Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻAokosi 25, 2003. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Siulai 7 ki ʻAokosi 25, 2003. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí. —Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻa e ngaahi ʻaonga ʻoku hoko ʻi hono fokotuʻu ha fetuʻutaki ʻaki ʻa e matá lolotonga ʻa e kau ʻi he ngāue fakafaifekaú? [be p. 125 pal. 1-2; p. 125 puha]
2. Kapau ʻokú ke manavasiʻi ki muʻa ke kau ʻi he ngāue fakafaifekaú, ko e hā ʻe lava ke tokoní? [be p. 128 pal. 4-5]
3. Ko e hā te ne tokoniʻi koe ke ke lea ʻi ha founga fakanatula mo anga-fakafetalanoaʻaki ʻi hono fakahoko ha malanga mei he peletifōmú? [be p. 129 pal. 2; p. 129 puha]
4. Ko e hā ʻa e ola ʻoku totonu ke hanga ʻe he ngaahi tefitoʻi moʻoni ʻoku maʻu ʻi he Livitiko 16:4, 24, 26, 28; Sione 13:10; mo e Fakahā 19:8 ʻo fai ki hotau fōtunga fakafoʻituituí, pea ko e hā ʻoku mahuʻinga ai ení? [be p. 131 pal. 3; p. 131 puha]
5. Fakamatalaʻi ha taha ʻa ia ʻoku anga-fakanānā pea “fakakaukau lelei.” (1 Tim. 2:9, 10, NW) [be p. 132 pal. 1]
KONGA FIKA 1
6. Neongo ko e kau Kalisitiané kuo pau ke nau fekātakiʻaki, ko e hā ʻoku ʻikai ke makātakiʻi ʻi honau lotolotongá? (Kol. 3:13)
7. Moʻoni pe Loi: Ko ha mataʻifika ʻōtinale ko ha mataʻifika kakato ia. Fakamatalaʻi. [bsi99-2 p. 15-16 pal. 24-5]
8. Ko e hā ʻa e fakaueʻiloto maʻa taha ʻoku lava ke tau maʻu mei hono lau ʻa e Folofola ʻa e ʻOtuá, pea ko e hā ʻoku mahuʻinga ai ʻa hono maʻu ʻa e fakaueʻiloto peheé? [be p. 24 pal. 1]
9. ʻOku anga-fēfē ʻa e “faʻoaki ʻilo” ʻa ha tokotaha poto? (Pal. 10:14)
10. Ko e hā ʻoku taau ai ke fakatokangaʻi ʻa e ngaahi tōʻonga lelei ʻa Siopé? (Siope 1:1, 8; 2:3
LAU TOHITAPU FAKAUIKE
11. Naʻe anga-fēfē ʻa e malava ʻa e kau mēmipa ʻo e kulupu pulé ke nau aʻu ʻo “loto taha” naʻe ʻikai fiemaʻu ke kamu ʻa e kau tui Senitailé koeʻuhi ka nau maʻu ʻa e fakamoʻuí? (Ng. 15:25)
12. Naʻe lava fēfē ke fiemaʻu ʻe he kulupu pulé ke fakahoko ʻe Paula ʻa e ngaahi tuʻunga ʻe niʻihi ʻo e Lao ʻa Mōsesé ʻi he taimi ne ʻosi kaniseli ai ʻe Sihova ʻa e Lao ko iá? (Ng. 21:20-26)
13. Ko e hā ʻa e ngaahi tukuakiʻi loi naʻe fai ki he ʻapositolo ko Paulá, ʻoku fakamanatu mai ai kia kitautolu ʻa e ngaahi fakamatala naʻe fai ki he Kau Fakamoʻoni ʻa Sihová ʻi he ngaahi taimi ki mui ní? (Ng. 24:5, 6) [w01 12/15 p. 22 pal. 7–p. 23 pal. 2]
14. Naʻe anga-fēfē hono fokotuʻu ʻe Paula ha faʻifaʻitakiʻanga ʻi he tuʻunga ko ha tokotaha fanongonongo ʻo e Puleʻangá naʻa mo ʻene ʻi he malumalu ʻo e pōpula tuku faleʻi ʻi he taʻu ʻe uá? (Ng. 28:30, 31)
15. ʻI he founga fē ʻoku hoko ai ʻa e “ngaahi pule ʻoku maʻolunga” ko e konga ʻo e “fokotuʻu ʻe he ʻOtua,” pea ʻoku totonu ke fēfē hono uesia ʻe he meʻá ni ʻa e kau Kalisitiané? (Loma 13:1, 2)