Taimi-Tēpile ki he Fakataha Ngāué

Uike Kamata ʻEpeleli 14

Hiva 22 (130)

15 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā kehekehe ʻo e founga ke tuʻuaki ai ʻa e Taua Leʻo ʻo ʻEpeleli 15 mo e Awake! ʻo ʻEpeleli 22. ʻI he fakahāhā taki taha, ʻoku totonu ke tuʻuaki fakataha ʻa e ongo makasiní, neongo ko e taha pē ʻe fakaeʻá.

10 min: Puha Fehuʻi. Malanga ke fai ʻe ha tokotaha mātuʻa.

20 min: “‘Ulo ko e Ngaahi Maamaʻanga.’”a Fakaʻosiʻaki ha malanga miniti ʻe nima makatuʻunga ʻi he Watchtower, ʻo Sune 1, 1997, peesi 14-​15, palakalafi 8-​13. Fakamamafaʻi ʻa e ʻuhinga ʻoku tau fakaʻehiʻehi ai mei ha fakapulipuli pē ʻi heʻene hoko mai ki he pōpoaki ʻo e Puleʻangá.

Hiva 23 (200) mo e lotu tuku.

Uike Kamata ʻEpeleli 21

Hiva 9 (37)

10 min: Ngaahi fanongonongo fakalotofonua. Fakamatala paʻangá.

15 min: Ngaahi fiemaʻu fakalotofonua.

20 min: “‘Tali Ia.’”b Fakakau ai ʻa e fakaʻekeʻeke ʻo ha tokotaha pe toko ua ʻokú na ngāueleleiʻaki ʻa hona tuʻunga taʻehoá ke ʻai ke laka ki muʻa ʻa e ngaahi meʻa ʻo e Puleʻangá. ʻAi ke na fakamatala ki he meʻa ʻokú ne tokoniʻi kinaua ke maʻu ai ʻa e fiemālie ʻi heʻena ngāué.

Hiva 13 (124) mo e lotu tuku.

Uike Kamata ʻEpeleli 28

Hiva 7 (51)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki ʻEpelelí. ʻI hono ngāueʻaki ʻa e ngaahi fokotuʻu ʻi he peesi 6, ʻai ha fakahāhā kehekehe ʻe ua ʻo e founga ke tuʻuaki ai ʻa e Taua Leʻo ʻo Mē 1 mo e Awake! ʻo Mē 8.

15 min: “Fiemaʻu ki Heʻetau Ngāue Fakafaifekaú ʻa e Fakapotopoto Faka-Kalisitiané.” Malanga mo e fetalanoaʻaki mo e kau fanongó. Tānaki atu ki ai, fai ha fakahāhā ʻa e meʻa ʻe lava ke fai ʻi haʻo fetaulaki mo ha tokotaha ʻokú ne langaʻi ha fakakikihi taʻefakatohitapu. Ngāueʻaki ʻa e tohi Reasoning ke tokoni ʻi hono fakahoko ʻa e meʻa ko ení: Neongo ʻoku tau vakai ki he maté ko ha fili ʻa ia ʻe ikunaʻi fakafou ʻi he huhuʻi ʻa Kalaisí, ʻoku tuipau ʻa e niʻihi kehé ʻe ʻikai ha meʻa te ne fakangata ʻa e ola ko iá, naʻa mo ʻenau tui ki he fakakaukau hala ʻo e toe fanauʻi sino foʻoú. Lāulea ki he ngaahi tali ʻoku ʻomai ʻi he tohi Reasoning ʻi he tuʻunga “If Someone Says​—” ʻi he peesi 103-4 mo e 321. Fakalototoʻaʻi ʻa e tokotaha kotoa ke ʻave ʻa e tohí ʻi he malaʻe fakafaifekaú.

20 min: “Iku ʻa e Ngaahi Toe ʻAʻahí ki he Ngaahi Ako Tohitapu.”c Ke fai ʻe ha tokotaha mātuʻa, ʻo ngāueʻaki ʻa e fehuʻi ʻoku ʻomaí. Fakaafeʻi ʻa e kau fanongó ke nau fakakau ai ʻa e ngaahi meʻa nounou naʻe hokosia ʻi he malaʻe ngāué ʻa ē ʻoku poupou ki he poini ʻoku ʻomaí. ʻI he lāulea ki he palakalafi 5, fai hano fakatātaaʻi ha meʻa naʻe hokosia ʻi he feituʻu ngāue fakalotofonuá ʻa ia naʻe kamata ai ha ako Tohitapu.

Hiva 23 (200) mo e lotu tuku.

Uike Kamata Mē 5

Hiva 13 (124)

10 min: Ngaahi fanongonongo fakalotofonua.

20 min: “Tofa Totonu ʻa e Folofola ʻa e ʻOtuá.”d Fakakau ai ha fakahāhā moʻoni ʻo e tuʻuaki ʻi he palakalafi 4. Kole ki he kau fanongó ke nau fakamatala ki he ʻuhinga ʻoku nau ongoʻi ai ko hono ngāueʻaki ʻa e Tohitapú te ne ʻai ke ola lelei lahi ange ai ʻa e faifakamoʻoní.

15 min: Ko ha Līpooti Lelei—Ko ha ʻUhinga Ia ki he Fiefiá. (Pal. 15:30) Fetalanoaʻaki mo e kau fanongó ʻo fakahaaʻi ʻa e meʻa kuo lavaʻi ʻe he fakatahaʻangá ko ha ola ia ʻo e feinga makehe naʻe fai ʻi he lolotonga ʻo Maʻasi mo ʻEpelelí. Fakaafeʻi ʻa e fakatahaʻangá ke nau fakamatala ki he ngaahi meʻa fakalototoʻa naʻa nau hokosia ʻi he ngaahi tafaʻaki ko ení: (1) tokoniʻi ha tokotaha mahuʻingaʻia ke ne maʻu ʻa e Fakamanatú, (2) ngāue ko ha tāimuʻa tokoni, (3) fakalototoʻaʻi ha tokotaha malanga ʻikai longomoʻui ke ne toe ngāue fakataha mo e fakatahaʻangá, (4) tokoniʻi ha tokotaha foʻou ke ne kamata malanga, mo e (5) fakatupulekina ʻa e mahuʻingaʻia ʻa e faʻahinga naʻa nau maʻu ʻa e Fakamanatú. Fokotuʻutuʻu ki muʻa ʻa e niʻihi ʻo e ngaahi fakamatala ko ení. Fai ha fakaongoongolelei, pea fakalototoʻaʻi ʻa e tokotaha kotoa ke kītaki ʻi he ngaahi feingá ni ʻi he kahaʻú.

Hiva 18 (162) mo e lotu tuku.

[Fakamatala ʻi lalo]