Taimi-Tēpile ki he Fakataha Ngāué

Uike Kamata Sune 12

Hiva 48

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Ko Hoʻomou Fakaongosia ʻOku ʻIkai ko e Laufanō Ia.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. Fakakau ai mo e ngaahi fakamatala ʻi he meʻa naʻe hokosia ʻoku lave ki ai ʻa e Watchtower, ʻo Sune 15, 1996, peesi 32.

22 min: Ko Hono Kamata ʻa e Ngaahi Ako ʻi he Polosiua Fiemaʻu. Ko ha malanga, ʻo fakamanatu ʻa e kupu ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 1999, peesi 3. Fakahāhaaʻi ʻa e tuʻuaki ʻoku fokotuʻu mai ʻi he palakalafi 6. ʻAi ha tokotaha malanga ʻe toko taha pe toko ua ke na lave nounou ki he lavameʻa kuó na maʻu ʻi hono kamata ha ngaahi ako, ʻo tala mai ʻa e founga naʻá na kamata ai ʻa e akó pea mo e meʻa naʻá na fai ke tauhi ke hokohoko atu ai ʻa e akó ʻi he uike ki he uike.

Hiva 27 mo e lotu tuku.

Uike Kamata Sune 19

Hiva 14

12 min: Ngaahi fanongonongo fakalotofonua. Fakamatala paʻangá pea mo e fanongonongo fekauʻaki mo e ʻaotitaʻi ʻo e ngaahi fakamatala paʻanga fakakuatá. Kapau ʻoku maʻu ʻe he fakatahaʻangá ʻa e ngaahi tatau ʻo e ngaahi tohi Young People Ask pe Youth ʻi he sitoká, fakahāhaaʻi ʻa e founga ʻe lava ai ke ngāueleleiʻaki kinautolu ʻi he ngāue fakafaifekaú he lolotonga ʻo e ngaahi māhina māfaná, ʻi he taimi te tau ngalingali maʻu lahi ange ai ʻa e kau taʻu hongofulu tupú ʻi ʻapí.

8 min: Puha Fehuʻi. Malanga ke fai ʻe ha tokotaha mātuʻa.

25 min: “ʻO U ʻIlo Fēfē, Taʻe ha Taha Ke Ne Fakahinohino Au?” Fetalanoaʻaki ʻi he fehuʻi mo e tali ke fai ʻe he ʻovasia ngāué. ʻAi ke lau leʻo-lahi ʻa e palakalafi taki taha, pea lau mo e ngaahi konga Tohitapu ʻi he palakalafi 3, 4, mo e 7. ʻI he aʻu ki he palakalafi 6, fakamatalaʻi ʻa e ngafa ʻo e ʻovasia ngāué ʻi hono fakapapauʻi pe ʻoku totonu pe ʻikai ke fai ha ngaahi ako Tohitapu fakafoʻituitui mo e kakai kuo ʻosi papitaisó.​—Sio ki he Puha Fehuʻi ʻi he ʻEtau Ngāue Fakafaifekau ʻo e Puleʻanga ʻo Nōvema 1998.

Hiva 163 mo e lotu tuku.

Uike Kamata Sune 26

Hiva 56

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Suné. Fakamanatu ʻa e tohi ke tuʻuaki ʻi Siulaí. Fakahā ʻa e ngaahi polosiua motuʻa ange ʻoku ala maʻu fakalotofonuá, pea ʻohake nounou ʻa e taumuʻa ʻo e polosiua taki taha. ʻAi ha fakahāhā ʻosi teuteuʻi lelei ʻo fakahaaʻi ai ʻa e founga ke tuʻuaki ai ha taha ʻo kinautolu ʻi he ngāue fakafaifekaú.

17 min: “Ke Nau Nimahomo ʻo Mateuteu ke Vahevahe Atu.” Fehuʻi mo e tali. Fakakau atu ai mo e ngaahi ʻuhinga ʻe fā ki he “ʻUhinga ʻOku Tau Foaki Aí” ʻa ia ʻoku fakahaaʻi ʻi he Watchtower ʻo Nōvema 1, 1996, peesi 29-​30.

18 min: ʻIlo ʻa e Founga ke Fai Ai ha Talí. (Kol. 4:6) Malanga mo e fetalanoaʻaki mo e kau fanongó. Ko e hā ʻokú ke fai ʻi he taimi ʻokú ke fetaulaki ai mo ha tokotaha ʻokú ne langaʻi hake ha fakakikihi taʻefakatohitapu? Ko e tohi Reasoning ʻokú ne faʻa ʻomai kiate kitautolu ha tokoni ʻi hono tokonaki mai ʻa e ngaahi fokotuʻu ʻaonga ki he founga ke fai ai ha tali fakapotopotó. Ko e fakatātaá, neongo ʻoku tau vakai ki he maté ko ha fili ia ʻe ikunaʻi fakafou ʻi he huhuʻi ʻa Kalaisí, ʻoku tuipau ʻa e niʻihi kehe ia ʻe ʻikai ha meʻa te ne toʻo fakaʻaufuli atu ʻa e nunuʻa ko ʻení, naʻa mo ʻenau tui ki he fakakaukau hala ʻo e toe fanauʻí. Fetalanoaʻaki ʻi he ngaahi tali ʻoku ʻomai ʻi he tohi Reasoning ʻi he konga “ʻI he Pehē ʻe ha Taha​—” ʻi he peesi 103-104 mo e 321. Fakalototoʻaʻi ʻa e tokotaha kotoa pē ke ne ʻalu mo e tohí ʻi he ngāue fakafaifekaú.

Hiva 135 mo e lotu tuku.

Uike Kamata Siulai 3

Hiva 113

10 min: Ngaahi fanongonongo fakalotofonua. Kole ki ha kau malanga ʻa ia naʻa nau kamata ha ngaahi ako ʻi he polosiua Fiemaʻu ke nau lave ki he founga naʻa nau fakahoko ai ʻení.

15 min: Ngaahi fiemaʻu fakalotofonuá.

20 min: Ko Hono Ngāueʻaki ʻa e Ngaahi Tefitoʻi Moʻoni ʻo e Tohitapú ʻOku Fakaivimālohiʻi Ai ʻa e Moʻui Fakafāmilí. Fetalanoaʻaki ʻi he vahaʻa ʻo e ongo tokoua, ʻo makatuʻunga ʻi he ngaahi poini ʻe valu ʻoku ʻomai ʻi he tohi Reasoning, peesi 253-254. Fakamatalaʻi ʻa e mahuʻinga ʻo hono tokoniʻi ʻa e kau ako Tohitapú ke nau ʻilo ko e fakapulipuli ʻo e fiefia ʻi he fāmilí ʻoku fakatuʻunga ia ʻi he mahinoʻi pea mo hono ngāueʻaki ʻa e ngaahi tefitoʻi moʻoni ʻi he Folofola ʻa e ʻOtuá. ʻI hono ngāueʻaki ʻa e lēsoni 8 ʻi he polosiua Fiemaʻu, fakahāhaaʻi ʻa e founga ʻe lava ke fakahoko ai ʻení. Ko e ngaahi fāmili ʻoku nau tali ʻa e akonaki ʻa e Tohitapú ʻoku tohoaki kinautolu ke nau fakataha pea ʻoku nau maʻu ai ʻa e fiefia lahi ʻi he ngaahi haʻi vāofi ʻo e ʻofá mo e fāʻūtahá. Lave ki ha meʻa naʻe hokosia ʻi he tohi Family Happiness, vahe 13, palakalafi 1, 21-22.

Hiva 51 mo e lotu tuku.