Taimi-Tēpile ki he Fakataha Ngāué

Uike Kamata Sepitema 10

Hiva 4 (43)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

13 min: Ngaahi fiemaʻu fakalotofonua.

22 min: “ʻOkú Ke Fakahoko Fakaʻāuliliki Hoʻo Ngāue Fakafaifekaú?”a Hili ʻa e fetalanoaʻaki ʻi he palakalafi 1-3 mo e kau fanongó, fakahāhaaʻi ha tuʻuaki makasini nounou ʻe ua—ʻo ngāueʻaki ʻe ha taha ʻa e Taua Leʻo ʻo Sepitema 1 pea ko e tokotaha ʻa e ʻĀ Hake! ʻo Siulai-Sepitemá. Hili ʻa e fetalanoaʻaki ʻi he palakalafi 4, fakahāhaaʻi ʻa e tuʻuaki kuo ʻosi fokotuʻú, fakataha mo e tohi ʻIlo.

Hiva 25 (204) mo e lotu tuku.

Uike Kamata Sepitema 17

Hiva 8 (53)

15 min: Ngaahi fanongonongo fakalotofonua. Fakamatala paʻangá. “ʻOku ʻi he ʻInitekí.” Fakahaaʻi ʻa e founga ke maʻu ai ha ngaahi lea kamata ki he tohi Ngaahi Talanoa Faka-Tohitapú mo e tohi Moʻui Fakafāmilí.

15 min: Naʻe Anga-Fēfē ʻEtau Ngāue he Taʻu Kuo ʻOsí? Malanga ke fai ʻe he ʻovasia ngāué. Fakamatalaʻi ʻa e līpooti ʻa e fakatahaʻangá ki he taʻu fakangāue 2001. Fakaongoongoleleiʻi ʻa e tokotaha kotoa pē ki he ngaahi meʻa lelei kuo fakahokó. Fakahanga ʻa e tokangá ki he anga ʻo e maʻu fakataha ʻa e fakatahaʻangá, kau maʻu pē ʻi he ngāue fakamalangá, pea ʻi he ngāue ako Tohitapú, ʻo fakamatalaʻi ha ngaahi fokotuʻu ʻaonga ki ha fakalakalaka. Fokotuʻu ha ngaahi taumuʻa ʻoku ala aʻu ki aí ki he taʻu ka hoko maí.

15 min: Puha Fehuʻi. Ko ha malanga. Fakamanatu ʻa e taimi-tēpile fakauike ʻa e fakatahaʻangá ki he ngaahi fakataha ki he ngāue fakamalangá. Fakamatala ki he founga ʻe lava ke tokoni ai ʻa e tokotaha kotoa pē ʻoku ʻi aí ki ha fetalanoaʻaki lelei ʻi he ngaahi fakataha ko ʻení. Fakalototoʻaʻi ʻa e fakatahaʻangá ke poupouʻi ʻa e ngaahi fokotuʻutuʻu ngāue fakamalanga ko ʻení.

Hiva 26 (212) mo e lotu tuku.

Uike Kamata Sepitema 24

Hiva 3 (32)

15 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻoku ʻomai ʻi he “Meʻa ke Leaʻaki Fekauʻaki mo e Ngaahi Makasiní,” fakahāhaaʻi ha tuʻuaki ʻe ua—ngāueʻaki ʻe ha taha ʻa e Taua Leʻo ʻo Sepitema 15 pea ngāueʻaki ʻe ha taha ʻa e Awake! ʻo Sepitema 22.

30 min: ʻOfa ki he ʻOtuá—ʻIkai ko e Ngaahi Meʻa ʻo e Māmaní. (1 Sione 2:​15-17) Malanga mo e fetalanoaʻaki mo e kau fanongó ʻo fakamanatu ʻa e polokalama ʻasemipilī fakasēketi ʻa ē naʻe fai he lolotonga ʻo e taʻu fakangāue kuo ʻosí. Fakaafeʻi ʻa e kau malangá ke nau fakamatala ki he ngaahi poini tefito naʻa nau akó pea mo e founga naʻe malava ke nau ngāueʻaki fakafoʻituitui ai kinautolú pe ʻi he tuʻunga ko e ngaahi kulupu fakafāmilí. (ʻE lava ke vaheʻi ʻa e ngaahi kongá ki muʻa.) Fakamamafaʻi ʻa e ngaahi konga ko ʻeni ʻo e polokalamá: (1) “Ko e ʻOfa ki he ʻOtuá ʻOkú Ne Ueʻi Kitautolu ʻi Heʻetau Ngāue Fakafaifekaú.” ʻOku tokoniʻi kitautolu ʻe he ʻofa peheé ke tau fekuki mo e ngaahi ongoʻi taʻepau te ne taʻofi nai ʻetau malangá—loto-foʻi, ngaahi ongoʻi taʻefeʻunga mo e manavahē tangatá. (2) “Ko e Kau ʻOfa kia Sihová ʻOku Nau Fehiʻa ki he Meʻa ʻOku Koví.” (w99 10/1 28-31) Ko hono maʻu ha vahaʻangatae mo e ʻOtuá ʻoku fakatefito ia ʻi heʻetau fehiʻa ki he meʻa ʻokú ne fehiʻa aí—ʻo ʻikai ngata pē ʻi he meʻa ʻoku hā mahino ʻene fulikivanú kae toe pehē ki he ngaahi hala ʻoku olopotó. (3) “Tuli ki he Founga Māʻolunga ʻo e ʻOfá.” (w92-E 7/15 27-30) ʻOku fakahaaʻi mai ʻe he 1 Kolinito 13:​4-8 ʻa e ʻuhinga ke tau kātakiʻi ai ʻa e ngaahi taʻehaohaoa ʻa e niʻihi kehé, fakaʻehiʻehi mei he ʻafungí mo e feʻauʻauhí, ʻoua ʻe fakamafola ha lau fakatupu maumau pea hanganaki mateaki ki he kautaha ʻa e ʻOtuá. (4) “Ngaahi Meʻa ʻi he Māmaní—ʻOku Anga-Fēfē ʻEtau Vakai ki Aí?” ʻOku totonu ke ʻoua te tau ʻofa ki he ngaahi meʻa ʻi he māmaní, fakavaivai ki he ngaahi holi ʻo e kakanó, takihalaʻi ʻe he ngaahi holi ʻo e matá, pe pōlepoleʻaki ʻa ʻetau ngaahi koloa fakamatelié. (5) “Ko e Hoko ʻo ʻIkai ʻo e Māmaní ʻOkú Ne Maluʻi Kitautolu.” ʻOku fakahaaʻi ʻe he 2 Kolinito 6:​14-17 ʻa e founga ʻe lava ke ʻai ai kitautolu ʻe he ngaahi tui, ngaahi anga mo e ngaahi tōʻonga paú ke tau taʻefakahōifua ki he ʻOtuá. Kuo pau ke tau ʻiloʻi pea fakaʻehiʻehi mei he ngaahi tauhele ʻoku faʻufaʻu ʻe he Tēvoló. (6) “Ko e Ngaahi Talaʻofa Fakaʻotuá ki he Faʻahinga ʻOku ʻOfa ki he ʻOtuá.” (w86-E 6/15 5-6) ʻOku tānaki mai ʻe he tāpuaki ʻa Sihová ʻa e fiefia ki heʻetau moʻuí pea fakakoloaʻi fakalaumālie kitautolu.—1 Tim 6:​17-19.

Hiva 23 (200) mo e lotu tuku.

Uike Kamata ʻOkatopa 1

Hiva 9 (37)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Sepitemá.

15 min: ʻE Lava Fēfē Ke U Failelei Ange ʻi he ʻApiakó? Ko ha tokotaha mātuʻa mo hono uaifí pe ko ha sevāniti fakafaifekau mo hono uaifí ʻokú na talanoa ki heʻena kiʻi tama kei ako. ʻOkú na hohaʻa koeʻuhi he ko e kiʻi tamá ʻoku fuʻu tōmui ʻene ngāue fakaakó. ʻOkú na fakamanatu ʻa e fakahinohino ʻi he tohi Youth vahe 11 mo e Young People Ask, vahe 18, pea fakamatalaʻi ʻa e meʻa ʻoku fiemaʻu ke fai ʻe he kiʻi tamá ke fakalakalaka aí. ʻOku fakamamafaʻi ʻe he ongo mātuʻá ʻa e mahuʻinga ʻo hono maʻu ha ako makatuʻunga lelei koeʻuhi ke ngāuekakatoʻaki ʻe ha taha ʻene malavá ʻi he tuli ki he ngāue toputapú.

20 min: “Ko ha Fakafaingataʻaʻiaʻanga Ia ki he Malangá?”b Fakamamafaʻi ʻa e fiemaʻu ke mafamafatatau ʻi he ngāue fakamāmaní, ʻo fokotuʻu ʻa e ngaahi meʻa ʻoku fakamuʻomuʻa ai ʻa e ngaahi meʻa mahuʻinga ʻo e Puleʻangá. Fakaafeʻi ha ngaahi ʻuluʻi fāmili ʻi he fakatahaʻangá ke nau lave ki he founga ʻoku nau fekuki ai mo e pole ʻo e tokonaki fakamatelie ki honau ngaahi fāmilí ʻo ʻikai ke feilaulauʻi ai ʻenau ngaahi fiemaʻu fakalaumālié.

Hiva 29 (222) mo e lotu tuku.

[Fakamatala ʻi lalo]