Taimi-Tēpile ki he Fakataha Ngāué

Uike Kamata Sanuali 8

Hiva 18 (162)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Ke Ulo Atu Hoʻomou Māma.”a Fakakau atu ki ai ʻa e fakamatala mei he Taua Leʻo ʻo Sune 1, 1997, peesi 29, palakalafi 12-13. Fakalototoʻaʻi ʻa e tokotaha kotoa ke ne ngāueʻaongaʻaki ʻa e faingamālie kotoa pē ke faifakamoʻoni.

20 min: “Ngaahi Mātuʻa—Fakahūhū ʻa e Ngaahi ʻUlungaanga Leleí ki Hoʻomou Fānaú.” Malanga mo e fakaʻekeʻeke ʻo ha ongo mātuʻa ʻa ia ko ʻena fānaú ʻoku nau ʻi ha tuʻunga lelei fakalaumālie. ʻOku fakahaaʻi ʻe he ongo mātuʻá ha ngaahi meʻa pau kuó na fai ke ʻai ai ʻena fānaú ke nau kau ʻi he ngāue fakamalangá. Fakatatau ki he taimí, fakakau ki ai ha ngaahi fokotuʻu mei he tohi Fāmili Fiefiá, peesi 55-59.

Hiva 19 (164) mo e lotu tuku.

Uike Kamata Sanuali 15

Hiva 21 (191)

10 min: Ngaahi fanongonongo fakalotofonua. Fakamatala paʻangá.

15 min: Ngaahi fiemaʻu fakalotofonua.

20 min: ʻOkú Ke Vakaiʻi Fakaʻaho ʻa e Tohitapú? Malanga mo e ngaahi fakaʻekeʻeke. Lāulea ki he Taua Leʻo ʻo Sanuali 1, 1997, peesi 15-16, palakalafi 12-14, ʻo fakamatalaʻi ʻa e fakapotopoto ʻo e fetalanoaʻaki he konga tohi fakaʻahó ʻi he tuʻunga ko ha fāmilí. Fakaʻekeʻeke ha ngaahi mēmipa ʻo e fāmilí, ʻa ia ʻoku nau taki taha manatuʻi ha fetalanoaʻaki fakamuimui ʻi he konga tohi fakaʻahó ʻa ia naʻe fakamoʻoniʻi tefito ai ʻene ʻaongá pea ʻomai ai mo hono ʻuhingá. Fakamamafaʻi ʻoku totonu ke hoko ʻeni ko e konga ʻo ha polokalama tuʻumaʻu ʻo e ako fakafāmili ʻoku faʻu ke fakaivimālohiʻi hotau ngaahi fāmilí pea tauhi ʻa e fāmilí ke longomoʻui ʻi he ngāue fakafaifekaú.

Hiva 5 (46) mo e lotu tuku.

Uike Kamata Sanuali 22

Hiva 3 (32)

7 min: Ngaahi fanongonongo fakalotofonua.

18 min: Founga ke Teuteu Ai ha Ngaahi Talateu. Malanga mo e ngaahi fakahāhā. Fakamanatu ʻa e ngaahi poini tefito ʻi he kiʻi tohi ko e Kamata mo Hoko Atu ʻa e Fetalanoaʻaki, peesi 9. Fakahaaʻi ʻa e founga ʻe lava ai ke tau filifili ha ngaahi talateu ʻoku feʻunga lelei taha ki heʻetau tuʻuakí, tuʻungá, mo e feituʻú. Fakamanatu ha ngaahi talateu fakaangaanga ʻe niʻihi ʻa ia ʻe lava ke ngāueʻaki fakataha mo e polosiua Fiemaʻu, pea fakahāhaaʻi ha taha pe ua ʻo kinautolu. (Sio ki he ʻEtau Ngāue Fakafaifekau ʻo e Puleʻanga ʻo ʻEpeleli 1997, peesi 8.) Fakalototoʻaʻi ʻa e tokotaha kotoa pē ke ne ngāueleleiʻaki ʻa e ngaahi fokotuʻu ʻoku ʻomai ʻi he kiʻi tohi ko e Kamata mo Hoko Atu ʻa e Fetalanoaʻaki pea mo ʻEtau Ngāue Fakafaifekau ʻo e Puleʻanga ʻi heʻenau ngāue fakamalangá.

20 min: “Hoko ko ha Tokotaha Fanongo Lelei.” Malanga mo e fetalanoaʻaki mo e kau fanongó. Fakamanatu ʻa e ngaahi poini mei he School Guidebook, peesi 27-28, palakalafi 15-17. Ko e ʻahiʻahiʻi lelei taha ʻo ʻetau tōʻonga fanongó ko e lahi ʻo e meʻa ʻoku lava ke tau manatuʻí. Fakaafeʻi ʻa e kau fanongó ke nau ʻomai ha niʻihi ʻo e ngaahi poini tuʻu-ki-muʻa naʻe fakahoko ʻe he faʻahinga naʻa nau kau ʻi he Ako Fakafaifekau Fakateokalati ʻo e pō ní.

Hiva 7 (51) mo e lotu tuku.

Uike Kamata Sanuali 29

Hiva 22 (130)

8 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Sanualí. Lave ki he tohi ʻoku tuʻuaki ʻi Fepuelí, ʻo fakaeʻa ʻa e ngaahi tohi ʻoku maʻu ʻi he sitoka ʻa e fakatahaʻangá.

12 min: Puha Fehuʻi. Malanga ke fai ʻe ha tokotaha mātuʻa, fakataha mo e kau mai ki ai ʻa e kau fanongó.

25 min: Ko hono Fai ha Fili Fakalao ki ha Faitoʻo ʻo ʻIkai ha Toto ʻo e Tokangaʻi ʻo e Moʻuí (Ng. 15:​28, 29). Fetalanoaʻaki ke fai ʻe ha mātuʻa taau ʻi he mahuʻinga ʻo hono fakafonu ʻo e kaati Fakahinohino/Fakaʻatā Fakafaitoʻo Tokamuʻa, ʻo makatuʻunga ʻi he fakamatala hoko haké pea mo e tohi ʻo ʻOkatopa 15, 1991. Ko e fakahinohino fakamānavaʻi ʻi he Sāme 19:7 ʻoku fakahā ai ko e Ngāue 15:​28, 29 ko ha fakahaaʻi ia ʻo e lao haohaoa ʻa e ʻOtuá ki he totó. ʻOku feinga ʻa e kau lotu mateakí ke pouaki ʻa e lao ko iá. Ko e kaati ko ʻení ʻokú ne ʻai ke ʻiloʻi ʻa hoʻo fakapapau ke fai peheé pea ke lea maʻau ʻi he taimi ʻoku ʻikai ai te ke malava ke lea maʻaú. (Fakafehoanaki mo Palovepi 22:3) Ko ha kaati foʻou ʻoku tokonaki mai ai ha fakamatala fakamuimui ʻo hoʻo fakafisi ke ngāueʻaki ʻa e totó. ʻI he ʻosi ʻa e fakataha ko ʻení, ʻe ʻoatu ai ki he Kau Fakamoʻoni ʻosi papitaisó ha kaati foʻou, pea ko e faʻahinga ʻoku ʻi ai ʻenau fānau iiki ʻoku teʻeki ai ke papitaisó te nau maʻu ha Kaati Fakaʻilonga ki he kiʻi tama taki taha. Ko e ngaahi kaati ko ʻení heʻikai ke fakafonu ia ʻi he poó ni. ʻOku totonu ke fakafonu fakalelei kinautolu ʻi ʻapi kae ʻOUA ʻe fakamoʻoni hingoa ai. Ko e fakamoʻoni hingoá, fakamoʻoní, pea mo e fokotuʻu ʻa e ʻaho ʻo e ngaahi kaati kotoa pē ʻe fai ia ʻi he hili ʻa e Ako Tohi ka hoko mai ʻa e Fakatahaʻangá, ʻi he malumalu ʻo e tokanga ʻa e tokotaha faiako ʻo e ako tohí. Ki muʻa ke fakamoʻoni hingoá, fakapapauʻi ʻoku fakafonu kakato ʻa e ngaahi kātí. Ko e faʻahinga ʻoku fakamoʻoni hingoa ko e kau fakamoʻoní ʻoku totonu ke nau sio totonu ʻi he fakamoʻoni hingoa ʻa e tokotaha ʻoku ʻaʻana ʻa e kātí. Ko hono liliu lea mei he kaati ko ʻení ki honau ngaahi tuʻunga mo e ngaahi tuipau pē ʻa kinautolú, ko e kau malanga teʻeki papitaisó te nau hiki nai haʻanau fakahinohino pē ʻa kinautolu ke ngāueʻaki ʻe kinautolu pea mo ʻenau fānaú. ʻOku totonu ki he kau faiako ʻo e ako tohí ke nau ʻai ha lisi ke fakapapauʻi ko e tokotaha kotoa pē ʻoku vaheʻi ki heʻenau kulupú ʻoku nau maʻu ʻa e tokoni ʻoku nau fiemaʻú ki hono fakafonu ʻa e kaati Fakahinohino/Fakaʻatā Fakafaitoʻo Tokamuʻa.

Hiva 6 (45) mo e lotu tuku.

Uike Kamata Fepueli 5

Hiva 15 (127)

10 min: Ngaahi fanongonongo fakalotofonua.

15 min: “Hoko ko ha Tokotaha Ngāue Fiefia.”b Fakahaaʻi ʻa e meʻa ʻoku tānaki mai ki heʻetau fiefia ʻi he ngāue ʻa e ʻOtuá, hangē ko ia ʻoku fakahaaʻi ʻi he tohi Insight, Voliume 2, peesi 120, palakalafi 6-8.

20 min: ʻE Lava Ke Ke Maʻu ha Fakafiefia Lelei. Fetalanoaʻaki ʻa ha kulupu fakafāmili ʻi he akonaki kuo ʻomai ʻi he Awake! ʻo Mē 22, 1997. ʻOku hohaʻa ʻa e tamaí fekauʻaki mo e tuli ʻa e fāmilí ki he ngaahi fakafiefiá. ʻI he hili ʻo e fakamanatu nounou ʻo e “Ko e Hā Kuo Hoko ki he Fakafiefiá?” (peesi 4-7), ʻoku nau hangataha ai ki he faʻahinga fakafiefia ʻoku lava ke lelei mo ʻaongá. Lāulea ki he fakamatala ʻi he tohi Our Ministry, peesi 131-132, ʻi he “Fakafiefia,” mo e peesi 135-136, ʻi he “Fai ʻa e Meʻa Kotoa Pē ke Lāngilangiʻia Ai ʻa e ʻOtuá.” Fakamamafaʻi ʻa e ngafa ʻo e ngaahi mātuʻá ʻi heʻenau takimuʻá pea mo e fiemaʻu ki he ngaahi mēmipa ʻo e fāmilí ke nau ngāue fakataha ki he ʻaonga maʻá e fāmilí fakalūkufua.

Hiva 13 (124) mo e lotu tuku.

[Fakamatala ʻi lalo]