Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siulai 15
“ʻOkú ke fakakaukau ʻoku tautea ʻa e fulikivanú ʻi heli? [Tuku ke ne tali.] ʻOku fakahaaʻi mahino ʻe he Tohitapú ʻa e tautea ki he angahalá. [Lau ʻa e Loma 6:23a.] Ko helí leva ko ha feituʻu vela fakamamahi ia? Ko ha tuʻunga pē ia ʻo e mavahe mei he ʻOtuá? Ko e makasini ko ení ʻoku ʻomai ai ʻa e tali Fakatohitapu ki he ongo fehuʻi ko ení.”
Awake! Siulai 22
“ʻOku vakai ʻa e kakai tokolahi ki he pele paʻangá ko ha vaʻinga fakafiefia fakasōsiale lelei ia. ʻOku ongoʻi ʻe he niʻihi ʻi hono fakalūkufuá ʻokú ne maumauʻi ai ʻa e ngaahi fāmilí mo e sōsaietí. Ko e ʻīsiu ko eni ʻo e Awake! ʻokú ne sivisiviʻi ʻa e pele paʻangá ʻi he vakai ki he fekumi naʻe pulusi fakamuimuí. Te ke toe mahuʻingaʻia nai ʻi hono lau ʻa e anga ʻo e fakamatala ʻa e ngaahi tefitoʻi moʻoni faka-Tohitapú ki he tuʻunga-lea ko ení.” Ko ha fakatātā, lau ʻa e 1 Timote 6:10.
Ko e Taua Leʻo ʻAo. 1
“ʻOku ongoʻi ʻe he kakai tokolahi ko e ngaahi fakakaukau mo e ngaahi tōʻonga ʻo e tui taʻeʻuhingá ko ha fakaoli pē ia. [Fakahaaʻi ha kupu ʻe taha pe ua mei he puha ʻi he peesi 5.] Kuó ke fakakaukau ʻi ha taimi fekauʻaki mo e meʻa ʻoku teke mui ʻi he ngaahi fakakaukau peheé? [Hili ha tali, lau ʻa e 2 Kolinito 11:14.] ʻOku ʻomai ʻe he makasini ko ení ʻa e vakai ʻa e Tohitapú fekauʻaki mo e ngaahi tui taʻeʻuhingá.”
Awake! ʻAo. 8
“ʻOku hohaʻa ʻaupito ʻa e kakai tokolahi fekauʻaki mo e tupu fakautuutu ʻa e fakamālohí mo e tautoitoí. Mahalo pē ʻokú ke tui tatau mo e ngaahi lea ʻi he Koheleti 8:9. [Lau pea tuku ki ha tali.] Ko e ʻīsiu ko eni ʻo e Awake! ʻoku lāulea ai ki ha ngaahi lēsoni mei he kuohilí pea fakahaaʻi ai ʻa e founga ʻe vavé ni ke ngata ai ʻa e tuʻunga pule ko iá.”