Taimi-Tēpile ki he Fakataha Ngāué

Uike Kamata ʻAokosi 12

Hiva 25 (204)

13 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 7, ʻai ha ongo fakahāhā kehekehe ʻe ua ʻo e founga ʻo hono tuʻuaki ʻa e Taua Leʻo ʻo ʻAokosi 15 pea mo e Awake! ʻo ʻAokosi 22. ʻI he tuʻunga taki taha, fakahaaʻi ha founga kehe ke fakaleleiʻi ai ʻa e taʻofiʻanga ʻo e fetalanoaʻakí, “Ko e hā ʻoku faʻa ʻaʻahi mai ai ʻa e kakai ko kimoutolú?”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 12.

20 min: “Fokotuʻu ha Ngaahi Taumuʻa Fakalaumālie.”a ʻI he lāulea ki he palakalafi 5, fakakau ai ha fakamatala fakaueʻiloto fekauʻaki mo e ngāue tāimuʻa tuʻumaʻú mo e ngāue fakamisinalé pea mo e ngāue he Pētelí mei heʻetau tohi Our Ministry, peesi 114-​16.

12 min: Ngaahi meʻa naʻe hokosia fakalotofonua. Fakaafeʻi ʻa e fakatahaʻangá ke nau lave ki he ngaahi meʻa kuo nau hokosia ʻi hono ngāueʻaki ʻa e tuleki Te Ke Saiʻia ke ʻIlo Lahi Ange Fekauʻaki mo e Tohitapú? Kuo kamata ai ha ngaahi ako Tohitapu? Kapau ko ia, fakamatalaʻi ʻa e foungá pe fakatātaaʻi ʻa e meʻa ʻe taha pe ua naʻe hokosiá. Fakamanatu ʻa e puha “Ngaahi Faingamālie ke Tufaki Ai ʻa e Tulekí” ʻi he ʻEtau Ngāue Fakafaifekau ʻo e Puleʻanga ʻo Nōvema 2001, peesi 4.

Hiva 18 (162) mo e lotu tuku.

Uike Kamata ʻAokosi 19

Hiva 17 (187)

12 min: Ngaahi fanongonongo fakalotofonua. Fakamatala paʻangá. Lāulea ki he “Polokalama ʻAho ʻAsemipilī Makehe Foʻou.” Fanongonongo ʻa e ʻaho ki he ʻaho ʻasemipilī makehe foʻou hono hokó, pea uki ʻa e tokotaha kotoa ke aʻu tōmuʻa ki ai pea tokanga ʻi he lolotonga ʻa e polokalamá kotoa. Fakalototoʻaʻi ʻa e kau malangá ke nau fakaafeʻi mai ʻa e faʻahinga mahuʻingaʻia foʻoú mo e kau ako Tohitapú.

15 min: Ko e Hā ʻOkú Ne Taʻofi Kinautolú? Fetalanoaʻaki mo e kau fanongó mo e fakahāhā. ʻI heʻetau ngāue fakafaifekaú ʻoku tau fetaulaki lahi ai mo e kakai ʻoku nau toumoua ke lāulea ki heʻenau ngaahi tuí. ʻOku fokotuʻu ʻi he meʻá ni ha ʻā vahevahe ʻa ia ʻe lava ke ne taʻofi kitautolu mei hono vahevahe atu ʻa e pōpoaki ʻo e Puleʻangá. Kapau ʻoku tau ʻiloʻi ʻa e ʻuhinga ʻoku taʻofi ai ha tokotahá, ʻe tokoniʻi nai ʻe he meʻá ni kitautolu ke teuteuʻi ai ha fakaofiofi ʻe lava ke tohoakiʻi mai ai ʻa e fakakaukau ʻa e tokotahá. Lāulea ki he founga te tau feʻunuʻaki nai ai ʻetau tuʻuakí ʻi he taimi ʻoku tau fetaulaki ai mo e faʻahinga kakai ko ení: (1) Faʻahinga ʻoku ʻikai te nau tokanga ki he lotú, naʻa mo ʻenau lotú tonu. (2) Faʻahinga ʻoku ʻi ai ʻenau pipiki fakaeongo ki he ngaahi tōʻonga fakalotu ʻoku fai ʻe honau fāmilí mo ʻenau fanga kuí. (3) Faʻahinga ʻoku ʻikai te nau fiemālie ʻi he talanoa fekauʻaki mo ʻenau ngaahi tuí koeʻuhi ko e siʻi ʻenau poupou Fakatohitapu ki aí. (4) Faʻahinga ʻoku nau tomuʻa fehiʻa mai kia kitautolu koeʻuhí ko e ngaahi fakamatala tākihalaʻi naʻe fai ʻe he kau fakafepakí. Feʻunuʻaki ʻa e lisí ʻo hangē ko ia ʻoku fiemaʻú ke feʻunga mo e feituʻu fakalotofonuá, ʻo fakahangataha ki he ngaahi fakakaukau ʻoku fetaulaki lahi mo iá. Fakakau ai ha fakahāhā nounou ʻo fakahaaʻi ai ʻa e founga ke tohoakiʻi mai ai ha taha ki he fetalanoaʻaki Fakatohitapú.

18 min: “Fakahāhā ʻa e Mateaki Faka-Kalisitiané ʻi he Taimi ʻOku Tuʻusi Ai ha Kāingá.”b (Palakalafi 1-8) Ke fai ʻe ha mātuʻa taau, ʻo ngāueʻaki ʻa e ngaahi fehuʻi ʻoku ʻoatú. ʻAi ke lau leʻo-lahi ʻa e palakalafi taki taha ʻe ha tokoua lautohi lelei.

Hiva 11 (85) mo e lotu tuku.

Uike Kamata ʻAokosi 26

Hiva 3 (32)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 7, ʻai ha tāimuʻa tuʻumaʻu pe tāimuʻa tokoni ke ne fakahāhā ʻa e founga ke tuʻuaki ai ʻa e Taua Leʻo ʻo Sepitema 1 pea ʻai ha tokotaha malanga ʻi he fakatahaʻangá ke ne fakahaaʻi ʻa e founga ke tuʻuaki ai ʻa e Awake! ʻo Sepitema 8. Fakalototoʻaʻi ʻa e kau malanga kotoa pē ke fakakau ha konga Tohitapu ʻi heʻenau tuʻuakí.

17 min: “Hoko ko ha Tokotaha Fetuʻutaki!”c ʻI he fakaʻosí, fakalototoʻaʻi ʻa e kau malangá ke nau fakamanatu ʻa e Ako 10 ʻi he kiʻi tohi Founga ke Fakaleleiʻiʻaki Hoʻo Pōtoʻi Fakaeleá mo Fakaefaiakó, peesi 49-51.

18 min: “Fakahāhā ʻa e Mateaki Faka-Kalisitiané ʻi he Taimi ʻOku Tuʻusi Ai ha Kāingá.”d (Palakalafi 9-14) Ke fakahoko ʻe ha mātuʻa taau, ʻo ngāueʻaki ʻa e ngaahi fehuʻi ʻoku ʻoatú. ʻAi ke lau leʻo-lahi ʻa e palakalafi taki taha ʻe ha tokoua lautohi lelei.

Hiva 13 (124) mo e lotu tuku.

Uike Kamata Sepitema 2

Hiva 7 (51)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki ʻAokosí. Fakaeʻa nounou ʻa e kupu ko e “Lautohi mo Hoʻo Fānaú” ʻi he Taua Leʻo ʻo Mē 1, 1999, peesi 25.

20 min: Teuteu ki Muʻa Ke Ke ʻAlú. Fetalanoaʻaki mo e fakahāhā. Ko e palani leleí ʻoku tānaki ia ki heʻetau ola lelei ʻi he ngāue fakafaifekaú. Ko ia ai, ki muʻá: (1) Maʻu ʻa e ʻū tohi te ke fiemaʻú. (2) Fakapapauʻi ke maʻu ha ngaahi lēkooti fale-ki-he-fale feʻunga mo ha peni pe ko ha peni vahevahe. (3) Kapau ʻokú ke fiemaʻu ha meʻalele, fai ha ngaahi fokotuʻutuʻu feʻungamālie ki he fonongá. (4) Fakakaukau fekauʻaki mo e ngaahi toe ʻaʻahi ʻokú ke palani ke faí. (5) Teuteu ʻa e meʻa te ke leaʻakí. Kapau te ke fai ʻa e fakataha ki he malaʻe ngāué, maʻu ha feituʻu ngāue feʻunga. Lāulea mo e kau fanongó ki he founga ʻe ua pe tolu ʻe lava ke tuʻuaki ai ʻa e tohi Fāmili Fiefiá ʻi he ngāue fakafaifekaú he lolotonga ʻo Sepitemá. Fakahāhā ʻa e taha ʻo e ngaahi tuʻuakí, pea fakakau ha konga Tohitapu ʻi he fetalanoaʻakí.​—Sio ki he ngaahi fokotuʻu ʻi he ʻEtau Ngāue Fakafaifekau ʻo e Puleʻanga, ʻo Maʻasi 1997, peesi 8, mo Sepitema 1997, peesi 8.

15 min: Ngaahi fiemaʻu fakalotofonua. Pe fakaafeʻi ʻa e fakatahaʻangá ke nau lave ki ha ngaahi meʻa naʻa nau hokosia ʻi he faifakamoʻoni ʻi he founga ʻikai anga-mahení, ʻi hano vahevahe atu nai ʻa e ongoongo leleí ki he kakai ʻi he ngaahi tauʻanga meʻalelé, ʻi he meʻalele uta pāsesé, ʻi he ngaahi paʻaké, ʻi he ngaahi senitā fakataú, ʻi he ngaahi tauʻanga lolí pea ʻi he ngaahi feituʻu kakai kehé. Fakatātaaʻi ʻa e meʻa ʻe taha pe ua naʻe hokosiá.

Hiva 10 (82) mo e lotu tuku.

[Fakamatala ʻi lalo]