Taimi-Tēpile ki he Fakataha Ngāué

Uike Kamata Tīsema 9

Hiva 18 (162)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻangá. ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā ʻo e founga ke tuʻuaki ʻaki ʻa e Taua Leʻo ʻo Tīsema 15 pea mo e ʻĀ Hake! ʻo ʻOkatopa-Tīsemá.

35 min: “Maʻu ʻAonga Kakato mei he Fakataha-Lahi Fakavahe ‘Kau Fanongonongo Faivelenga ʻo e Puleʻangá.’” Ke fai ʻe he faiako ʻo e Ako Taua Leʻo. Hoko atu ʻi ha talateu miniti ʻe taha, fai ha fetalanoaʻaki mo e kau fanongó ʻi he polokalama ʻo e fakataha-lahi fakavahé, ʻo ngāueʻaki ʻa e ngaahi fehuʻi ʻoku ʻoatu ʻi he kupú. Vahevahe lelei hoʻo taimí. ʻE fakakau nai ai ha ngaahi fakamatala nounou ke fakamanatu ʻa e ngaahi poini tefitó. ʻI heʻene feʻungamālié, ʻeke ki he kau fanongó ʻa e founga ʻo ʻenau ngāueʻaki ʻa e meʻa kuo nau akó pea mo e ngaahi ʻaonga ʻoku nau maʻu mei hono fai iá.

Hiva 17 (187) mo e lotu tuku.

Uike Kamata Tīsema 16

Hiva 4 (43)

12 min: Ngaahi fanongonongo fakalotofonua. Fakamatala paʻangá. Fakahaaʻi ʻa e ngaahi fokotuʻutuʻu malaʻe ngāue makehe ki Tīsema 25 mo Sanuali 1.

15 min: “Fanongonongo ʻa e Pōpoaki ʻo e Puleʻangá.”a ʻI he lāulea ki he palakalafi 3, fakakau ai ʻa e ngaahi fokotuʻu ʻi he founga ke lau hangatonu ai mei he Tohitapú ʻi hono vahevahe atu ʻa e ongoongo leleí.​—km 5/01 p. 1 pal. 2, 4.

18 min: Fua Lahi ʻi he Ngāue Lelei Kotoa Pē. Malanga, pea mo e fetalanoaʻaki mo e kau fanongó. Ke fakahoko ʻe ha mātuʻa. Fakamanatu ʻa e hisitōlia mo e fakalakalaka ʻa e fakatahaʻanga fakalotofonuá, ʻo kau ai ʻa e ngaahi ngāue ʻa ia naʻe taki atu ki he faʻu ʻo e fakatahaʻangá. Fokotuʻutuʻu ki muʻa ki ha niʻihi ʻa ia naʻe ʻi ai ʻi he taimi ko iá ke nau fakamatala ki ha ngaahi meʻa fakalototoʻa naʻe hokosia. Lāulea ki he ngaahi ʻamanaki ki ha tupu lahi ange, pea fakalototoʻaʻi ʻa e tokotaha kotoa ke nau poupouʻi faivelenga ʻa e ngaahi ngāue ʻa e fakatahaʻangá.

Hiva 11 (85) mo e lotu tuku.

Uike Kamata Tīsema 23

Hiva 12 (113)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 6, fakahāhā ʻa e founga ke tuʻuaki ʻaki ʻa e Taua Leʻo ʻo Sanuali 1 mo e Awake! ʻo Sanuali 8.

15 min: Ngaahi fiemaʻu fakalotofonua.

20 min: “ʻOkú Ke Tokoni ki ha Līpooti Tonu Matematē?”b ʻI he lāulea ki he palakalafi 2, fakakau ai ʻa e ngaahi fakamatala ʻi heʻetau tohi Our Ministry, peesi 106-8.

Hiva 26 (212) mo e lotu tuku.

Uike Kamata Tīsema 30

Hiva 23 (200)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Tīsemá. Kapau ʻe liliu ʻe hoʻo fakatahaʻangá ʻa e ngaahi taimi fakatahá ki he taʻu foʻoú, fakaʻaiʻai anga-ʻofa ʻa e tokotaha kotoa ke maʻu tuʻumaʻu ia ʻi he taimi foʻoú. Lave ki he tohi ʻe tuʻuaki ʻi Sanualí.

17 min: Fakamanatu ʻa e Tohi Lotu ki he ʻOtua. Malanga mo e fetalanoaʻaki mo e kau fanongó. Fakamatalaʻi ʻa e fokotuʻutuʻu ki he tohi foʻoú ke ngāueʻaki ko e tohi ako hono uá. (km 6/00 p. 4 pal. 5-6) Fakaafeʻi ʻa e kau fanongó ke fakamatala ki he ngaahi tafaʻaki ʻo e tohí ʻoku nau fiefia aí. Fakamamafaʻi ko e ngaahi poini ʻe niʻihi ʻo e tohí ʻoku ngāueʻaki ai ʻa e ngaahi fehuʻi mo e ngaahi konga Tohitapu ke fakaʻaiʻai ʻa e tokotaha akó ke fakakaukau loloto ki he Folofola ʻa e ʻOtuá. Fakaeʻa ʻa e fakatātā ʻoku maʻu ʻi he peesi 47-9, palakalafi 13.

18 min: Ko e Hā ʻOku ʻIkai Ai ha Tuí? Fetalanoaʻaki mo e kau fanongó. ʻOku tau faʻa fetaulaki mo e kakai ʻoku siʻi ʻenau tuí. (2 Tes. 3:2) Ke aʻu kia kinautolu mo e moʻoni fekauʻaki mo Sihová, ʻoku totonu ke tau ʻuluaki feinga ke fakapapauʻi ʻa e meʻa kuó ne tākiekina ʻenau fakakaukau fekauʻaki mo e ʻOtuá. Lāulea ki he meʻa tefito ʻe fā naʻe lave ki ai ʻi he tohi Reasoning, peesi 129-​30, ʻa ia ʻe lava ke ne taʻofi ʻa e kakaí mei hono maʻu ʻa e tuí. Fakaafeʻi ʻa e kau fanongó ke nau fakahaaʻi ʻa e fakaofiofi ʻe lava ke ngāueʻaki ʻi he tuʻunga taki taha. Fakamatalaʻi ha meʻa naʻe hokosia fekauʻaki mo ha fakaofiofi ola lelei, pe ngāueʻaki ʻa e taha ko ia ʻi he Awake! ʻo Sepitema 22, 1995, peesi 19-​20.

Hiva 6 (45) mo e lotu tuku.

Uike Kamata Sanuali 6

Hiva 9 (37)

10 min: Ngaahi fanongonongo fakalotofonua.

15 min: Ko e Faʻahinga ʻOku Nau Maʻu ʻa e Fakapotopotó Te Nau Mahinoʻi. (Tan. 12:​3, 10) Ko ha fakahāhā. ʻOku ʻeke ʻe he tokotaha mahuʻingaʻiá: “ʻOku lava fēfē ke u fakapapauʻi ʻoku mou maʻu ʻa e mahino totonu ki he meʻa ʻoku akoʻi ʻe he Tohitapú?” ʻOku fakamatalaʻi ʻe he tokotaha malangá ʻa e founga ke ngāueʻaki ai ʻa e tuʻunga-leá ʻi hono fai ʻa e fekumi faka-Tohitapú. (w96 6/1 p. 15-​16) ʻI hono ngāueʻaki ʻa e fakatātā ʻe taha pe ua mei he tohi Reasoning, peesi 112-​17, ʻokú ne fakahaaʻi ai ʻa e founga kuo tau hoko ai ʻo mahinoʻi ʻa e taumuʻa ʻa e ʻOtuá ki he māmaní ʻaki hono ʻanalaiso fakalelei ʻa e ngaahi konga Tohitapú. ʻOku fakamatala ʻa e tokotaha malangá ki he founga ʻoku lava ke ngāueʻaki ai ʻa e founga tatau ke mahinoʻi totonu ʻa e ngaahi akonaki faka-Tohitapu kehé pea fai ha ako Tohitapú.

20 min: “Manatuʻi ʻa e Faʻahinga Taʻumotuʻa Loto-Tōnungá.”c Fakakau ai ʻa e ngaahi fakamatala ʻi he Watchtower ʻo ʻAokosi 1, 1994, peesi 29. Lave ki he fokotuʻutuʻu ki he faʻahinga mahamahakí ke līpooti ʻenau taimi malaʻe ngāue ʻi he tuʻunga ko e miniti ʻe 15. Fokotuʻutuʻu ki ha tokosiʻi ke nau fakamatala ki ha ngaahi meʻa naʻe hokosia, ʻa ia ʻoku fakahaaʻi ai ʻa e founga ʻo hono ʻomai ʻa e ngaahi tāpuaki hangatonu ʻi he feohi mo e faʻahinga peheé.

Hiva 17 (187) mo e lotu tuku.

[Fakamatala ʻi lalo]