Taimi-Tēpile ki he Fakataha Ngāué

Uike Kamata Siulai 14

Hiva 4 (43)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakakau ai ha fakamatala ki he “‘Malo’!” ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā moʻoni ʻo e founga ʻe lava ke tuʻuaki ʻaki ʻa e Taua Leʻo ʻo Siulai 15 mo e Awake! ʻo Siulai 22 ʻi he feituʻu ngāue ʻa e fakatahaʻangá. ʻI he tuʻuaki taki taha, ʻoku totonu ke tuʻuaki fakatouʻosi ai ʻa e ongo makasiní ko ha seti, neongo ko e taha pē ʻe fakaʻaliʻalí.

15 min: ʻOku Anga-Fēfē Hono Fakakoloa ʻEtau Moʻuí ʻe he Lotu kia Sihová? Fetalanoaʻaki mo e kau fanongó. Ko e lotu moʻoní ʻa e kī ki ha moʻui fiefia mo mohu ʻuhingá. (1) ʻOkú ne tokoniʻi kitautolu ke tau fekuki ai mo e ngaahi palopalema mo e loto-moʻua ʻo e moʻuí. (Fili. 4:​6, 7) (2) ʻOkú ne fakalototoʻaʻi kitautolu ke fakatupulekina ʻa e ngaahi ʻulungaanga fakaʻotuá. (2 Pita 1:​5-8) (3) ʻOkú ne tokoniʻi kitautolu ke ngāueʻaki hotau taimí mo e koloá ʻi he founga ʻaonga tahá. (1 Tim. 6:​17-​19) (4) ʻOkú ne tokonaki mai ha ʻamanaki papau ki he kahaʻú. (2 Pita 3:​13) (5) ʻOkú ne fakaivia kitautolu ke tau malava ʻo fakatupulekina ha vahaʻangatae fekoekoeʻi mo Sihova. (Sem. 4:8) Fakahoa ia mo e ʻikai maʻu ʻa e ngaahi meʻá ni ʻi he lotolotonga ʻo e faʻahinga ʻoku ʻikai te nau ʻilo pe tauhi kia Sihová.

20 min: “Houngaʻia ʻi he Meesi ʻa e ʻOtuá.”a ʻI he lāulea ki he palakalafi 3, tuʻuaki ha ngaahi fokotuʻu ki hono kamata ha tufaʻanga makasini pau, makatuʻunga ʻi he ʻEtau Ngāue Fakafaifekau ʻo e Puleʻanga ʻo ʻOkatopa 1998, peesi 8. ʻEke ki ha tokotaha malanga ʻe toko taha pe toko ua ʻa e founga kuó na ʻiloʻi ʻoku ola lelei ʻi hono kamata ʻa e ngaahi ako Tohitapú. Fakalototoʻaʻi ʻa e tokotaha kotoa ke ʻai ia ko ʻenau taumuʻa ke kamata pea fai ha ako Tohitapu.​—om-E p. 91.

Hiva 11 (85) mo e lotu tuku.

Uike Kamata Siulai 21

Hiva 15 (127)

10 min: Ngaahi fanongonongo fakalotofonua. Fakamatala paʻangá.

10 min “Polokalama ʻAsemipilī Fakasēketi Foʻou.” Malanga mo e fetalanoaʻaki mo e kau fanongó. Fanongonongo ʻa e ʻaho ʻo e ʻasemipilī fakasēketi hoko maí. Kapau ʻe fai ʻe he fakatahaʻangá ʻa ʻene ʻasemipilií ʻi he ngaahi māhina siʻi ka hoko maí, fakahaaʻi ko e faʻahinga ʻoku nau fakaʻamu ke papitaisó ʻoku totonu ke nau fakahā ia ki he ʻovasia tauhí. Fakalototoʻaʻi ʻa e tokotaha kotoa ke fai ha feinga makehe ke fakaafeʻi ʻa e kau ako Tohitapú pea ke ʻi ai ʻi he konga kotoa pē.

25 min: Faʻifaʻitaki ki Heʻenau Loto-Toʻa ʻi he Malangá. Fetalanoaʻaki mo e kau fanongó makatuʻunga ʻi he tohi Lotu ki he ʻOtua, peesi 170-1. Fakaafeʻi ʻa e kau fanongó ke nau tali ʻa e ngaahi fehuʻi ʻoku ʻomai ʻi he palakalafi 7 pea ke fakakau ʻa e ngaahi konga Tohitapu ʻoku haá ʻi heʻenau talí. Lau ʻa e ngaahi konga tohi kuo filifili. Fakamamafaʻi ʻa e ngaahi lēsoni ʻoku tau ako mei he ngaahi fakamatalá ni mo e founga te nau tokoniʻi ai kitautolu ke maʻu ha vakai totonu ki hotau vāhenga-ngāue ke malangá.

Hiva 23 (200) mo e lotu tuku.

Uike Kamata Siulai 28

Hiva 6 (45)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Siulaí. ʻI hono ngāueʻaki ʻa e ngaahi fokotuʻu ʻi he peesi 8, ʻai ha ongo fakahāhā mavahevahe ʻe ua ʻo e founga ke tuʻuaki ai ʻa e Taua Leʻo ʻo ʻAokosi 1 mo e Awake! ʻo ʻAokosi 8. ʻI he tuʻuaki taki taha, ʻoku totonu ke tuʻuaki ai ʻa e ongo makasiní ko ha seti, neongo ko e taha pē ʻe fakaʻaliʻalí. ʻI he taha ʻo e ongo fakahāhaá, fakahaaʻi ai ʻoku faifakamoʻoni ʻa e tokotaha malangá ʻi he founga ʻikai anga-mahení.

15 min: Lāulea ki he “Ngaʻunu ki Muʻa ʻa e Polokalama Langa Fale Fakatahaʻangá.” Fakahaaʻi ko e langa ʻo e ngaahi Fale Fakatahaʻangá fakatouʻosi ʻi he ngaahi fonua ʻoku fakangatangata ai ʻenau koloá pea ʻi he feituʻu vaʻa fakalotofonuá ʻoku poupouʻi ia ʻaki ʻa e ngaahi meʻaʻofa ki he Paʻanga Fale Fakatahaʻangá.

20 min: “Ko e Faifakamoʻoni Fakakulupú ʻOku ʻOmai Ai ʻa e Fiefia.”b ʻI he lāulea ki he palakalafi 3, fakakau ai ʻa e fakamatala ʻi he Puha Fehuʻi ʻi he ʻEtau Ngāue Fakafaifekau ʻo e Puleʻanga ʻo Sepitema 2001. Fakaʻekeʻeke nounou ha ʻovasia Ako Tohi ʻa e Fakatahaʻangá. ʻEke fekauʻaki mo e ngaahi fokotuʻutuʻu malaʻe ngāue kuó ne fai ki heʻene kulupu ako tohí pea mo e anga ʻo e maʻu ʻaonga ʻa e kulupú mei he faifakamoʻoni fakatahá.

Hiva 13 (124) mo e lotu tuku.

Uike Kamata ʻAokosi 4

Hiva 23 (200)

10 min: Ngaahi fanongonongo fakalotofonua. Lave ki he tohi ʻoku tuʻuaki ʻi he māhiná. Fakahāhā ha tuʻuaki nounou ʻe taha pe ua ʻe lava ke ngāueʻaki.

20 min: “Tuʻuaki ʻa e ʻŪ Tohí ʻi he Feituʻu Lea Kehekehé.”c Ngāueʻaki ʻa e ngaahi fehuʻi ʻoku ʻoatú. ʻI he lāulea ki he palakalafi 3, fakahāhā ha tuʻuaki faingofua ʻi ha lea muli ʻa ia ʻoku leaʻaki ʻi he feituʻu fakalotofonuá pea mo e feituʻu ʻoku ʻikai ha fakatahaʻanga ʻi he lea ko iá.​—km 7/02 p. 1 pal. 4.

15 min: Fakahīkihikiʻi ʻe he Fānaú ʻa Sihova! Malanga ʻo kau ai ʻa e fetalanoaʻaki mo e kau fanongó pea mo e ngaahi fakaʻekeʻeke. ʻOku tau fiefia he fanongo ki he fānaú ʻoku nau fai ʻa e ngaahi tali teuteuʻi lelei ʻi he ngaahi fakatahá. Ko ʻenau faivelenga mo e fakalakalaka ʻi he Ako Fakafaifekau Fakateokalatí ko ha meʻa fakafiefia ia. ʻOku nau fakahāhā ʻa e tui moʻoní ʻi heʻenau fai ʻa e fakamoʻoni lelei ʻi heʻenau ngāue fakafaifekaú. Ko ʻenau ʻulungaanga fakaʻotuá ʻoku fakalāngilangiʻi ai ʻa Sihova. (yb88-E p. 53-4) Ko ʻenau fakalakalaka fakalaumālié ʻoku fakatoka ai ha makatuʻunga ki he ngaahi monū ʻi he kahaʻú. Fakaʻekeʻeke nounou ʻa e toʻutupu Kalisitiane ʻe toko ua pe toko tolu ʻa ia ʻoku nau fiefia ʻi he kau tuʻumaʻu ʻi he ngaahi ngāue ʻa e fakatahaʻangá. Fakaongoongoleleiʻi loto-māfana ʻa e toʻutupu ʻi he fakatahaʻangá ʻi heʻenau ngaahi feinga lelei ke fakahīkihikiʻi ʻa Sihová.

Hiva 11 (85) mo e lotu tuku.

[Fakamatala ʻi lalo]