Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu. 15
“Lolotonga ʻa e laui afeʻi taʻu ʻo e hisitōlia ʻo e tangatá, kuo faʻu ai ʻe he faʻahinga ʻo e tangatá ha ngaahi tui lahi kehekehe. ʻOkú ke fakakaukau ʻoku malava ke ʻiloʻi pe ko fē ʻa e ngaahi tui ʻoku moʻoní pea ko fē ʻoku loí? [Tuku ke ne tali.] Ko e makasini ko ení ʻoku lāulea ai pe ko fē ʻe lava ke ke maʻu ai ʻa e ngaahi akonaki moʻoni ʻokú ne fakahōifuaʻi ʻa e ʻOtuá.” Lau ʻa e 2 Timote 3:16.
Awake! Siu. 22
“ʻOku fakalotomamahi ke sio ki he faingataʻa ʻoku fakatupunga ʻe he ngaahi fakatamaki fakanatulá. [Lave ki ha fakatātā ʻoku ʻiloʻi fakalotofonua.] ʻOkú ke fakakaukau ʻoku fakautuutu ʻa e ngaahi fakatamaki peheé? [Tuku ke ne tali.] ʻOku sivisiviʻi ʻe he makasini ko ení ʻa e fehuʻi ko iá. ʻOku toe ʻomai ai ʻa e fakafiemālie ki he faʻahinga kuo mole honau ngaahi ʻofaʻangá ʻi he ngaahi meʻa fakamamahi peheé.” Lau ʻa e Sione 5:28, 29.
Ko e Taua Leʻo ʻAo. 1
“Ko e kakai tokolahi he ʻahó ni ʻoku nau fāinga mo e ngaahi ongoʻi ʻo e ʻikai hanau mahuʻingá. ʻOkú ke fakakaukau ko e hā ʻe lava ke fai ke tokoniʻi ai kinautolú? [Tuku ke ne tali.] Ko e makasini ko ení ʻoku lāulea ai ki he founga ʻe lava ke tokoniʻi ai ʻe he Tohi Tapú ʻa e faʻahinga peheé ke maʻu ʻa e fiefia moʻoní.” Fakamamafaʻi ʻa e ngaahi konga Tohi Tapu ʻoku taipeʻi mata lalahi fakaheihei ʻi he kupu “ʻE Lava ʻe he Tohi Tapú Ke Ne Tokoniʻi Koe Ke Ke Maʻu ʻa e Fiefiá.”
ʻĀ Hake! Siu.-Sep.
“ʻOkú ke fakakaukau ʻe lava fēfē ʻa e ngaahi mātuʻá ke tokoniʻi ʻenau fānaú ke kalofi ʻa e ngaahi palopalemá lolotonga ʻa e ngaahi taʻu faingataʻa ʻo e taʻu hongofulu tupú? [Tuku ke ne tali. Pea lau leva ʻa e Aisea 48:17, 18.] Ko e makasini ko ení ʻoku fakahaaʻi ai ʻa e founga ʻoku lava ke tokoniʻi ai ʻa e ngaahi mātuʻá ʻi hono ngāueʻaki ʻa e akonaki ʻa e Tohi Tapú ke pouaki ʻa e fetuʻutaki leleí mo ʻenau fānaú pea ke fokotuʻu ʻa e ngaahi fakangatangata fakaʻatuʻi kia kinautolú.”