʻEpeleli 17

Hiva 51

13 min: Ngaahi fanongonongo fakalotofonua. Fakamatala paʻangá. Ko e fakaʻosinga uike pē ʻe ua ʻoku toe ʻi ʻEpelelí, ko ia fakalototoʻaʻi ʻa e tokotaha kotoa pē ke kau mai ki he ngāue fakafaifekaú ki muʻa ʻi he ngataʻanga ʻo e māhiná. Fakahāhaaʻi ha tuʻuaki makasini nounou ʻo ngāueʻaki ʻa e ngaahi ʻīsiu lolotongá. Koeʻuhi ʻoku tau moʻua nai ke fai ha tali ki he kakai ʻoku nau fiemaʻu kitautolu ke kau ʻi heʻenau ngaahi anga-fakafonua Toetuʻú, fakamanatu ʻa e meʻa ʻoku fakahaaʻi mai ʻi he tohi Reasoning, peesi 179-180.

16 min: “ʻOkú Ke Maʻu ʻa e Laumālie ʻo e Feilaulauʻi-Kitá?” Fehuʻi mo e tali. ʻOku tau fiemaʻu ke fokotuʻu ʻa e ngaahi meʻa ʻoku mahuʻingá, ʻo ʻai ke muʻomuʻa ʻa e ngaahi meʻa muʻomuʻá. ʻOku fiemaʻu ʻa e tomuʻa kamata mo e mapuleʻi-kita ke kītaki ʻi hono fai ʻa e meʻa te tau maʻu ai ʻa e ʻaonga fakalaumālié. Fakamatalaʻi ʻa e meʻa te tau lava ʻo ako mei he faʻifaʻitakiʻanga ʻa Sīsuú.​—Sio ki he Insight, Voliume 2, peesi 68, palakalafi 3-5.

16 min: Tufa ʻa e Ngaahi Makasiní ki he Feituʻu ʻE Ola Lelei Lahi Tahá. Malanga, fakataha mo e kau mai ki ai ʻa e kau fanongó. Fakamanatu ʻa e ngaahi fokotuʻu ʻi he Awake! ʻo Sanuali 8, 1995, peesi 22-24. Fakamatalaʻi ʻa e ʻuhinga ʻoku lelei ai ke kumi ki he kakai ʻoku ngalingali te nau tali ʻa e ngaahi kupu makehe ʻoku hā ʻi he ngaahi makasiní. Lāulea ki he ngaahi fakatātā mei he ngaahi ʻīsiu he kuohilí pea mo e faʻahinga tāutaha, ngaahi pisinisi, pe ngaahi kautaha ʻe fakamānako nai ki ai ʻa e ngaahi kupú ʻi he feituʻu fakalotofonuá. Fakaafeʻi ʻa e kau fanongó ke nau lave ki he ngaahi meʻa naʻa nau hokosia ʻoku hā mei ai ʻa e founga naʻa nau maʻu ai ʻa e ngaahi ola lelei ʻi hono ngāueʻaki ʻa e founga ko ʻení.

Hiva 113 mo e lotu tuku.

Uike Kamata ʻEpeleli 24

Hiva 84

10 min: Ngaahi fanongonongo fakalotofonuá. Fanongonongo ʻa e tokolahi ʻo e kau maʻu Fakamanatu ʻa e fakatahaʻangá. Fakaafeʻi ʻa e kau fanongó ke nau lave ki ha ngaahi fakamatala naʻe fai ʻe ha faʻahinga naʻa nau maʻu ia ʻi he ʻuluaki taimí.

17 min: Tokoniʻi ʻa e Faʻahinga Foʻou ʻOku Nau Maʻu ʻa e Ngaahi Fakatahá. Ko ha malanga makatuʻunga ʻi he tohi ʻIlo, peesi 161-163, palakalafi 5-8. ʻI he hili ha vahaʻa taimi ʻo ʻenau akó, ʻoku mātuʻaki fiemaʻu ʻa e faʻahinga foʻoú ke nau kamata haʻu ki he ngaahi fakatahá. Ko hono ʻai kinautolu ke haʻú ʻoku malava ke hoko ia ko ha pole. Ko e hā ʻe lava ke ke fai ke ueʻi ai kinautolú? Ko e faʻahinga ko ia ʻoku nau fai ʻa e ngaahi akó ʻoku totonu ke nau vaheʻi ha taimi ke fakamanatu ai ʻa e fakamatala ko ʻeni ʻi he tohi ʻIlo fakataha mo ʻenau kau akó pea fai leva ha ngaahi fokotuʻutuʻu pau ke tokoniʻi kinautolu ke nau kau fakataha mo kitautolu ʻi he lotu moʻoní.

18 min: “Ko ha Tokotaha-Fanongonongo Tuʻumaʻu Koe ʻo e Puleʻangá?” Malanga mo e fetalanoaʻaki mo e kau fanongó ke fai ʻe he sekelitalí. Fakamatalaʻi ʻa e ʻuhinga ʻoku tau līpooti ai ʻetau ngāue fakamalangá. (Sio ki he Our Ministry, peesi 106-108.) Lave ki he niʻihi ʻo e ngaahi palopalema ʻoku hoko ʻi he taimi ʻoku ʻikai ai ke tau fakafonu vave ʻetau ngaahi līpōtí. Fakaafeʻi ʻa e kau fanongó ke nau tala mai ʻa e meʻa ʻoku nau fai ke fakapapauʻi ai ʻoku nau ʻomai ʻenau ngaahi līpōtí ʻi he taimi totonú. Lave ki he founga ʻoku lava ai ke tokoni ʻa e kau faiako ʻi he Ako Tohi ʻa e Fakatahaʻangá. ʻOku ʻi ai ʻa e fakaʻosinga uike pē ʻe taha ʻoku toe ʻi ʻEpeleli, ko ia fakamamafaʻi ai ʻa e mahuʻinga ʻo e kau ʻa e tokotaha kotoa pē ki he ngāue fakamalangá pea līpooti ʻenau ngāué ʻi he ngataʻanga ʻo e māhiná.

Hiva 120 mo e lotu tuku.

Uike Kamata Mē 1

Hiva 113

12 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau ngaahi līpooti ngāue fakamalanga ki ʻEpelelí. ʻOku totonu ki he kau faiako ʻo e Ako Tohi ʻa e Fakatahaʻangá ke nau vakaiʻi ʻa e tokotaha kotoa pē ʻi heʻenau kulupú koeʻuhi ke lava ke lēkooti ʻa e līpooti kotoa ʻi he aʻu ki Mē 6. Fakamanatu ʻa e Puha Fehuʻí, ʻo lave ki hono kaunga fakalotofonuá.

15 min: Ngaahi fiemaʻu fakalotofonuá.

18 min: “Fakapapauʻi Ke Ke Toe Foki ki Ai!” Fetalanoaʻaki mo e kau fanongó. Lāulea ki he ngaahi ʻuhinga ʻoku ʻikai nai ai ke tau lava ʻo fai ʻa e ngaahi toe ʻaʻahí. Fakamatalaʻi ʻa e ʻuhinga ʻoku mahuʻinga ai ʻa e ngaahi nouti totonú pea mo ha loto-lelei ke toe fokí. Fokotuʻu ke vaheʻi ha taimi ʻi he uike taki taha ke fai ai ʻa e ngaahi toe ʻaʻahí. Fakamanatu ʻa e meʻa ʻoku ʻomai ʻi he tohi Our Ministry, peesi 88-89. Lave ki he meʻa naʻe hokosia ʻoku līpooti ʻi he 1995 Yearbook, peesi 45.​—1 Kol. 3:​6, 7.

Hiva 163 mo e lotu tuku.