Taimi-Tēpile ki he Fakataha Ngāué

Uike Kamata Tīsema 10

Hiva 26 (212)

13 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke sio ʻi he foʻi vitiō ko e To the Ends of the Earth ʻi he teuteu atu ko ia ki he fetalanoaʻaki ʻi he Fakataha Ngāue ʻo e uike ʻo Tīsema 24. ʻI hono ngāueʻaki ʻa e fokotuʻu ʻi he peesi 6, fakahāhaaʻi ʻa e founga ʻo hono tuʻuaki ʻa e (1) Taua Leʻo ʻo Tīsema 1 pea mo e (2) Awake! ʻo Tīsema 8.

12 min: Ngaahi fiemaʻu fakalotofonua.

20 min: “Ko e Ngaahi Tāpuaki mei Hono Fakahaaʻi ʻa e Houngaʻia ʻi he ʻOfa ʻa Sihová​—Konga 2.”a ʻI hono fakamatalaʻi ʻa e palakalafi 2-6, fakaafeʻi ʻa e fakatahaʻangá ke lave ki ha ngaahi meʻa fakalototoʻa naʻa nau hokosia ʻi he faifakamoʻoni ʻikai ʻi he founga anga-mahení, ʻi ha faitohi, mo e ngāueʻaki ʻo e telefoní. Tomuʻa fokotuʻutuʻu ke toe fakatātaaʻi ha taha pe ua ʻo kinautolu.

Hiva 29 (222) mo e lotu tuku.

Uike Kamata Tīsema 17

Hiva 5 (46)

10 min: Ngaahi fanongonongo fakalotofonua. Fakamatala paʻangá. Fakamatalaʻi ʻa e ngaahi fokotuʻutuʻu malaʻe ngāue makehe ki Tīsema 25 mo Sanuali 1.

22 min: “Tofa Totonu ʻa e Folofola ʻa e ʻOtuá.”b Fakakau ai hano fakahāhaaʻi moʻoni ʻo e tuʻuaki ʻi he palakalafi 4. ʻIkai ko ia pē, fakahāhaaʻi ha tuʻuaki ola lelei naʻe ngāueʻaki fakalotofonua ke fakalototoʻaʻi pe fakanongaʻaki ʻa e kakai ʻoku nau loto-mafasia ʻi he ngaahi tuʻunga lolotonga ʻo e māmaní. ʻE lava nai ke lave ki ha meʻa naʻe hokosia nounou. Kole ki he kau fanongó ke nau fakamatala ki he ʻuhinga ʻoku nau fakakaukau ai ko hono ngāueʻaki ʻa e Tohitapú te ne ʻai ai ʻa e faifakamoʻoni ʻoku faí ke toe ola lelei ange.

13 min: Līpooti ʻa e Vaʻá. Ke fai ʻe he Sekelitalí. Ko e fakamatala ki he fetalanoaʻaki ko ʻeni mo e kau fanongó ʻe ʻoatu ia ki he kau mātuʻa ʻo e fakatahaʻanga taki taha, he lolotonga ʻo Nōvemá. Kuo tau aʻu mai ʻeni ki he māhina ʻe tolu ʻi heʻetau taʻu fakangāué, ko e hā ʻoku lava ke tau fakatuʻotuʻa atu ke fakahoko ʻi heʻetau ngaahi fakatahaʻangá? Ko e hā ʻoku lava ke fai ʻe kitautolu taki taha ʻi he tuʻunga ko e kau malanga tāutahá ke fakapapauʻi ai te tau tauhi mateaki ki heʻetau fakatapui kia Sihová?

Hiva 23 (200) mo e lotu tuku.

Uike Kamata Tīsema 24

Hiva 20 (93)

10 min: Ngaahi fanongonongo fakalotofonua. Fakamatalaʻi ʻa e tohi ʻe tuʻuaki ʻi Sanualí pea ko e hā ʻa e ngaahi tohi ʻoku kei maʻu ʻi he sitoka ʻa e fakatahaʻangá. ʻI hono ngāueʻaki ʻa e ngaahi fokotuʻu ʻi he peesi 6, fakahāhaaʻi ha tuʻuaki makasini nounou ʻe ua, ʻo ngāueʻaki ʻe ha taha ʻa e Taua Leʻo ʻo Tīsema 15 pea ngāueʻaki ʻe ha taha ʻa e Awake! ʻo Tīsema 22. ʻAi ha talavou ke ne tuʻuaki ha taha ʻo kinaua.

10 min: “Ko e Ako Fakafaifekau Fakateokalati ki he 2002.” Malanga ke fai ʻe he ʻovasia ʻo e akó. Fakalototoʻaʻi ʻa e tokotaha kotoa ke tōtōivi ʻi hono fakahoko ʻenau ngaahi konga kuo vaheʻí.

25 min: “Faifakamoʻoni​—To the Ends of the Earth.” Fetalanoaʻaki mo e kau fanongó. Fakalototoʻaʻi ʻa e tokotaha kotoa ke fakakaukau fakamātoato fekauʻaki mo ha meʻa lahi ange ʻe lava ke nau fai ke aʻu ai ki he niʻihi kehé mo e ongoongo leleí, ʻi he tuʻunga fakalotofonuá pe ko ha feituʻu ʻoku ʻi ai ha fiemaʻu lahi angé. Lave ki he ʻEtau Ngāue Fakafaifekau ʻo e Puleʻanga ʻo Siulai 2001, peesi 4. ʻI Fepuelí te tau fakamanatu ai ʻa e foʻi vitiō ko e Noah​—He Walked With God.

Hiva 12 (113) mo e lotu tuku.

Uike Kamata Tīsema 31

Hiva 8 (53)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Tīsemá. Kapau ʻe liliu ʻa e ngaahi taimi fakataha ʻa hoʻo fakatahaʻangá ki he taʻu foʻoú, fakaʻaiʻai anga-ʻofa ʻa e tokotaha kotoa ke maʻu maʻu pē ʻa e ngaahi taimi foʻoú. Fakapapauʻi ʻoku ʻiloʻi ʻa e ngaahi liliú ʻe he faʻahinga mahuʻingaʻia kotoa pē pea mo ha faʻahinga ʻoku ʻikai ke longomoʻui.

15 min: ʻOange ki he Kau Mātuʻá ʻa e Tokanga ʻOku Taau mo Kinautolú. Ko ha sevāniti fakafaifekau ʻe toko ua pe toko tolu ke nau fetalanoaʻaki ʻi he Taua Leʻo ʻo Sune 1, 1999, peesi 18-19. ʻOku nau fakamatala ʻo fekauʻaki mo e ngaahi fatongia lahi kuo pau ke tokanga ki ai ʻa e kau mātuʻá, kau ai ʻa e ngāue fakamāmaní, ngaahi fatongia fakafāmilí mo e ngaahi ngāue fakateokalatí. Lāulea ki ha ngaahi founga ʻe lava ai ʻe kitautolu kotoa ʻo fakalototoʻaʻi kinautolu, fakamaʻamaʻaʻi ʻenau kavengá pea muimui ʻi heʻenau fakahinohinó. ʻOku loto-tatau ʻa e kau sevānití ʻoku fakahoko ʻe he kau mātuʻá ha ngāue mahuʻinga pea ʻoku tuha mo kinautolu ʻa e “tokaga lahi aupito.”​—1 Tes. 5:​12, 13, PM.

20 min: Tokoniʻi Hoʻo Fānaú ke Lakalakaimonū Fakalaumālie. Malanga mo e fetalanoaʻaki ke fai ʻe he ʻOvasia Tauhí. ʻOku makatuʻunga ʻa e fakamatalá ʻi he kupu ʻo e Awake! ʻo ʻAokosi 8, 1997, peesi 8-11. Kātaki ʻo kāpui ʻa e ngaahi poini he kiʻi puha ʻi he peesi 9 ʻo fakamamafaʻi ʻa hono tokonaki ʻo e ngaahi fiemaʻu fakalaumālie ʻa ʻetau fānau īkí. Fakakau ai ʻa e tuʻuaki ko ʻení ʻi he miniti ʻe 4: Ko ha fetalanoaʻaki pau ʻa ha tamai mo ʻene kiʻi tama kei siʻi, ki he mahuʻinga ʻo e fanongo ʻi he ngaahi fakatahá. Naʻe fakatokangaʻi ʻe he tamaí ʻa e ʻikai ke tokanga ʻa e kiʻi tamá peá ne fakamatalaʻi ange ʻa e ʻuhinga ʻoku fiemaʻu ai ke ne fanongo ki he tokotaha malangá, peá ne ʻoange ha ngaahi fokotuʻu. (Sio ki he Taua Leʻo ʻo Maʻasi 15, 2000, peesi 18 pal. 10 mo e 11.) Fakaʻosiʻaki ʻa e lave ʻo pehē ʻoku fiemaʻu ki he fānau īkí ke ʻi ai haʻanau kato pē ʻa kinautolu pea mo e ngaahi tohi kotoa ʻoku fai ki ai ʻa e lāulea ʻi he fakataha taki taha. ʻOku talaʻofa ange ʻe he tamaí te ne fakapapauʻi ʻoku maʻu kotoa ʻa e meʻa ko ʻení.

Hiva 27 (221) mo e lotu tuku.

Uike Kamata Sanuali 7

Hiva 17 (187)

10 min: Ngaahi fanongonongo fakalotofonua.

20 min: Ngāueʻaki ʻa e Lelei Taha Hoʻo Moʻuí. Fetalanoaʻaki ha ngaahi mēmipa fakafāmili ʻi he Taua Leʻo ʻo ʻAokosi 15, 1998, peesi 8-9. ʻOku fiemaʻu ʻe he tamaí ʻa e fāmilí ke nau tuli ki ha ʻalunga te ne ʻomai ai kiate kinautolu ʻa e fiefiá kae ʻikai ko e fakalotomamahi. ʻOku nau fakamanatu ʻa e akonaki Fakatohitapu ʻi he kupú ʻa ia ʻoku hā ai ʻa e founga ke fakapapauʻi ai ʻenau fiefiá, ko e tokangataha ki he fiemaʻu ke ʻiloʻilo, fakamuʻomuʻa ʻa e ngaahi meʻa ʻoku tāú, pea falala kia Sihova. ʻOku nau fakamatala ki ha ngaahi feʻunuʻaki ʻaonga ʻe lava ke nau fai ʻi he tuʻunga ko ha fāmilí.

15 min: Tokanga ki Hotau Fale Fakatahaʻangá. Malanga ke fai ʻe ha tokotaha mātuʻa. Fakatokangaʻi ʻa e tūkunga ʻo e Fale Fakatahaʻangá. Ko e hā ʻa e ngaahi fokotuʻutuʻu ʻoku lolotonga fai ki ha fakamaʻa ki muʻa ʻi he Fakamanatú? Ko e hā ha ngaahi monomono ʻoku fiemaʻu ke fai ki muʻa aí? Fakamatalaʻi ʻa e founga ʻe lava ke tokoni ai ʻa e fakatahaʻangá. Fakamamafaʻi ʻa e fiemaʻu ke fakapapauʻi ko hotau feituʻu faiʻanga lotú ʻoku tapua atu mei ai ʻa e fakaʻofoʻofa mo e lāngilangi ʻa ia ʻoku tau fakafekauʻaki mo e fale ʻo Sihová.​—Sāme 84:1.

Hiva 2 (15) mo e lotu tuku.

[Fakamatala ʻi lalo]