Taimi-Tēpile ki he Fakataha Ngāué

Uike Kamata Sune 9

Hiva 11 (85)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā kehekehe ʻe ua ʻo e founga ke tuʻuaki ai ʻa e Taua Leʻo ʻo Sune 15 mo e Awake! ʻo Sune 22. ʻI he tuʻunga taki taha, ʻoku totonu ke tuʻuaki fakatouʻosi ai ʻa e ongo makasiní ko ha seti, neongo ko e taha pē ʻe fakaʻaliʻalí. Fakakau ha konga Tohitapu ʻi he fakahāhā taki taha.

15 min: “Ko e Ngāue Fakafaifekau Faka-Kalisitiané—ʻEtau Ngāue Tefitó.”a Fakaʻaiʻai ʻa e toʻutupú ke nau fakakaukau ki he ngaahi tāpuaki ʻe lava ke nau fiefia ai ʻi he hū ki he ngāue taimi-kakató. Fakakau ai ʻa e lau ʻi he fakamatala ʻi lalo ʻi he kaveinga tokoni “Taimi ʻOku Fepaki Ai ʻa e Tōʻonga Fakafonuá mo e Konisēnisí,” ʻi he Taua Leʻo ʻo Nōvema 1, 2000, peesi 19-​20.

20 min: “Mālōloó—Ko ha Matapā Ia ke Fakalahi Ai ʻa e Ngāué?”b Kapau ʻe ala lava, fakakau ai ha fakaʻekeʻeke nounou ʻo ha tokotaha malanga ʻa ia kuó ne ngāueʻaki ʻa e mālōlō mei he ngāue fakamāmaní ke fai ai ʻa e meʻa lahi ange ʻi he ngāue ʻa Sihová. ʻEke ʻa e ngaahi feʻunuʻaki kuó ne faí pea mo e ngaahi tāpuaki kuó ne hokosia tupu mei aí.

Hiva 6 (45) mo e lotu tuku.

Uike Kamata Sune 16

Hiva 9 (37)

8 min: Ngaahi fanongonongo fakalotofonua. Fakamatala paʻangá.

12 min: Ngaahi fiemaʻu fakalotofonua.

25 min: “Tōtōivi ʻi he ‘Fai ʻa e Fakamoʻoni Fakaʻāulilikí.’”c Ngāueʻaki ʻa e ngaahi fehuʻi ʻoku ʻoatú. Hili ʻa e lāulea ki he palakalafi 5 mo e 6, fakakau ai ha fakahāhā nounou ʻo e faifakamoʻoni ʻi he founga ʻikai anga-mahení ki ha tokotaha ngāue ʻi ha falekoloa pea tuʻuaki ʻa e tuleki Te Ke Saiʻia ke ʻIlo Lahi Ange ki he Tohitapú? Ki muʻa ke lāulea ki he palakalafi 7 mo e 8, lau leʻo-lahi kinaua. ʻI he fakaʻosí, lau pea lāulea ki he puha “ʻOua ʻe Fakangaloʻi Kinautolu!”

Hiva 11 (85) mo e lotu tuku.

Uike Kamata Sune 23

Hiva 13 (124)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā kehekehe ʻe ua ʻo e founga ke tuʻuaki ai ʻa e Taua Leʻo ʻo Siulai 1 mo e ʻĀ Hake! ʻo Siulai-Sepitema. ʻI he tuʻunga taki taha, ʻoku totonu ke tuʻuaki fakatouʻosi ai ʻa e ongo makasiní ko ha seti, neongo ko e taha pē ʻe fakaʻaliʻalí. ʻI he taha ʻo e ongo fakahāhaá, fakahaaʻi ai ʻoku kau ʻa e tokotaha malangá ʻi he faifakamoʻoni he halá.

20 min: Ko e Hā ʻe Lava ke Fai Fekauʻaki mo e Loto-Siʻí? Ko ha malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Nōvema 15, 1999, peesi 28-9, ke aʻu pea fakakau ai ʻa e kaveinga tokoni “Tauhi Maʻu ha Fakakaukau Lelei.” Fakamanatu ʻa e ngaahi fokotuʻu ʻaongá fakataha mo e akonaki Fakatohitapú. Fokotuʻutuʻu ki muʻa ki ha tokotaha malanga ʻe taha pe ua ke na fakamatalaʻi ʻa e meʻa ʻokú ne tokoniʻi kinaua ke tauhi maʻu ai ʻa e fiefia ʻi heʻena ngāue fakafaifekaú.

15 min: “Malanga ʻi ha Māmani Feliliuaki Hokohoko.”d ʻI he lāulea ki he palakalafi 2-3, ʻeke ki he kau fanongó ʻa e ngaahi meʻa ʻoku lolotonga hoko ʻa ia ʻe lava ke ngāueʻaki ke kamata ha ngaahi fetalanoaʻaki ʻi he feituʻu fakalotofonuá. ʻI he lāulea ki he palakalafi 4, ʻai ha fakahāhā nounou, ʻo ngāueʻaki ʻa e taha ʻo e ngaahi fokotuʻu naʻe lave ki aí.

Hiva 2 (15) mo e lotu tuku.

Uike Kamata Sune 30

Hiva 25 (204)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Suné. Fakamanatu ʻa e tohi ʻoku tuʻuaki ʻi Siulai mo ʻAokosí. Fakamamafaʻi ʻa e polosiua ʻe ua ʻoku maʻu fakalotofonua ʻi he sitoká. ʻAi ha ongo fakahāhā teuteuʻi lelei ʻo e founga ke tuʻuaki ai ia ʻi he ngāue fakafaifekaú. ʻI he ngaahi fokotuʻu kuo fokotuʻu maí, sio ki he ʻEtau Ngāue Fakafaifekau ʻo e Puleʻanga ʻo Siulai 1998, peesi 8. ʻE lava ke maʻu ʻa e ngaahi tuʻuaki lahi ange ʻi he Watch Tower Publications Index ʻi lalo ʻi he “Presentations” pea mo e kaveinga tokoni ʻi loto-mālie ko e “List by Publication.”

15 min: “Faingataʻaʻia Fakasino​—Ka ʻOku Fua Lahi.”e Fakakau ai ha fakamatala ʻo e founga ʻe lava ke tokoniʻi ai ʻa e niʻihi kehé, makatuʻunga ʻi he Awake! ʻo ʻAokosi 22, 1990, peesi 22-3, ʻi lalo ʻi he kaveinga tokoni “Ko e Hā ʻe Lava ke Faí?”

20 min: Ngāueʻaki Ola Lelei ʻa e Folofola ʻa e ʻOtuá ke Malangaʻi ʻa e Puleʻangá. Fetalanoaʻaki mo e kau fanongó ke fakahoko ʻe he ʻovasia ngāué. Ki he tokotaha taki taha ʻoku tau fetaulaki mo ia ʻi heʻetau ngāue fakafaifekaú, ʻoku tau feinga ke vahevahe ha fakakaukau Fakatohitapu fakatupu langa hake fekauʻaki mo e Puleʻangá. Kae kehe, ʻoku fiemaʻu ke tau fai ʻa e meʻa lahi ange ʻi hono lau pē ʻa e ngaahi konga Tohitapú. ʻOku fiemaʻu ke tau fakamatalaʻi, fakatātaaʻi, pea ngāueʻaki ia. Fakahaaʻi ʻa e founga ʻe lava ke fai ai ení, ʻo ngāueʻaki ko ha ngaahi fakatātā ʻa e niʻihi ʻo e ngaahi konga Tohitapu ʻoku lave ki ai ʻi he tohi Reasoning, peesi 154-5, ʻi lalo ʻi he kaveinga tokoni tohiʻi fakaʻītali ko e “ʻOku ʻikai ʻomai ʻe he kau pule fakaetangatá ʻa e ngaahi meʻa ʻoku fiemaʻu fakavavevave ʻe he faʻahinga ʻo e tangatá.” ʻI he ʻosi ʻa e fetalanoaʻakí, ʻai ha tokotaha malanga teuteu lelei ke ne fakahāhā ʻa e founga ke ngāueʻaki ola lelei ai ha konga Tohitapu ʻe taha ʻi ha toe ʻaʻahi, ʻi hono fai ha fakamatala nounou, ko ha fakatātā faingofua, mo hano ngāueʻaki nounou ʻa ia ʻoku fakahaaʻi ai ki he tokotaha-ʻapí ʻa e founga ʻe ʻaonga fakafoʻituitui ai ʻa e pule ʻa e Puleʻangá kiate iá. Kamata ʻa e fakahāhaá ʻaki hono ʻai ʻa e tokotaha malangá ke ne lau ha konga Tohitapu. ʻI he ʻosi ʻa e fakahāhaá, fakamanatu ʻa e founga naʻe fakamatalaʻi ai, fakatātaaʻi, pea ngāueʻaki ʻa e konga tohí. Fakalototoʻaʻi ʻa e tokotaha kotoa ke ne fakatupulekina ʻa e malava ke ngāueʻaki ola lelei ʻa e Folofola ʻa e ʻOtuá.

Hiva 12 (113) mo e lotu tuku.

Uike Kamata Siulai 7

Hiva 26 (212)

5 min: Ngaahi fanongonongo fakalotofonua.

15 min: Ngaahi meʻa naʻe hokosia fakalotofonua. Fakamatalaʻi pe toe fakatātaaʻi ʻa e ngaahi meʻa naʻe hokosia ʻe he kau malanga fakalotofonuá ʻi he taimi ʻo e (1) faifakamoʻoni ki he ngaahi kulupu fakafaʻahinga kehekehe pe ko e kakai ʻoku lea ʻi he ngaahi lea kehé pe (2) faifakamoʻoni ʻi he ngaahi fokotuʻutuʻu kehe ia mei he ngāue fale ki he falé mo e ngāue ʻi he halá. Fakalototoʻaʻi ʻa e tokotaha kotoa ke ngāueleleiʻaki ʻa e kiʻi tohi Good News for All Nations mo e foomu Please Follow Up (S-43) ʻi he taimi ʻoku nau fetaulaki ai mo e faʻahinga ʻoku lea ʻi ha toe lea kehé.​—Sio ki he Our Kingdom Ministry ʻo Sepitema 1999, ʻi he Fanongonongo, he peesi 2.

25 min: “ʻAi ke ʻIloa ʻa e Huafa Fakaʻotuá.”f Ngāueʻaki ʻa e ngaahi fehuʻi ʻoku ʻoatú. ʻI he lāulea ki he palakalafi 4, fakakau ai ʻa e fakamatala ʻi he puha “Ko Hono ʻAi ke ʻIloa ʻa e Huafa ʻo e ʻOtuá,” ʻoku maʻu ʻi he peesi 124 ʻo e tohi Proclaimers. ʻAi ha tokotaha malanga lavameʻa ke ne fakahāhā ha toe ʻaʻahi. ʻI hono ngāueʻaki ha konga Tohitapu ʻe ua pe tolu mei he tohi Reasoning, peesi 196-7, fakahaaʻi ʻa e ʻuhinga ʻoku mahuʻinga ai ke ʻiloʻi mo ngāueʻaki ʻa e huafa fakafoʻituitui ʻo e ʻOtuá.

Hiva 6 (45) mo e lotu tuku.

[Fakamatala ʻi lalo]