Fakamanatu Ako Fakafaifekau Fakateokalati
Fakamanatu taʻesio ki ha tohi ʻa e ngaahi fakamatala naʻe vaheʻi ke fai ʻi he Ako Fakafaifekau Fakateokalatí ki he ngaahi uike ʻo Sanuali 7 ki ʻEpeleli 22, 2002. Ngāueʻaki ha lauʻipepa kehe ke tohi ki ai ʻa e ngaahi talí ki he lahi taha ʻo e ngaahi fehuʻi te ke lava ʻo tali ʻi he taimi ʻoku vaheʻi maí.
[Fakatokangaʻi: Lolotonga ʻa e fakamanatu tohinimá, ko e Tohitapú pē ʻe lava ke ngāueʻaki ke tali ha fehuʻi. Ko e ngaahi maʻuʻanga fakamatala ʻoku hoko mai he ngaahi fehuʻí, ko e ʻai pē ia ki hoʻo fekumi fakafoʻituituí pē. Ko e ngaahi fika ʻo e pēsí mo e palakalafí ʻoku ʻikai ke ʻasi nai ia ʻi he ngaahi maʻuʻanga fakamatala kotoa ki he Taua Leʻo.]
Tali Moʻoni pe Loi ki he ngaahi fakamatala taki taha ʻoku hoko haké:
1. ʻI he Koheleti 2:2, ko e poini ʻoku ʻohake ʻe Solomoné ko e totonu ko ia ke fakaʻehiʻehi mei he katá mo e fiefiá. [Lau Tohitapu fakauiké; sio ki he w87-E 9/15 p. 24 pal. 5.]
2. ʻI he ʻikai ko ha tohi ʻo e tuʻatamakí, ko e Koheletí ʻoku teuʻi ʻaki ia ʻa e ngaahi maka koloa ngingila ʻo e poto fakaʻotuá pea ʻokú ne fakahaaʻi ko e ngaahi ngāue ʻoku fakamamahí ʻa e ngaahi ngāue ko ia ʻoku taʻetokangaʻi ai ʻa e ʻOtuá. [bsi01 p. 24 pal. 9]
3. ʻI he Aisea 1:7, ʻoku lave ai ʻa e palōfitá ki hono fakalala ʻo Siuta he lolotonga ʻo e pule ʻa ʻĀhasí. [Lau Tohitapu fakauiké; sio ki he ip-1-E p. 17 pal. 16.]
4. Ko e finangalo ia ʻo e ʻOtuá ke tau maʻu ʻa e fiefia fakataimi ʻi he fokotuʻutuʻu ko ʻeni ʻo e ngaahi meʻá. [kl p. 6 pal. 2]
5. Ko e ‘fakaʻapaʻapa [loto-lelei] kia Sihova’ ʻaki ʻetau ngaahi meʻa ʻoku maʻú—hotau taimí, ngaahi talēnití, mālohí mo e ngaahi koloa fakamatelié—ʻe iku atu ia ki ha ngaahi tāpuaki fakalaumālie lahi meia Sihova. (Pal. 3:9, 10) [w00 1/15 p. 25 pal. 1]
6. Ko e ‘ngaue kehe mo e fatongia foʻou’ ʻi onopooni naʻe tala ki muʻa ʻi he Aisea 28:21, ʻoku ʻuhinga ia ki he fakaʻauha ʻo e ngaahi puleʻangá ʻi ʻĀmaketoné. [Lau Tohitapu fakauiké; sio ki he ip-1-E p. 295 pal. 16; p. 301 pal. 28.]
7. Hangē ko ia ʻoku fakahaaʻi mai ʻi he Mātiu 24:38, 39, ko e angaʻaki ʻo e kaí mo e inú, fakataha mo e ngaahi ngāue kehe fakaetangatá, naʻá ne ʻai ʻa e kakai ʻi he ʻaho ʻo Noá ke tafiʻi atu ai kinautolu ʻe he Lōvaí. [w00 2/15 p. 6 pal. 6]
8. ʻOku fakahoko maʻu pē ʻe Sihova ʻa e ngaahi kole ʻa ʻene kau sevāniti anga-fakatōkilalo ʻoku nau tauhi taʻesiokita kiate iá. [w00 3/1 p. 4 pal. 3]
9. Ko e ngaahi “puleʻanga” ʻoku ʻuhinga ki ai ʻi he Aisea 60:3, ko e ngaahi puleʻanga tāutaha fakapolitikale ia kuo tohoaki ki he maama foaki mei he ʻOtuá. [Lau Tohitapu fakauiké; sio ki he w00 1/1 p. 12 pal. 4.]
10. Naʻe “fakatapuʻi” ʻe Sihova ʻa Selemaia ki muʻa ke fanauʻi iá ʻi heʻene tomuʻa fakatufakangaʻi ʻa e meʻa ʻe hoko tuʻuloa kia Selemaiá. (Sel. 1:5) [Lau Tohitapu fakauiké; sio ki he w88-E 4/1 p. 10 pal. 2.]
Tali ʻa e ngaahi fehuʻi hoko haké:
11. ʻI he Koheleti 11:1 (PM), ko e hā ʻa e ʻuhinga ʻo e pehē ke ‘li atu hoo maá’? [Lau Tohitapu fakauiké; sio ki he w87-E 9/15 p. 25 pal. 11.]
12. ʻI he Aisea 6:8, ko hai ʻoku fakakau ʻe Sihova ʻi heʻene pehē “maʻatautolu”? [Lau Tohitapu fakauiké; sio ki he ip-1-E p. 93-4 pal. 13.]
13. ʻI hono fakahoko ʻa e Aisea 9:2 (9:1, PM), naʻe anga-fēfē ʻa e ulo “ha maama lahi” ʻi Kālelí? [Lau Tohitapu fakauiké; sio ki he ip-1-E p. 126 pal. 17.]
14. Ko e hā ha fakahoa tatau ʻi onopooni ʻe lava ke fai fekauʻaki mo e tō ʻa Pāpilone ʻi he 539 K.M. pea mo ʻene iku atu ki hono fakalala fakaʻaufulí? (Ai. 13:19, 20; 14:22, 23) [Lau Tohitapu fakauiké; sio ki he ip-1-E p. 188 pal. 30-1.]
15. Kuo anga-fēfē ʻa e ngāue ʻa e “tamaioeiki agatonu mo boto” ko e “tagata leo” ʻa ia ʻoku fakamatalaʻi ʻi he Aisea 21:6 (PM)? (Mt. 24:45, PM) [Lau Tohitapu fakauiké; sio ki he ip-1-E p. 221-2 pal. 11.]
16. Ko e hā ʻa e faleʻi fakapotopoto ki ha kiʻi talavou ʻi hono kumi ha hoa malí ʻa ia ʻoku maʻu ʻi he Palovepi 31:10? [w00 2/1 p. 31 pal. 1]
17. ʻI he Aisea 43:9, ko e hā ʻa e pole ʻoku ʻoange ki he ngaahi ʻotua ʻo e ngaahi puleʻangá? [Lau Tohitapu fakauiké; sio ki he w88-E 2/1 p. 16 pal. 3.]
18. ʻI he founga fē ʻoku “fakaʻofoʻofa” ai ʻa e vaʻe ʻo e faʻahinga ʻoku nau malangaʻi ʻa e ongoongo lelei ʻo e Puleʻanga ʻo e ʻOtuá? (Ai. 52:7) [Lau Tohitapu fakauiké; sio ki he w97-E 4/15 p. 27 pal. 6.]
19. Ko e hā ʻoku fiemaʻu kiate kitautolu ke tau faí koeʻuhi ke taʻofi ai hotau lotó mei hono kākaaʻi kitautolú? (Sel. 17:9) [w00 3/1 p. 30 pal. 4]
20. Ko e hā kuo pau ke fai ʻe he faʻahinga ko ia ʻoku nau ‘fou ʻi he ʻalunga ʻo Sihová’? (Sel. 7:23) [Lau Tohitapu fakauiké; sio ki he w99 8/15 p. 29 pal. 6.]
ʻOmai ha foʻi lea pe kupuʻi lea ʻoku fiemaʻu ke fakakakatoʻaki ʻa e ngaahi fakamatala taki taha ʻoku hoko haké:
21. “Ko e loto ʻo e poto ʻoku ʻalu ki toʻomataʻu” ʻi he ʻuhinga ko e “toʻomataʻu” ʻoku faʻa ʻuhinga ko ha ․․․․․․․․; ʻa ia, ʻoku fakahaaʻi heni ko hono ․․․․․․․․ ʻokú ne ueʻi ia ke tuli ki ha ʻalunga lelei, mo sai ange. (Koh. 10:2; Mt. 25:33) [Lau Tohitapu fakauiké; sio ki he w87-E 9/15 p. 25 pal. 8.]
22. ʻOku ʻi he lotolotonga ʻo e ngaahi lēsoni ʻaonga naʻe akoʻi ʻi he Hiva ʻo e Hivá ʻa e ․․․․․․․․, ․․․․․․․․, mo e ․․․․․․․․ ki he ngaahi tefitoʻi moʻoni fakaʻotuá. [bsi02 p. 3 pal. 16]
23. Ko e faifakaʻauha ʻo e ngaahi kolo ʻo Siutá ʻa ia naʻe fakamatalaʻi ʻi he Aisea 33:1 ko ․․․․․․․․, ʻa ē ne iku atu ʻa ia tonu ʻo ikunaʻi ʻi he 632 K.M., ʻo tuku ai ha koloa vete lahi ki he kau nofo ʻo ․․․․․․․․, ʻa ia te nau ‘tufi ia hange ko e tufi ʻe he ʻunufé.’ (Ai. 33:4) [Lau Tohitapu fakauiké; sio ki he ip-1-E p. 343 pal. 4; p. 345 pal. 6.]
24. Ko hono fakafehoanaki ʻa e Aisea 54:1 mo e Kaletia 4:26, 27 ʻoku fakahaaʻi ai ko e fefine “paʻa” ʻokú ne fakatātaaʻi ʻa e “․․․․․․․․”; pea ko e fefine “fakaʻapi,” ko e ․․․․․․․․. [Lau Tohitapu fakauiké; sio ki he w95 12/1 p. 11 pal. 8.]
25. ʻI heʻetau fetaulaki mo e manuki pea mo e talitekeʻi ʻi heʻetau ngāue fakafaifekau ki he kakaí, ʻoku fiemaʻu ke tau manatuʻi ko e fakafepaki peheé ʻoku fakahanga moʻoni mai ia, ʻo ʻikai kiate ․․․․․․․․, ka kia ․․․․․․․․, ko e Matavai ʻo ʻetau pōpoakí. (2 Kol. 4:1, 7) [w00 1/15 p. 21 pal. 2]
Filifili ʻa e tali totonu ʻi he ngaahi fakamatala taki taha ʻoku hoko haké:
26. ʻI he tohi fekauʻaki mo ʻene vīsone ki he lāngilangi fakahēvani ʻo Sīsuú, ʻoku lave ai ʻa Paula kiate ia tonu ko ha taha naʻe “fanauʻi taʻe hoko,” ʻa ia ʻoku ʻuhingá (naʻe fakatupu foʻou ia ʻe he laumālié; naʻá ne maʻu ha fakanofo tokamuʻa ko ha ʻapositolo ki he ngaahi puleʻangá; naʻe hangē ia ne tuku kiate ia ʻa e lāngilangi ʻo hono fanauʻi, pe fokotuʻu hake, ki he moʻui laumālié ki muʻa ʻi hono taimí). (1 Kol. 9:1; 15:8) [w00 1/15 p. 29 pal. 6]
27. Ko e hingoa fakalakanga ko e “Tamai Taʻengata” ʻoku ʻuhinga ia ki he mālohi mo e mafai ʻo e Tuʻi faka-Mīsaiá ke ʻoange ki he faʻahinga ʻo e tangatá ʻa e (ivimoʻui fakalaumālie; moʻui taʻefaʻamate ʻi hēvani; ʻamanaki ʻo e moʻui taʻengata ʻi he foʻi māmaní). (Ai. 9:6; Sione 11:25, 26) [Lau Tohitapu fakauiké; sio ki he ip-1-E p. 131 pal. 26.]
28. ʻI hono fakahoko ʻi onopooni ʻa e Aisea 66:7, ko e “tamasiʻi tangata” naʻe fāʻeleʻi maí ʻokú ne fakafofongaʻi (ʻa Sīsū Kalaisi; ko e Puleʻanga faka-Mīsaiá; ha puleʻanga fakalaumālie foʻou ʻi he 1919). [Lau Tohitapu fakauiké; sio ki he w95 5/1 p. 11 pal. 3.]
29. Naʻe fakahaaʻi ʻe Sihova ʻa e (kātakí; mēsí; ʻofá) ʻaki ʻene fakangofua ʻa e kau ʻIsipite ʻe niʻihi ke nau siʻaki ʻa e ngaahi ʻotua loí pea maʻu ʻa e ʻaonga lahi ʻi heʻenau tuʻumaʻu maʻá e ʻOtua moʻoni pē tahá. [kl p. 27 pal. 14]
30. ʻI hono fakahoko ʻi onopōní, ‘ko e kakai ʻoku ʻikai ke fakaongo ki he lea ʻa Sihová,’ ʻa ia naʻe leaʻaki ʻi he Selemaia 7:28, ʻoku ʻuhinga ia ki (Pāpilone ko e Lahi; Puleʻanga-Haʻa-Kalisitiane; he hau fakaemāmani hono fitú). [Lau Tohitapu fakauiké; sio ki he w88-E 4/1 p. 18 pal. 10.]
Fakahoa ʻa e ngaahi konga Tohitapú ki he ngaahi fakamatala ʻoku hoko hake ʻi laló:
Pal. 24:16; Koh. 3:11; Ai. 40:8; Loma 10:15; Sione 4:23, 24
31. ʻI hono taimi pē ʻoʻoná, ko e feituʻu totonu ʻa ia ʻoku feʻungamālie ai ʻa e ngāue taki taha ʻa e ʻOtuá mo ʻene taumuʻá ʻe fakaeʻa ia. [Lau Tohitapu fakauiké; sio ki he w87-E 9/15 p. 24 pal. 8.]
32. ʻOku mātuʻaki mahuʻinga ki ha niʻihi ke fakatonutonu ʻenau founga lotú kae lava ke fakahōifua ki he ʻOtuá, ʻo hangē ko ia ʻi he ʻaho ʻo Sīsuú. [kl p. 45 pal. 4]
33. Neongo heʻikai ala kalofi ʻa e ngaahi fakaholomui ʻi he moʻuí, ko e tokotaha anga-fakaʻotuá ʻoku ʻikai te ne foʻi ʻi he feinga ke fai ʻa e meʻa ʻoku leleí. [w00 2/1 p. 5 pal. 1]
34. Ko e folofola ʻa e ʻOtuá, pe taumuʻa kuo ʻosi fokotuʻú, heʻikai lava ke fakataʻeʻaongaʻi pe taʻofi ʻa hono fakahokó. [Lau Tohitapu fakauiké; sio ki he ip-1-E p. 401-2 pal. 10.]
35. Naʻe ngāueleleiʻaki ʻe he kau ʻapositolo ʻa Sīsuú ʻa e kikite ʻa ʻAiseá, ʻo ngāueʻaki ia ʻi he ngāue fakafaifekaú. [bsi02 p. 6 pal. 37]