Fanongonongo

◼ Tohi ke tuʻuaki ʻi ʻEpeleli mo Mē: Ko e ngaahi makasini Taua Leʻo mo e ʻĀ Hake! ʻI he hā mai ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Tuʻuaki ʻa e tohi ʻIlo pe ko e polosiua Fiemaʻu, fakataha mo ha vakai atu ki hono kamata ha ngaahi ako Tohitapu ʻi ʻapi. Sune: ʻIlo ʻA Ia ʻOku Taki Atu ki he Moʻui Taʻengatá mo e Ko e Hā ʻOku Fiemaʻu ʻe he ʻOtuá Meiate Kitautolú? Siulai mo ʻAokosi: ʻE ngāueʻaki nai ha taha ʻo e ngaahi polosiua peesi ʻe 32 ko ʻení: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻE Lava Ke Ke Hoko ko e Kaumeʻa ʻo e ʻOtuá!, ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú mo e Ko Hono ʻAi Hoʻo Moʻui Fakafāmilí ke Fiefia.

◼ Ko e Konga Fika 3 mo e Fika 4 ʻi he “Fakahokohoko Ako Fakafaifekau Fakateokalati ki he 2001” ʻoku toʻo ia mei he ngaahi peesi mo e ngaahi palakalafi kuo ʻosi fili mei he tohi Reasoning. ʻI hono lau ʻa e ngaahi palakalafi ʻi he tohí, ko e ngaahi palakalafi pē ʻoku vaheʻí ʻoku fiemaʻu ke laú.

◼ ʻOku fiemaʻu ki he Sōsaietí ke nau tauhi ha lēkooti taimi totonu ʻo e ngaahi tuʻasila pea mo e ngaahi fika telefoni ʻo e kotoa ʻo e kau ʻovasia tauhí mo e kau sekelitalí. Kapau ʻe ʻi ai ha liliu ʻi ha faʻahinga taimi, ʻoku totonu ki he sekelitalí ke ne fakakakato pea ʻave ha foomu Presiding Overseer/Secretary Change of Address (S-29) ki he Sōsaietí ʻi he vave tahá. ʻOku kau heni ha faʻahinga liliu ʻi he ngaahi fika ʻo e feituʻú.

◼ ʻOku totonu ki he sekelitali ʻa e fakatahaʻangá ke ne tauhi maʻu ha tatau feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke ʻota ʻeni ʻi he Literature Request Form (S-14). Tauhi maʻu ha tatau ʻo ia ke ʻoua ʻe toe siʻi hifo ʻi he taʻu ʻe tahá. Vakaiʻi ʻa e ngaahi foomu kole tāimuʻa tuʻumaʻu kotoa pē ke fakapapauʻi ʻoku fakafonu kakato. Kapau ʻoku ʻikai ke manatuʻi ʻe he kau kole tāimuʻá ʻa e ʻaho pau ʻo ʻenau papitaisó, ʻoku totonu ke nau fakafuofuaʻi ʻa e ʻahó pea tauhi ha lēkooti ʻo ia.

◼ Ko ha pulusinga mata-lalahi ʻo e Isaiah’s Prophecy​—Light for All Mankind I ʻoku teuʻi ia ke ʻaonga ki he kau mata vaivaí. Ko e tohi takafi-molū lahi fakamakasini ko ʻení ʻe peesi ia ʻe 512 ʻo ʻikai ha ngaahi fakatātā, pea ko e mataʻi taipé ʻe hangē ko e ngaahi pulusinga mata-lalahi ʻo e Taua Leʻo ʻa ia ʻoku ʻi ai ʻa e kupu ako ʻe uá. Ko e faka-Pilitāniá pē ʻe ala maʻu ai ʻi he taimi ko ʻení. ʻE fanongonongo atu ʻa e ngaahi lea kehé ʻi hano ala maʻu kinautolú. ʻE fakahokohoko ʻeni ʻi he foomu kolé ko e Isaiah’s Prophecy I-Large Print.

◼ ʻI ha taimi pē ʻoku fai ai ha ngaahi fokotuʻutuʻu folau fakafoʻituitui ʻo kau ai ʻa hono maʻu ʻa e ngaahi fakataha ʻa e fakatahaʻangá, ko ha ʻasemipilī fakafeituʻu, pe ko ha fakataha-lahi fakavahe ʻi ha fonua kehe, ko hoʻo kole fekauʻaki mo ha fakamatala ki he ngaahi ʻahó, taimí, mo e ngaahi feituʻú kuo pau ke ʻave fakahangatonu pē ia ki he ʻōfisi vaʻa ko ia ʻoku nau tokangaʻi ʻa e ngāué ʻi he fonua ko iá. Ko e ngaahi tuʻasila ʻo e ngaahi ʻōfisi vaʻá ʻoku fakahokohoko ia ʻi he peesi fakamuimui ʻo e Yearbook fakamuimui tahá.

◼ Ko e Taua Leʻo ʻi he lea faka-Potukalí ʻe ala maʻu ia ʻi ha kāsete ʻo kamata ʻi he ʻīsiu ʻo ʻEpeleli 1, 2001.

◼ Ngaahi Tohi Foʻou ʻOku Ala Maʻu:

2001 Yearbook of Jehovah’s Witnesses​—Faka-Pilitānia

◼ ʻOsi ʻAupito mei he Sitoka ʻi ʻAositelēliá:

2001 Calendar​—Faka-Pilitānia

Watch Tower Publications Index 1997​—Faka-Pilitānia

Watchtower 1997 Bound Volume​—Faka-Pilitānia