Faifakamoʻoni—To the Ends of the Earth
Ko hai ʻe ngalingali te ne toutou sio ʻi he foʻi vitiō ko e To the Ends of the Earth? Ko e faʻahinga ʻoku nau maʻu ʻa e taumuʻa ʻo e hoko ko e kau misinalé. Ko e hā hono ʻuhingá? Ke alāanga ʻa kinautolu mo e Akoʻanga Tohitapu Taua Leʻo ko Kiliatí. Naʻe fakaʻilongaʻi ʻe he foʻi vitioó ʻa e taʻu hono 50 ʻo e akoʻanga laulōtaha ko ʻení, ʻa ia naʻe fokotuʻú ke fakalahi atu ai ʻa e ngāue fakaefakamoʻoní ki he “ngataʻanga ʻo e mamani.” (Sāme 22:27) Ko e mamata aí te ne fakatupulekina ʻa hoʻo houngaʻia ki he ngāue mahuʻinga taha ko hono malangaʻi ʻa e ongoongo leleí pea ʻe ueʻi ai koe ke fakalahi ʻa hoʻo ngāué. Lāulea: (1) ʻI he konga ki muʻa ʻo e 1940 tupú, ko e hā naʻe hoko ko ha tokanga tefito ia ʻa e kautaha ʻa Sihová? (Ng. 1:8) (2) ʻI he 1942, ko e hā ʻa e kikite faka-Tohitapu fakaofo naʻe lolotonga fakahokó, pea naʻe kehe fēfē ai ʻetau fakakaukaú ʻi he taimi ko iá mei he fakakaukau ʻa e māmaní fakalūkufua? (Fkh. 17:8; w89-E 4/15 p. 14 pal. 12) (3) Ko e hā ʻa e ngaahi fokotuʻutuʻu naʻe fai ke ngāueleleiʻaki ʻa e vahaʻa taimi melino hili ʻa e Tau II ʻa Māmaní? (jv-E p. 522 pal. 1-2) (4) Ko e hā ʻa e ngaahi ʻulungaanga ʻo e kau ako ʻo e ʻuluaki kalasi ʻo e Akoʻanga Kiliatí ʻokú ke ofo aí? (5) ʻI he ʻuluaki taʻu ʻe 50 ʻo Kiliatí, ko e kau ako ʻe toko fiha naʻe maʻu tohi fakamoʻoni akó, pea ko e ngaahi fonua ʻe fiha naʻe fekauʻi kinautolu ki aí? (6) Ko e hā hono lahi ʻo e ako mei he Tohitapú ʻoku maʻu moʻoni ʻe he kau akó? (7) Ko e hā ʻokú ne ʻai ke hoko ko ha misinale mo ha tokotaha faiako lelei ʻo e Folofola ʻa e ʻOtuá? (8) ʻOku fēfē ʻa e moʻui ko ha misinalé, pea ko e hā ʻa e ngaahi faingataʻa kuo pau ke fehangahangai mo iá? (9) ʻOku anga-fēfē ʻa e ongoʻi ʻa e kau misinalé fekauʻaki mo ʻenau ʻalunga moʻuí, pea ko e hā ʻa e fiefia makehe ʻoku maʻu mei heʻenau ʻalunga feilaulauʻi-kitá? (10) Ko e hā kuo fakahoko ʻe he kau misinale ʻe laui afé ʻi he aʻu ki he taimi ní? ʻOmai ha ngaahi fakatātā. (11) Ko e hā ʻa e faʻahinga ongoʻi ʻokú ke maʻu fekauʻaki mo e fanga tokoua mo e fanga tuofāfine kuo nau ʻalu atu ki he “ngataʻanga ʻo mamani” ke malangá? (12) ʻOku fakalototoʻaʻi koe ʻe he faʻifaʻitakiʻanga naʻe fokotuʻu ʻe he kau misinalé ke fai ʻa e hā, pea ko e hā hono ʻuhingá?