Taimi-Tēpile ki he Fakataha Ngāué

Uike Kamata Mē 14

Hiva 8 (53)

10 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga.

18 min: “Kau Kakato ʻi he Utu-Taʻú.”a ʻI hono fakamatalaʻi ʻa e palakalafi 4, fakakau ai ha faʻifaʻitakiʻanga mei he Taua Leʻo ʻo ʻOkatopa 1, 1996, peesi 16, palakalafi 10, ʻo fakahā ai ʻa e meʻa ʻoku fai ʻe he niʻihi ke fakalahi ai ʻenau ngāue fakafaifekaú.

17 min: “Ko e Hā ʻa e Palataisi Fakalaumālié?” Fetalanoaʻaki ʻi he vahaʻa ʻo ha tokotaha mātuʻa pea mo ha tokotaha malanga kei talavou, ʻo makatuʻunga ʻi he kupu ʻi he peesi 8-11 ʻo e Taua Leʻo ʻo Maʻasi 1, 2001.

Hiva 26 (212) mo e lotu tuku.

Uike Kamata Mē 21

Hiva 18 (162)

13 min: Ngaahi fanongonongo fakalotofonua. Fakamatala paʻangá. Fakamanatu nounou ʻa e Puha Fehuʻí.

15 min: Tali ki he Taʻofiʻanga ʻo e Fetalanoaʻakí. Fetalanoaʻaki mo e kau fanongó. Fakamanatu ʻa e Ngaahi Fakamatala ʻi he kiʻi tohi ko e Kamata mo Hoko Atu ʻa e Fetalanoaʻaki, peesi 7-8. Mei he peesi 8-12, fili ha ngaahi taʻofiʻanga ʻoku hoko ʻi ho feituʻu ngāué. Fakaafeʻi ʻa e kau fanongó ke nau lave ki ha ngaahi tali naʻe ngāue lelei kiate kinautolu pea mo hono ʻuhingá.

17 min: Kau Talavou​—Fakapotopoto ʻi Hono Fili Hoʻomou Ngāué. Ko e ʻuluaki ʻeni ʻi he ngaahi konga ʻo e Fakataha Ngāué ʻa ia ʻe fakamanatu ai ʻa e ngaahi tefitoʻi moʻoni Fakatohitapu ʻa ia ʻoku fekauʻaki mo e ako fakalahí. ʻOku tuli ʻa e kau talavou Kalisitiane ʻe niʻihi ki ha ngāue fakamāmani fakafou ʻi ha ako māʻolunga ange, ʻa ia ʻoku ʻikai kau lelei ia ki honau tuʻunga fakalaumālié. Ko e konga ko ʻení ko ha fetalanoaʻaki ʻi he vahaʻa ʻo e mātuʻa tauhi fānau ʻe toko ua mo hona foha pe ʻofefine taʻu hongofulu tupu. Ko e talavoú ʻoku ʻi ha tuʻunga ʻa ia ʻoku fiemaʻu ai ha fili fakamātoato ke fai fekauʻaki mo e ngaahi taumuʻa ʻi he kahaʻú. Neongo ʻoku fiemaʻu nai ʻe ha niʻihi ke tuli ki he ngaahi lelei fakapaʻangá, ongoongoá, pe fiemālie ʻo e moʻuí, ʻe sivisiviʻi ʻe he fāmilí ʻa e Tohitapú ke sio pe ko e hā ʻa e meʻa ʻokú ne fakaongoongoleleiʻí. (Sio ki he Young People Ask, peesi 174-175; Ko e Taua Leʻo, ʻo Sepitema 1, 1997, peesi 8, mo e Sepitema 1, 1999, peesi 19-​21, palakalafi 1-3 mo e 5-6.) ʻOku loto-lelei ʻa e talavoú ʻoku fakapotopoto ke tuli ki ha ʻalunga moʻui ʻa ia ʻe tokoni kiate ia ke maʻu ha ngaahi taumuʻa fakateokalati ke laka ki muʻa ai ʻa e ngaahi meʻa mahuʻinga ʻo e Puleʻangá.

Hiva 27 (221) mo e lotu tuku.

Uike Kamata Mē 28

Hiva 22 (130)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue ki Meé.

17 min: “ʻOkú Ke Ongoʻi ʻOku ʻIkai ke Mahinoʻi Koe?” Malanga ke fai ʻe ha tokotaha mātuʻa ʻo makatuʻunga ʻi he kupu ʻi he peesi 20-23 ʻo e Taua Leʻo ʻo ʻEpeleli 1, 2001.

18 min: “Ko e Folofola ʻa e ʻOtua, ko e . . . Koto Malohi.”b Fakakau ai mo ha fakahāhā ʻosi teuteuʻi lelei ʻe ua, ʻo fakahaaʻi ai ʻa e founga ʻoku lava ai ʻe he lea kamata nounoú ʻo fakahangataha ʻa e tokangá ki he Folofola ʻa e ʻOtuá.

Hiva 21 (191) mo e lotu tuku.

Uike Kamata Sune 4

Hiva 4 (43)

12 min: Ngaahi fanongonongo fakalotofonua mo e ngaahi meʻa naʻe hokosia ʻi he ngāue fakamalangá.

15 min: Ngaahi fiemaʻu fakalotofonua.

18 min: “Kuo Mau Ngāueʻi Homau Feituʻu Ngāué ʻo Tā Tuʻo Lahi!”c Ke fai ʻe he ʻovasia ngāué. (Ko e ngaahi fakatahaʻanga ʻoku tātātaha ʻenau ngāueʻi honau feituʻu ngāué ʻe lava ke nau fakamanatu ʻa e kupu ko e “Ngaahi Makasini ʻOku Fanongonongo Ai ʻa e Puleʻangá,” ʻi he ʻEtau Ngāue Fakafaifekau ʻo e Puleʻanga ʻo ʻEpeleli 1998.) Fakamatalaʻi ʻa e meʻa ʻe lava ke fai fakalotofonua ke ngāue fakaʻāuliliki ange ai ʻi he taimi ʻoku ngāueʻi ai ʻa e feituʻu ngāué. Lave ki ha ngaahi meʻa naʻe hokosia ʻi he 1997 Yearbook, peesi 204, mo e Watchtower ʻo Fepueli 15, 1996, peesi 26. Fakamamafaʻi ʻa e mahuʻinga ʻo hono tauhi ha ngaahi lēkooti fale-ki-he-fale lelei, toe foki ki he ʻikai-ʻi-ʻapí, pea mo hono fai vave ʻo e ngaahi toe ʻaʻahí.

Hiva 3 (32) mo e lotu tuku.

[Fakamatala ʻi lalo]