Fanongonongo

◼ Tohi ke tuʻuaki ʻi Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, “Vakai! ʻOku Ou Fakafoʻou ʻa e Meʻa Kotoa Pē,” Moʻui Fiefia ʻi he Māmani ʻo Taʻengata!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú. ʻOkatopa: Ko e ngaahi tatau tāutaha ʻo e Taua Leʻo mo e Awake! ʻI hono maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Nōvema: ʻIlo ʻA Ia ʻOku Taki Atu ki he Moʻui Taʻengatá, Ko e Hā ʻOku Fiemaʻu ʻe he ʻOtuá Meiate Kitautolú?, pe Te Ke Malava ʻo Moʻui Taʻengata he Palataisi ʻi he Māmaní. Tīsema: Ko e Moʻungaʻi Tangata Lahi Taha Kuo Moʻui Maí.

◼ Kamata ʻi Sepitema, ʻe fai ʻe he kau ʻovasia fakafeituʻú ʻa e malanga maʻá e kakaí ʻa ia ʻoku fakakaveinga “Ko e Pule Fakaetangatá​—Ko Hono Fakamāuʻí.”

◼ Kapau ʻokú ke loto ke fai ha tokoni fakapaʻanga ke tokoni ki he fakatamakí, te ke ʻoatu nai hoʻo ngaahi tokoní ki he Sōsaietí, ʻa ia ʻoku tuku mavahe ai ʻa e paʻanga tokoni ki he taumuʻa ko ʻení. Ko e tuʻasilá ko e: International Bible Students Association, P.O. Box 673, Apia, Samoa. (Sio ki he Watchtower ʻo Tīsema 1, 1985, peesi 20-22.) Kātaki ʻoua ʻe ʻave ha vala, ngaahi tokoni, pe ngaahi naunau ki he Sōsaietí pe ki he feituʻu fakatamakí tuku kehe kapau ʻoku fai ʻe he Sōsaietí pe ko e kōmiti tokoní ha kole ke fai pehē. ʻE fakapapauʻi ai heni ha feinga tokoni maau pea mo hano tufaki lelei ʻo e ngaahi koloá.

◼ ʻE fakakau atu ʻa e ngaahi kaati fakaʻilonga ki he fakataha-lahi fakavahé ʻi he uta tohi ki Siulaí. Kapau ʻoku fiemaʻu ha tokonaki lahi ange, kātaki ʻo fetuʻutaki ki he ʻōfisi vaʻá ke ʻota ʻeni koeʻuhí ʻe ʻIKAI ke ala maʻu ia ʻi he ngaahi fakataha-lahí. ʻOku totonu ke ʻave pē ʻa e ngaahi kaati fakaʻilongá ki he faʻahinga ʻoku nau pouaki ʻa e ngaahi ʻulungaanga faka-Kalisitiane leleí. ʻOku ʻikai ngata pē ʻi he ngāue ʻa e meʻá ni ki hono tuʻuaki ʻo e fakataha-lahí ka ʻoku toe tokoni ia ki he maluʻí. Ngaahi mātuʻa, fakapapauʻi ʻoku tui ʻe hoʻomou fānaú ʻa e ngaahi kaati fakaʻilongá ʻi he tuʻunga ko ha fakaʻilonga ʻo kapau te nau hē.

◼ Ngaahi Tohi Foʻou ʻOku Ala Maʻu:

Ko ʻEku Tohi ʻo e Ngaahi Talanoa Faka-Tohitapú (īkí)—Faka-Tuvalu

Watch Tower Publications Index 1999​—Faka-Pilitānia