Taimi-Tēpile ki he Fakataha Ngāué

Uike Kamata Nōvema 11

Hiva 6 (45)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā kehekehe ʻo e founga ke tuʻuaki ai ʻa e Taua Leʻo ʻo Nōvema 15 mo e Awake! ʻo Nōvema 22. Fakamatalaʻi ʻi he taha ʻo e ongo fakahāhaá, ʻa e founga ʻoku fakapaʻanga ai ʻetau ngāue ʻi māmani lahí.​—Sio ki he Taua Leʻo, peesi 2 pe Awake! peesi 5.

15 min: Kau Poupou ʻo e Lotu Moʻoní—Taimi Ki Muʻá mo e Taimí Ni. Ko ha malanga makatuʻunga ʻi he Taua Leʻo ʻo Nōvema 1, 2002, peesi 26-30.

20 min: “Tokoni ki Hoʻo ʻOvasia ʻi he Ako Tohi ʻa e Fakatahaʻangá.”a Ke fakahoko ʻe ha tokotaha mātuʻa ʻa ia ko ha ʻovasia Ako Tohi ʻa e Fakatahaʻangá. ʻI he lāulea ki he palakalafi 3, fakakau ai ʻa e ngaahi fakamatala ʻi he tohi Ako Fakafaifekau, peesi 70. Fakaongoongoleleiʻi ʻa e fakatahaʻangá ʻi he ngaahi founga pau ʻoku nau poupouʻi ai ʻa e fokotuʻutuʻu ako tohí, pea tohoakiʻi anga-ʻofa ʻenau tokangá ki ha ngaahi tafaʻaki pē ʻoku fiemaʻu ke fakaleleiʻí.

Hiva 20 (93) mo e lotu tuku.

Uike Kamata Nōvema 18

Hiva 16 (143)

10 min: Ngaahi fanongonongo fakalotofonua. Fakamatala paʻangá. Lāulea ki he kiʻi puha “Meʻa Lelei ʻAupito ki he Lautohí!”

10 min: Puha Fehuʻi. Malanga ke fai ʻe ha tokotaha mātuʻa lavameʻa.

25 min: “Ngaahi ʻUluʻi Fāmili—Tauhi Maʻu ha Founga-Tuʻumaʻu Fakalaumālie Lelei.” Hili ha malanga talateu nounou makatuʻunga ʻi he palakalafi 1-3, fai ha fetalanoaʻaki mo e kau fanongó ʻi he palakalafi 4-​13. Fakatatau ki he taimí, lau ʻa e palakalafi 7, 8, 11, mo e 12. Fakakau ai ha fakaʻekeʻeke ʻo ha mātuʻa tauhi fānau ʻe toko taha pe toko ua. Ko e hā kuó ne tokoniʻi hona fāmilí ke maʻu ha founga-tuʻumaʻu maau ʻo e ngaahi ngāue fakalaumālié? Ko e hā ʻa e feinga kuo kau ki he meʻá ni? Kuo anga-fēfē ʻenau maʻu ʻaongá? Fakaʻosiʻaki ʻa e fakamatala nounou makatuʻunga ʻi he palakalafi 14.

Hiva 19 (164) mo e lotu tuku.

Uike Kamata Nōvema 25

Hiva 22 (130)

10 min: Ngaahi fanongonongo fakalotofonua. Fakahāhā ʻe ha ongo meʻa mali ʻokú na ngāue fakataha ʻi he malaʻe ngāué ʻa e founga ke ngāueʻaki ai ʻa e ngaahi fokotuʻu ʻi he peesi 8 ke tuʻuaki ʻa e ongo makasini ʻo Tīsema 1 mo e Tīsema 8. Ke fakahāhā ʻe he husepānití ʻa e Taua Leʻo, pea fakahāhā ʻe he uaifí ʻa e Awake!

15 min: “ʻAi ke ʻIloa ʻa e Moʻoni Fekauʻaki mo Sīsuú.”b Fakakau ai ʻa e fakamatala ʻi he tohi Ako Fakafaifekau, peesi 278. Fakalototoʻaʻi ʻa e tokotaha kotoa ke ʻomai ʻa e tohi akó ki he Fakataha Ngāue ʻi he uike hono hokó ki he konga “Ko ha Ako ʻOkú Ne Teuʻi Kitautolu ki he Meʻa ʻOku Mahuʻinga Tahá.”

20 min: “Fakahāhā ʻa e Mahuʻingaʻia Anga-ʻOfa ki he ‘Tamai Mate.’” Kamataʻaki ha malanga miniti ʻe tolu ʻi he vakai mai ʻa Sihova ki he tamaiki tangata mo e tamaiki fefine tamai-maté, makatuʻunga ʻi he palakalafi 1 pea ʻi he Insight, Voliume 1, peesi 816. Lāulea ki he toenga ʻo e kupú, ʻi hono ngāueʻaki ʻa e fehuʻi mo e tali. Fakamamafaʻi ʻa e ngaahi founga ʻaonga ʻe lava ke ʻomai ai ʻe he niʻihi kehé ʻa e tokoni mo e fakalototoʻá. ʻI he lāulea ki he palakalafi 3-4, fakakau ai ha fakamatala nounou ʻi he Awake!, ʻo ʻOkatopa 8, 1995, peesi 8-9.

Hiva 27 (221) mo e lotu tuku.

Uike Kamata Tīsema 2

Hiva 3 (32)

8 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Nōvemá. Fakamanatu nounou ha tuʻuaki ʻe lava ke ngāueʻaki ʻi hono tuʻuaki ʻa e tohi Moʻungaʻi Tangata.—Sio ki he ʻEtau Ngāue Fakafaifekau ʻo e Puleʻanga, ʻo Fepueli 1999, peesi 4.

12 min: Ngaahi fiemaʻu fakalotofonua.

25 min: “Ko ha Ako ʻOkú Ne Teuʻi Kitautolu ki he Meʻa ʻOku Mahuʻinga Tahá.” Fetalanoaʻaki mo e kau fanongó ke fai ʻe he ʻovasia akó. Fakalahi ʻa e faivelenga ki he polokalama ako foʻoú, ʻa ia ʻe kamata ʻi Sanuali. Tohoakiʻi ʻa e tokangá ki he ngaahi tafaʻaki ʻo e “Taimi-Tēpile ki he Ako Fakafaifekau Fakateokalati ki he 2003,” ʻi he fakalahi ʻo ʻEtau Ngāue Fakafaifekau ʻo e Puleʻanga ʻo ʻOkatopa 2002. Fakahaaʻi ʻa e ngaahi fiemaʻu ke kau ki he akó, hangē ko ia ʻoku fokotuʻu mai ʻi he tohi Ako Fakafaifekau, peesi 282, pea fakalototoʻaʻi ʻa e faʻahinga kuo teʻeki ke nau fai iá ke nau kau ki ai kapau ʻoku nau taau.

Hiva 4 (43) mo e lotu tuku.

[Fakamatala ʻi lalo]