Fakamanatu Ako Fakafaifekau Fakateokalati
Fakamanatu taʻesio ki ha tohi ʻa e ngaahi fakamatala naʻe vaheʻi ke fai ʻi he Ako Fakafaifekau Fakateokalatí ki he ngaahi uike ʻo Sanuali 1 ki ʻEpeleli 23, 2001. Ngāueʻaki ha lauʻipepa kehe ke tohi ki ai ʻa e ngaahi talí ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.
[Fakatokangaʻi: Lolotonga ʻa e fakamanatu tohinimá, ko e Tohitapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituituí pē. Ko e ngaahi fika ʻo e pēsí mo e palakalafí ʻoku ʻikai ke ʻasi nai ia ʻi he ngaahi maʻuʻanga fakamatala kotoa ki he Taua Leʻo.]
Tali Moʻoni pe Loi ki he ngaahi fakamatala taki taha ʻoku hoko haké:
1. Neongo ʻoku ʻikai ʻaupito totonu ke tau fakaʻatā ʻa e fakaʻofaʻiá pē ke ne fakakuihi kitautolu ki he faihala mamafá, ʻoku lava ke tau faʻifaʻitaki ki he faʻifaʻitakiʻanga ʻa Siosifá ʻaki ʻa hono fakamolemoleʻi ʻi he meesi ha tokotaha fakatomala naʻá ne faiangahala mai kiate kitautolu. (Sen. 42:21; 45:4, 5) [w99 1/1 p. 31 pal. 2-3]
2. ʻI he kehe mei heʻene lisi ʻo e ngaahi tohi hohokó, ʻoku toe fai ʻi he 1 Kalonikalí ha fakamatala ʻoku maʻu ʻi he ongo tohi ʻa Samiuelá mo e ongo tohi Tuʻí. [bsi01 p. 3 pal. 1]
3. ʻI he hili ʻa e langa ʻe Solomone ʻa e temipalé, naʻe hāʻele hifo ʻa Sihova mei hēvani ke nofo ʻi ai. (2 Kal. 6:18, 21) [my Talanoa 64]
4. Naʻe fakahāhā ʻe Sīsū ʻene anga-fakatōkilaló ʻaki ʻene tali ʻa e ngāue makehe ke haʻu ki he foʻi māmaní mei he nofoʻanga fakahēvaní pea hoko ko ha tangata māʻulalo, ʻo siʻi hifo ʻi he kau ʻāngeló. (Fili. 2:5-8; Hep. 2:7) [w99 2/1 p. 6 pal. 3]
5. Ko hono ʻohofi ʻe Sīsake ʻa Siutá pea mo hono vete “ʻa e koloa ʻo e fale ʻo Sihova, mo e koloa ʻo e fale ʻo e tuʻi” naʻe fakamoʻoniʻi ia ʻe he ʻāsiolokí. (2 Kal. 12:9) [Lau Tohitapu fakauike; sio ki he w88 6/1 p. 28 pal. 4.]
6. Naʻe pehē ʻe Sēfita heʻikai malava ke ne fakafoki ʻene palōmesi kia Sihová neongo naʻe fakatupunga ai ha ngaahi faingataʻa kiate ia pea mo hono ʻofefiné. (Fkm. 11:35, 36) [my Talanoa 53]
7. ʻOku totonu ke tauhi ha taha ki he ʻOtuá ʻo ʻikai fakakaukau atu ki hano fakapaleʻi. [w99 4/15 p. 16 pal. 1]
8. ʻI he lave ki he “meʻaʻofa fulipe” ʻa Sihová, hangē ko ia naʻe hiki ʻi he Sāme 103:2, naʻe manatuʻi ai ʻe Tēvita ʻa e fakatupu fakamatelie ʻa Sihová. [w99 5/15 p. 21 pal. 5-6]
9. Ko e ngaahi temipale naʻe langa ʻe Solomone, Seluipēpeli, mo Hēlotá, pea pehē ki he tāpanekale naʻe langa ʻe Mōsesé, ʻoku nau fakatātaaʻi kotoa ʻa e meʻa tatau. [bsi01 p. 8 pal. 10]
10. Ko e ngaahi tohi hohoko ʻoku maʻu ʻi he 1 Kalonikalí naʻe ʻikai haʻane ʻaonga ki he muʻaki fakatahaʻanga Kalisitiané. [bsi01 p. 4 pal. 9]
Tali ʻa e ngaahi fehuʻi hoko haké:
11. Ko e hā hono ʻuhinga naʻe fakatefito lahi ai pē ʻa e fakamaau ʻa Sihová ʻi he fale ʻo ʻĒhapí? (1 Tuʻi 16:31; 2 Tuʻi 9:7, 26) [bsi00 p. 16 pal. 6]
12. Hangē ko ia naʻe fakahaaʻi ʻi he Mātiu 24:45-51, ko e hā ʻa e fasi-ʻa-anga ʻo e faʻahinga ʻoku nau hoko ko e kau tafoki mei he moʻoní? [rs-E p. 35]
13. Ko e hā ʻa e lēsoni fakatupu fakakaukau fekauʻaki mo e ngaahi mālohí ʻoku lava ke tau ako mei he meʻa fekauʻaki mo e Tuʻi Siuta ko ʻŪsaiá? (2 Kal. 26:15-21) [Lau Tohitapu fakauike; sio ki he w99 12/1 p. 26 pal. 1-2.]
14. ʻI he ʻikai ko hano fokotuʻu ha ouaú, ko e hā ʻa e lēsoni mālohi naʻe tokonaki mai ʻe Sīsū maʻatautolu ʻi heʻene fufulu ʻa e vaʻe ʻo ʻene kau ʻapositoló? (Sione 13:4, 5) [w99 3/1 p. 31 pal. 1]
15. Ko e hā hono ʻuhinga naʻe mahuʻinga ai ʻa e fakamatala ʻi he 1 Kalonikali 14:8-17 ʻi he taimi ʻo ʻAiseá, pea ko e hā ʻoku totonu ke mahuʻinga ai ki Puleʻanga-Haʻa-Kalisitiane he ʻaho ní? (Ai. 28:21) [Lau Tohitapu fakauike; sio ki he w91-E 6/1 p. 21 pal. 2-3.]
16. Ko e hā ʻa e ngaahi tafaʻaki ʻo e lotu Pēalí naʻá ne ʻai ai ia ke fakamānako ki he kau ʻIsileli tokolahi? [w99 4/1 p. 29 pal. 3-6]
17. Ko e hā ʻa e lēsoni ʻaonga ʻoku lava ke ako mei he ngāue ʻa Hesekaia ke maluʻi pea fakalahi ʻa e maʻuʻanga vai ʻa Selusalemá? (2 Kal. 32:3, 4) [Lau Tohitapu fakauike; sio ki he w96-E 8/15 p. 6 pal. 1-2.]
18. ʻE lava fēfē ke hoko ʻa e faʻifaʻitakiʻanga ʻa Siosaiá ko ha fakalototoʻa ia ki he toʻutupu ʻi he ʻaho ní ke nau tauhi ʻa e ʻOtuá pea tuʻumaʻu ʻo fakafepakiʻi ʻa e lotu loí? (2 Kal. 34:3, 8, 33) [Lau Tohitapu fakauike; sio ki he w91 7/1 p. 5 pal. 2.]
19. Naʻe taʻefaitōnunga ʻa e kau Siu kotoa pē naʻa nau kei ʻi Pāpiloné, pea ko e hā ʻa e lēsoni ʻaonga ʻoku lava ke tau ako mei he meʻá ni? (Esela 1:3-6) [Lau Tohitapu fakauike; sio ki he w86-E 1/15 p. 8 pal. 4, 7.]
20. ʻI he fakamatala he 2 Kalonikali 5:13, 14, ko e hā ʻa e fakaʻilonga ʻoku ʻi ai naʻe fakafanongo ʻa Sihova ki he fakahīkihiki ongo-mālie ʻa ʻene kakaí pea naʻá ne hōifua ki aí? [Lau Tohitapu fakauike; sio ki he w94 9/1 p. 9 pal. 7.]
ʻOmai ha foʻi lea pe kupuʻi lea ʻoku fiemaʻu ke fakakakatoʻaki ʻa e ngaahi fakamatala taki taha ʻoku hoko haké:
21. Ko ha taha ʻokú ne fai ha akonaki ki ha kaungā Kalisitiane kuo pau ke ne fakapapauʻi ke makatuʻunga ʻa e meʻa ʻokú ne leaʻakí ʻi he poto fakaʻotuá ․․․․․․․․, ʻo ʻikai ʻi he ngaahi ․․․․․․․․ mo e ․․․․․․․․ (Kol. 2:8) [w99 1/15 p. 22 pal. 1]
22. ʻI he taimi naʻe foki ai ʻa Nāomi mei Mōape ki ʻIsilelí, naʻe tala ange ʻe ․․․․․․․․ te ne ʻalu mo ia pea tauhi kia Sihova, pea naʻá ne mali ki mui mo ․․․․․․․․ pea naʻá ne hoko ko ha kui-fefine ʻa Tēvita. [my Talanoa 51]
23. Hangē ko e lava ʻe he ngaahi talatalá ke taʻofi ʻa e fanga kiʻi ʻakau īkí mei heʻenau aʻu ʻo matuʻotuʻá, ko e ․․․․․․․․ taʻemapuleʻí pea mo e mālohi fakahala ʻo e ․․․․․․․․ ʻoku lava ke ne taʻofi ha taha mei heʻene fakalakalaka atu ki he matuʻotuʻa fakalaumālié. (Mt. 13:19, 22) [w99 3/15 p. 22 pal. 5]
24. Ko e kiʻi taʻahine ʻIsileli naʻe nofo pōpula ʻi Sīliá naʻá ne tala ange ki he ․․․․․․․․ ko e palōfita ko ․․․․․․․․ te ne malava ke fakamaʻa ʻa e kilia ʻa hono husepānití, ka ke ne maʻá, naʻe fiemaʻu kia Neamani ke ne ikuʻi ʻene ․․․․․․․․ [my Talanoa 69]
25. Koeʻuhi ke lavameʻa ha Kalisitiane moʻoni ʻi he meʻa naʻe tō ai ʻa Solomoné, kuo pau ke ne tuku ki tafaʻaki ʻa e ․․․․․․․․ kotoa pē ʻi heʻene lotú pea tali ʻa e ngaahi lea ʻa ․․․․․․․․ ke ‘ʻofa kia Sihova ko hono ʻOtuá ʻaki hono lotó kotoa.’ (Mt. 22:37; 1 Kal. 28:9) [Lau Tohitapu fakauike; sio ki he w87 1/1 p. 17 pal. 17-18.]
Filifili ʻa e tali totonu ʻi he ngaahi fakamatala taki taha ʻoku hoko haké:
26. Ko e fakamatala ʻi he 2 Tuʻi 17:5, 6 ʻoku lāulea ki he founga naʻe ʻohofi ai ʻe (Tikilati-pilesa; Salimanesa V; ʻEsa-ʻatoni) ʻa e matakali ʻe hongofulu ʻo e puleʻanga fakatokelau ʻo ʻIsilelí pea kamata hano ʻākoloʻi taʻu ʻe tolu ʻa Samēlia, ʻa ia naʻe faifai atu pē ʻo tō ki he kau ʻAsīliá ʻi he (740; 607; 537) K.M. [Lau Tohitapu fakauike; sio ki he w88 7/1 p. 24 pal. 2.]
27. ʻI he lave ki he ngaahi meʻa naʻe hoko ʻi Selusalema hili ʻa e kamata ʻo e taki pōpula ki Pāpiloné, ko e 2 Tuʻi vahe 25 ʻoku ʻikai ke ne fakahaaʻi hangatonu ʻa (Taniela; ʻIsikeli; Selemaia) ko e tokotaha tohi ia ʻo e tohí pea ʻoku toe fakahaaʻi ai naʻe kakato ʻa hono tohí meimei ki he (580; 537; 455) K.M. nai. (2 Tuʻi 25:27) [Lau Tohitapu fakauike; sio ki he bsi00 p. 13 pal. 3.]
28. Hangē ko ia ʻoku fakahaaʻi ʻi he Ekisoto 4:11, ko Sihova ko e ʻOtuá ʻokú ne ‘ngaohi ʻa e noá, ko e tulí, ko e ʻaá, pea mo e kuí’ koeʻuhí ko ia (ke tukuakiʻi ki he ngaahi taʻemalava ʻoku maʻu ʻe he kakaí; ke fakanofo ʻa e faʻahinga kehekehe ki he ngaahi monū ʻo e ngāué; kuó ne fakaʻatā ʻa e ngaahi mele fakaesinó ke hā ʻi he lotolotonga ʻo e faʻahinga ʻo e tangatá). [w99 5/1 p. 28 pal. 2]
29. Ko e vahaʻa taimi taʻu ʻe 70 naʻe lave ki ai ʻi he 2 Kalonikali 36:17-23 naʻe ngata ia ʻi he (537; 607; 677) K.M. [bsi01 p. 6 pal. 8]
30. Ko e maʻuʻanga fakamatala hangatonu pē ʻe ua ki he ngaahi kātoanga faiʻahó ʻi he Tohitapú (ʻokú ne ʻai kinaua ʻi ha maama fakamānako; ʻokú ne ʻai kinaua ʻi ha maama taʻefakamānako; ʻoku ʻikai te ne ʻomai ha faʻahinga maama ki he ngaahi kātoanga faiʻahó). (Sen. 40:20-22; Mt. 14:6-10) [rs-E p. 68]
Fakahoa ʻa e ngaahi konga Tohitapú ki he ngaahi fakamatala ʻoku hoko hake ʻi laló:
1 Sam. 16:7; 2 Kal. 20:17; Pal. 25:11; Loma 12:2; 2 Pita 3:15, 16
31. ʻOku fiemaʻu ʻa e feinga loto-lelei ke liliu ʻetau fakakaukaú pea fakafonu hotau ʻatamaí ʻaki ʻa e moʻoni fakaʻotuá. [w99 4/1 p. 22 pal. 2]
32. ʻI he taimi ʻoku fai ai ʻa e akonakí, ʻoku mahuʻinga ke filifili ʻa e ngaahi foʻi lea totonú. [w99 1/15 p. 23 pal. 1]
33. ʻOku lava ke fakaʻauha ʻe Sihova ʻa e ngaahi fili ʻo ʻene kau sevānití ʻo ʻikai kau ʻa ʻene kau sevānití ʻi he faitaú. [my Talanoa 67]
34. ʻOku ʻikai ke ʻafio mai ʻa Sihova ki he fōtunga ʻi tuʻá ka ki he lotó. [my Talanoa 57]
35. Ko hono mioʻi ʻa e ngaahi Konga Tohitapú ke feʻunga mo ʻetau ngaahi fakakaukau pē ʻatautolú ʻe lava ke iku ia ki he maumau tuʻuloa. [rs-E p. 65]