Taimi-Tēpile ki he Fakataha Ngāué

FAKATOKANGAʻI: Ko ʻEtau Ngāue Fakafaifekau ʻo e Puleʻanga ʻe hokohoko atu ʻene fakataimitēpileʻi ha Fakataha Ngāue ki he uike taki taha lolotonga ʻa e māhina ʻe tolu hoko maí. ʻE fai nai ʻe he ngaahi fakatahaʻangá ʻa e ngaahi feʻunuʻaki ʻo fakatatau ki he fiemaʻú ke fakaʻatā ai ki hano maʻu ʻa e Fakataha-Lahi Fakavahe “Kau Fanongonongo Faivelenga ʻo e Puleʻangá.” ʻI heʻene feʻungamālié, ngāueʻaki ʻa e miniti ʻe 15 ʻi he Fakataha Ngāue fakamuimui taha ki muʻa ke kau ki he fakataha-lahí ke toe lāulea ai ki he akonaki kaungatonu mei he fakalahi ʻo e māhina ní ʻa ē ʻoku ngāueʻaki fakalotofonuá. ʻI Tīsema, pe ko e konga ki muʻa ʻo e taʻu kahaʻú, ʻe fakamanatu ai ʻi ha konga ʻo e Fakataha Ngāué ʻa e ngaahi meʻa mahuʻinga ʻo e polokalama ʻi he fakataha-lahí. ʻI he teuteu ki he lāulea ko iá, ko kitautolu kotoa ʻe lava ke tau hiki ha ngaahi nouti mohu ʻuhinga ʻi he fakataha-lahí, ʻo kau ai ha lisi ʻo e ngaahi poini pau ʻoku tau fakaʻamu ke ngāueʻaki fakafoʻituitui ʻi heʻetau moʻuí tonu pea ʻi he malaʻe fakafaifekaú. ʻE lava leva ke tau fakamatalaʻi ʻa e founga kuo tau ngāueʻaki ai ʻa e ngaahi fokotuʻu ko iá talu mei hono maʻu ʻa e fakataha-lahí. ʻE fakatupu langa hake ke fefanongoʻaki ki he fetalanoaʻaki ki he founga kuo nau maʻu ʻaonga ai mei he fakahinohino lelei naʻe maʻú.

Uike Kamata Sepitema 9

Hiva 16 (143)

15 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 6, ʻai ha fakahāhā ʻe ua ʻo e founga ke tuʻuaki ai ʻa e Taua Leʻo ʻo Sepitema 15 mo e Awake! ʻo Sepitema 22. ʻI he tuʻunga taki taha, fakahaaʻi ha founga kehekehe ke fakaleleiʻi ai ʻa e taʻofiʻanga ʻo e fetalanoaʻakí “ʻOku ʻikai ke u mahuʻingaʻia au he Kau Fakamoʻoni ʻa Sihová.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 9-​10.

12 min: “Fakalato Hoʻo Fiemaʻu Fakalaumālié.” Malanga mo e fetalanoaʻaki mo e kau fanongó. Lāulea ki he ngaahi ʻuhinga ʻoku totonu ai ki he tokotaha kotoa ke mātuʻaki tokanga ki he polokalama ʻo e fakataha-lahí. Fakamamafaʻi ʻa e fiemaʻu ke ngāueʻaki ʻa e meʻa kuo tau akó kae ʻikai ke fanongo pē. Lāulea ki he fakatokanga ʻi ʻolunga fekauʻaki mo e meʻa ʻoku palani ki ha Fakataha Ngāue ʻi Tīsema pe ko e konga ki muʻa ʻo e 2003, ʻa ia ʻe ʻi ai ha fakamanatu ʻo e ngaahi meʻa mahuʻinga ʻi he fakataha-lahi fakavahé. Fakalototoʻaʻi ʻa e tokotaha kotoa ke hiki nouti. Fakaafeʻi ke fai ha fakamatala fekauʻaki mo e ngaahi ʻaonga naʻe maʻu mei he polokalama ʻo e taʻu kuo ʻosí.

18 min: “Anga-Fakanānā ʻi he Valá mo e Teuteú.”a Ke fai ʻe ha tokotaha mātuʻa, ʻa ia te ne lau ʻa e palakalafi taki taha hili ʻa e lāulea ki aí. Tokoniʻi ʻa e tokotaha kotoa ke ne houngaʻia ʻi he mahuʻinga ke tokanga fekauʻaki mo hotau fōtunga hāmai ʻi he kakaí.

Hiva 29 (222) mo e lotu tuku.

Uike Kamata Sepitema 16

Hiva 4 (43)

8 min: Ngaahi fanongonongo fakalotofonua. Fakamatala paʻangá. Fakalototoʻaʻi ʻa e tokotaha kotoa ke fakamanatu ʻenau nouti mei he polokalama ʻasemipilī fakasēketi fakamuimuí ʻi he teuteu ki he Fakataha Ngāue ʻo e uike hoko maí.

10 min: Ko e Hā Naʻa Tau Lavaʻi he Taʻu Kuo ʻOsí? Malanga ke fai ʻe he ʻovasia ngāué. ʻOmai ʻa e ngaahi meʻa mahuʻinga fekauʻaki mo e līpooti ʻa e fakatahaʻangá ki he taʻu fakangāue 2002. Fakaongoongoleleiʻi ʻa e tokotaha kotoa ʻi he ngaahi meʻa lelei kuo lavaʻí. Fakahangataha ki he anga ʻo e meʻa kuo lavaʻi ʻe he fakatahaʻangá ʻi he maʻu fakatahá, ʻi hono fai ʻa e ngaahi toe ʻaʻahí mo e ako Tohitapú, pea ʻi he ngāue tāimuʻa tokoní, ʻo fakahaaʻi ʻa e ngaahi fokotuʻu ʻaonga ki he laka ki muʻá. Fokotuʻu ha ngaahi taumuʻa ʻe ala aʻusiá ki he taʻu hoko maí.

13 min: “Tokoniʻi ʻa e Niʻihi Kehé Ke Nau Fakalāngilangiʻi ʻa Sihova.”b Fakatatau ki he taimí, lave ki ha poini ʻaonga ʻe taha pe ua ʻi he tohi Reasoning peesi 196-9.

14 min: Ko e Ngaahi Pole ʻOku Fehangahangai mo e Ngaahi Mātuʻa-Taʻehoá. Fakaʻekeʻeke ʻe ha tokotaha mātuʻa ha mātuʻa-taʻehoa ʻe toko taha pe toko ua (pe ko e faʻahinga ʻoku ʻikai ko e Kau Fakamoʻoni honau ngaahi hoá) ke sio angé ki he founga ʻo ʻena fekuki mo e ngaahi palopalema ʻoku felāveʻi mo hono akoʻi, akonakiʻi, mo e tataki fakalaumālie ʻena fānaú. ʻOku lava fēfē ke na tokangaʻi ʻa e ngaahi fatongia fakafāmilí pea toe lava ke ʻalu tuʻumaʻu ki he ngaahi fakatahá mo e malaʻe ngāué? Fakamamafaʻi ʻa e niʻihi ʻo e ngaahi fokotuʻu ʻoku ʻomai ʻi he tohi Fāmili Fiefiá, peesi 104-​10. Hangē ko ia ʻoku fakahaaʻi ʻi he peesi 113-​15, lave ki ha ngaahi founga ʻaonga ʻe lava ke tokoni ai ʻa e niʻihi kehé.

Hiva 19 (164) mo e lotu tuku.

Uike Kamata Sepitema 23

Hiva 18 (162)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu he peesi 6, ʻai ha tokotaha mātuʻa ke ne fakahāhā ʻa e founga ke tuʻuaki ai ʻa e Taua Leʻo ʻo ʻOkatopa 1 pea ʻai ha sevāniti fakafaifekau ke ne fakahaaʻi ʻa e founga ke tuʻuaki ai ʻa e Awake! ʻo ʻOkatopa 8. Hili ʻa e fakahāhā taki taha, toe fakamatalaʻi ʻa e sētesi kamata ʻe taha pe ua naʻe ngāueʻaki ke langaʻi ai ʻa e mahuʻingaʻia ʻa e tokotaha-ʻapí.

10 min: Ngaahi fiemaʻu fakalotofonua.

25 min: “Manavahē ki he ʻOtua, pea Tuku Kololia Kiate Ia.” (Fkh. 14:7) Malanga mo e fetalanoaʻaki mo e kau fanongó ʻo fakamanatu ʻa e polokalama ʻasemipilī fakasēketi naʻe fai lolotonga ʻa e taʻu fakangāue kuo maliu atú. Fakaafeʻi ʻa e fakatahaʻangá ke nau fakamatala ki he ngaahi poini tefito naʻe akó mo e founga naʻa nau malava ai ke ngāueʻaki fakafoʻituitui iá pe ʻi he kulupu fakafāmilí. (ʻE lava ke vaheʻi ki muʻa ʻa e ngaahi kongá.) Fakaeʻa ʻa e ngaahi konga ko eni ʻo e polokalamá: (1) “Tokoniʻi ʻa e Faʻahinga Foʻoú ke Fakatupu ʻa e Manavahē ki he ʻOtuá.” ʻE lava fēfē ke tau tokoniʻi ʻa e faʻahinga mahuʻingaʻia naʻa nau maʻu ʻa e Fakamanatú ke nau fakalakalaka pea hoko ko e kau sevāniti longomoʻui ʻa Sihova? (2) “Ko e Manavahē kia Sihová ʻOku ʻUhingá ko e Fehiʻa ki he Koví.” (w87-E 4/15 16-​18) ʻE lava fēfē ke tokoniʻi kitautolu ʻe he Palovepi 6:​16-​19 ke tau tafoki mei he ngaahi meʻa ʻoku fehiʻa ai ʻa Sihová—ʻa e pōlepolé, loí, tuli ki he ngaahi meʻa fakamatelié, fakafiefia ʻikai leleí, ngāuehalaʻaki ʻa e ʻInitanetí? (3) “ʻUnuʻunu ke Ofi Ange ki he Faʻahinga ʻOkú Ke ʻOfa Aí.” ʻOku tau ʻofa ʻia Sihova, Sīsū, ngaahi mēmipa ʻo e fāmilí, niʻihi kehe ʻi he fakatahaʻangá; ʻoku anga-fēfē hono maluʻi kitautolu mei he māmaní ʻe he ʻunuʻunu ofi kia kinautolú? (4) “Manavahē kia Sihova, ʻIkai ki he Tangatá.” Kuo anga-fēfē hono tokoniʻi koe ʻe he manavahē ki hono taʻefakahōifuaʻi ʻa Sihová ke ikuʻi ai ʻa e manavasiʻi ʻi he malangá, ke pipiki ki he ngaahi tefitoʻi moʻoni fakaʻotuá ʻi he ngāué pe ʻi he ʻapiakó, pe talitekeʻi ʻa e tenge mei ho pule ngāué ke liʻaki ʻa e ngaahi fakatahá, ngaahi ʻasemipilií, mo e ngaahi fakataha-lahí? (5) “Fai Kotoa Pē ke Ongoongolelei Ai ʻa e ʻOtuá.” (Sāme 119:37; Hep. 4:​13) Ko e hā ʻoku totonu ai ke hanga ʻe he manavahē fakaʻotuá ʻo taʻofi kitautolu mei he inu tōtuʻá, mamata ʻi he fakatātā fakalieliá, pe fai ʻa e ngaahi angahala fufū kehé? (6) “Hanganaki ʻAʻeva ʻi he Manavahē kia Sihová.” Kuo anga-fēfē hono tāpuakiʻi koe ʻe Sihova ʻi hono fakaʻatā hono laumālié ke ngāue kakato ʻi hoʻo moʻuí?​—Sāme 31:19; 33:18; 34:​9, 17; 145:19.

Hiva 26 (212) mo e lotu tuku.

Uike Kamata Sepitema 30

Hiva 8 (53)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Sepitemá.

17 min: Ko e Hā ʻOkú Ne ʻAi ke Laulōtaha ʻEtau ʻŪ Makasiní? Malanga mo e fetalanoaʻaki mo e kau fanongó. Lolotonga ʻa ʻOkatopá te tau tuʻuaki ai ʻa e Taua Leʻo mo e ʻĀ Hake! Lāulea ki he ngaahi ʻuhinga ʻoku laulōtaha ai ʻa e ʻū makasiní: (1) ʻOku nau hakeakiʻi ʻa e huafa ʻo Sihová. (2) ʻOku nau fakaʻaiʻai ʻa e tui kia Sīsuú. (3) ʻOku nau fanongonongo ʻa e Puleʻanga ʻo e ʻOtuá. (4) ʻOku nau fakahanga ʻa e tokangá ki he Tohitapú ko e mafai aofangatukú ia. (5) ʻOku nau fakamatalaʻi ʻa e fakahoko ʻo e kikite ʻa e Tohitapú. (6) ʻOku nau fakamatalaʻi ʻa e ʻuhinga moʻoni ʻo e ngaahi meʻa ʻoku hoko ʻi he māmaní. (7) ʻOku nau fakahaaʻi ʻa e founga ke fekuki ai mo e ngaahi palopalema ʻi he ʻaho ní. (8) ʻOku nau langaʻi ʻa e mahuʻingaʻia ʻa e kakai ʻi he tapa kotoa ʻo e moʻuí. (9) ʻOku nau tuʻu-ʻatā fakapolitikale. Fakahaaʻi ha fakahāhā nounou ʻe ua, ʻo fakahaaʻi taki taha ʻa e founga ʻe lava ke ngāueʻaki ai ha taha ʻo e ngaahi poini ko ení ke kamata ha fetalanoaʻakí.

18 min: “Fakahaaʻi ʻa e Houngaʻia ki he Ngaahi Koloa Fakateokalatí.”c Ke fai ʻe ha tokotaha mātuʻa. Fakakau ai ʻa e ngaahi fakamatala ki he meʻa kuo fakatokangaʻi fakalotofonuá mo e meʻa ʻe lava ke fai ʻe he fakatahaʻangá ke ngāue fakapotopoto ʻaki ai ʻetau ʻū tohí. Fakaʻaiʻai ʻa e tokotaha kotoa ke fakangatangata ʻa e kole ki he ʻū tohí ki he meʻa pē ʻoku fiemaʻu moʻoní. Manatuʻi ʻa e faingamālie ke tokoni fakapaʻanga ai ki hono poupouʻi ʻa e ngāue ʻi māmani lahí.​—Sio ki he “Vahevahe mo e Niʻihi Kehé ʻo Fakatatau ki Heʻenau Ngaahi Fiemaʻú,” ʻi he ʻEtau Ngāue Fakafaifekau ʻo e Puleʻanga ʻo Nōvema 1996, peesi 3.

Hiva 23 (200) mo e lotu tuku.

Uike Kamata ʻOkatopa 7

Hiva 9 (37)

10 min: Ngaahi fanongonongo fakalotofonua.

15 min: Tuʻu Maʻá e Moʻoní ʻi he ʻApiakó. Fakaʻekeʻeke ha tokotaha malanga kei taʻu ako ʻe toko taha pe toko ua ʻokú na ʻiloʻi ʻa e fiemaʻu ke fakangatangata ʻa e feohi mo e kaungā kalasi taʻetuí. ʻOku anga-fēfē ʻena palani ke feangai mo e ngaahi palopalema mo e fakatauele ʻoku ʻomai ʻi he ngaahi kātoanga mateakiʻi fonuá, ngaahi hulohula mo e fakatahataha fakaakó, ngaahi sipoti ʻi he ʻosi ʻa e taimi akó, mo e ʻulungaanga taʻemaʻá? Fakakau ai ʻa e ngaahi fakamatala fekauʻaki mo e ngaahi founga ʻokú na palani ai ke faifakamoʻoni ʻi he ʻapiakó.

20 min: “Fakaʻehiʻehi mei he Tuli ki he ‘Muna.’”d Hili e lāulea ki he palakalafi 4, fakakau ai ha ngaahi fakamatala ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Nōvema 1999, palakalafi 30-2. ʻI he lāulea ki he palakalafi 5, fakakau ai ʻa e ngaahi fakamatala ʻi he puha he Watchtower, ʻo ʻOkatopa 1, 1994, peesi 8. Fakataha mo e palakalafi 6, lau ʻa e palakalafi 18 ʻi he fakalahi ʻo Nōvema 1999.

Hiva 11 (85) mo e lotu tuku.

[Fakamatala ʻi lalo]