Fanongonongo

◼ Tohi ke tuʻuaki ʻi ʻAokosi: ʻE lava ke ngāueʻaki nai ha polosiua peesi ʻe 32 pē ʻoku feʻungamālié. Sepitema: Ko e Fakapulipuli ʻo e Fāmili Fiefiá. ʻOkatopa: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI he fakahaaʻi ha mahuʻingaʻia, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohitapu. Nōvema: Tuʻuaki ʻa e tohi ʻIlo pe ko e polosiua Fiemaʻu. Kapau kuo ʻosi maʻu ʻe he faʻahinga ʻi he ʻapí ʻa e ongo tohí ni, tuʻuaki ʻa e tohi Lotu ki he ʻOtua pe ko ha tohi motuʻa ange.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē ia. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2003, pe ofi ki ai ʻo kapau ʻe malava. Ko e fakamatala ko ení ʻoku meimei tatau ia mo e fakamatala paʻanga totonu ʻoku fai ʻi he māhina taki taha ʻe he kouʻotineita ki he ngaahi tohí, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻe lava ke maʻu ia mei he (kau) sevāniti makasiní. ʻOku totonu ki he sekelitali ʻo e fakatahaʻanga tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú. Ko e fakatahaʻanga tokangaʻi ʻū tohi taki taha te ne maʻu ʻa e foomu Literature Inventory (S-18) ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá ʻo ʻoua ʻe toe tōmui ange ʻi Sepitema 6. Tauhi ha tatau ki hoʻo ngaahi failé. ʻE ngāueʻaki nai ʻa e tatau hono tolú ko ha pepa ngāue.

◼ Ko e ngaahi houa eni ke ʻaʻahi ai ki he ngaahi fale Pētelí: Mōnite ki he Falaite 9:30 pongipongi ki he 11:00 pongipongi mo e 1:30 efiafi ki he 3:30 efiafi. Tokonaki 9:30 pongipongi ki he 11:00 pongipongi.

◼ ʻOku totonu ke kamata kole ʻe he ngaahi fakatahaʻangá ʻa e 2004 Calendar of Jehovah’s Witnesses, Ko Hono Vakaiʻi Fakaʻaho ʻa e Tohitapú​—2004, mo e 2004 Yearbook of Jehovah’s Witnesses ʻi heʻenau kole tohi hokó. Ko ha lisi ʻo e ʻū lea ʻa ia ʻoku ala maʻu ai ʻa e ngaahi tohí ni ʻe hā atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi ki he fakatahaʻanga kotoa pē ʻi he taimi ki he taimi.