Fanongonongo

◼ Tohi ke tuʻuaki ʻi ʻAokosi: ʻE ngāueʻaki nai ha taha ʻo e ngaahi polosiua peesi ʻe 32 ko ʻení: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻE Lava Ke Ke Hoko ko e Kaumeʻa ʻo e ʻOtuá, ʻI he Mate ha Taha ʻOkú Ke ʻOfa Ai mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú pe Ko Hono ʻAi Hoʻo Moʻui Fakafāmilí ke Fiefia. ʻOkatopa: Ko e ngaahi makasini Taua Leʻo mo e ʻĀ Hake! ʻI he maʻu ha mahuʻingaʻia ʻi he ngaahi toe ʻaʻahí, ʻe tuʻuaki nai ʻa e ngaahi tukuhaú. Nōvema: ʻIlo ʻA Ia ʻOku Taki Atu ki he Moʻui Taʻengatá, Ko e Hā ʻOku Fiemaʻu ʻe he ʻOtuá Meiate Kitautolú, pe Te Ke Malava ʻo Moʻui Taʻengata he Palataisi ʻi he Māmaní. Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ha ngaahi tohi pe fanga kiʻi tohi motuʻa ange ʻoku maʻu nai ʻi he sitoka ʻa e fakatahaʻangá, pe ko e polosiua Fiemaʻu.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ke ʻave ʻe he ngaahi fakatahaʻangá ʻenau ngaahi kole ki he 2002 Calendar of Jehovah’s Witnesses ke aʻu ki he ʻōfisi vaʻá ʻi ʻAokosi 20. ʻE ala maʻu ʻa e ngaahi tohimāhiná ʻi he lea faka-Falanisē, Finilani, Hepelū, Hinitī, Hōlani, Hungali, Kalisi, Kōlea, Kolōtia, Lumēnia, Lūsia, Noaue, Pilitānia, Pōlani, Potukali, Seki, Sēpia, Siaina, Siamane, Siapani, Sipeini, Solovākia, Suēteni, Tenimaʻake, Toake, ʻAfilika, ʻAimīnia, ʻAimīnia Hahake, ʻAlepea, ʻAlipēnia, ʻInitonīsia, ʻĪtali mo e faka-ʻIukalaine.

◼ Kamata ʻi he kalasi hono hoko ʻe faí, ʻe ʻikai ke taau ʻa e kau tāimuʻa tuʻumaʻú ke kau ki he Ako Ngāue Tāimuʻá kae ʻoua kuo nau taʻu 16 ʻi he taimi ke nau kau ai ki he akó. ʻE fai ha liliu kapau ʻoku taau ha tāimuʻa ko ha tokotaha mātuʻa tauhi fānau kei siʻi ke kau ki he kalasi tatau.

◼ Ko e fakamatala fakataʻu ʻo e ngaahi tohi pea mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2001, pe ofi ki ai ʻo kapau ʻe malava. Ko e fakamatala ko ʻení ʻoku meimei tatau ia mo e fakamatala paʻanga totonu ʻoku fai ʻi he māhina taki taha ʻe he sevāniti ki he ngaahi tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻoku lava ke maʻu ia mei he sevāniti ki he makasiní. ʻE maʻu ʻe he fakatahaʻanga taki taha ʻa e ngaahi foomu Literature Inventory (S-18) ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻoua ʻe toe tōmui ange ʻi Sepitema 6. Tauhi ʻa e tatau hono uá ki hoʻo ngaahi failé. ʻE ngāueʻaki nai ʻa e tatau hono tolú ko ha tatau ngāue. ʻOku totonu ki he sekelitalí ke ne vakaiʻi ʻa e fakamatalá. Ko ia pea mo e ʻovasia tauhí te na fakamoʻoni ʻi he fōmú.

◼ Ko e ʻĀ Hake! ʻi he lea faka-Siapaní ʻoku ala maʻu ia he taimí ni ʻi ha kāsete.

◼ Ko e Taua Leʻo ʻi he lea faka-Suahilí ʻe ala maʻu ia ʻi ha pulusinga mata-lalahi ʻo kamata ʻi he ʻīsiu ʻo Sepitema 1, 2001.

◼ Ngaahi Tohi Foʻou ʻOku Ala Maʻu:

Awake! 2000 Bound Volume—Faka-Pilitānia