Taimi-Tēpile ki he Fakataha Ngāué

Uike Kamata Sepitema 8

Hiva 12 (113)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke fakamanatu ʻenau ngaahi nouti mei he polokalama ʻasemipilī fakasēketi ki he taʻu fakangāue kuohilí ʻi he teuteu ki he Fakataha Ngāue ʻo e uike hoko maí. ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā mavahevahe moʻoni ʻe ua ʻo e founga ke tuʻuaki ai ʻa e Taua Leʻo ʻo Sepitema 15 mo e Awake! ʻo Sepitema 22. ʻI ha tuʻuaki ʻe taha, fakahaaʻi ai ha tokotaha ako pe ko ha mātuʻa tauhi fānau ʻoku faifakamoʻoni ki ha faiako.

10 min: Tohi ʻa e Vaʻá. Ko ha fetalanoaʻaki ʻi he vahaʻa ʻo ha tokotaha malanga fuoloa, ʻoku lelei ke ngāueʻaki ha tokotaha mātuʻa, pea mo ha tokotaha malanga kei siʻi ange. Ko e tokotaha malanga kei siʻi angé ʻokú ne ʻeke pe kuo sio ʻa e tokotaha malanga taukeí ʻi he tohi mei he ʻōfisi vaʻá ʻi he ʻEtau Ngāue Fakafaifekau ʻo e Puleʻanga. ʻOku fakamatala ʻa e tokotaha malanga taukeí ko e tohi ʻa e vaʻá ko ha faʻunga ia ʻo ʻEtau Ngāue Fakafaifekau ʻo e Puleʻanga lolotonga ʻa e 1960 tupú mo e 1970 tupú. ʻOkú na lāulea leva ki he tohi ʻi he peesi ʻi muʻá, ʻo fakamamafaʻi ʻa e ngaahi poini tefitó.

25 min: “Kau Talavou​—Langa Hake ha Makatuʻunga Lelei ki he Kahaʻú.”a Ke fai ʻe ha tokotaha mātuʻa, ʻo ngāueʻaki ʻa e ngaahi fehuʻi ʻoku ʻoatú. ʻI he lāulea ki he palakalafi 5, fakamamafaʻi ʻa e ngaahi fiefia mo e tāpuaki ʻo e ngāue taimi-kakató.

Hiva 5 (46) mo e lotu tuku.

Uike Kamata Sepitema 15

Hiva 7 (51) 

8 min: Ngaahi fanongonongo fakalotofonua. Fakamatala paʻangá.

12 min: Ngaahi fiemaʻu fakalotofonua.

25 min: “Falala Koe kia Sihova, ʻo Fai Lelei.” (Sāme 37:3) Fetalanoaʻaki mo e kau fanongó makatuʻunga ʻi he ngaahi fehuʻi ko ení, ʻa ia ʻoku fakamamafaʻi ai ʻa e ngaahi poini tefito ʻo e polokalama ʻasemipilī fakasēketi ki he taʻu fakangāue kuohilí. Fakaafeʻi ʻa e kau fanongó ke fakakau mai ai ʻa e ngaahi fakamatala ki he founga naʻa nau malava ai ke ngāueʻaki fakafoʻituitui pe ʻi he tuʻunga ko e ngaahi kulupu fakafāmilí ʻa e ngaahi poini tefitó. Fakaeʻa ʻa e ngaahi konga ko eni ʻo e polokalamá: (1) “Fakahāhā ʻa e Falala kia Sihova.” Ko e hā ʻoku mātuʻaki mahuʻinga ai ke fakahāhā ʻa e falala kia Sihova ʻi he tafaʻaki kotoa ʻo e moʻuí? (it-2-E p. 521) ʻE lava fēfē ke tokoniʻi kitautolu ʻe he Watch Tower Publications Index? (2) “Maluʻi mei he Ngaahi Muna ʻo e Moʻuí.” (Koh. 2:​4-8, 11) Ko e hā ʻa e ngaahi ngāue muna kuo pau ke tau leʻohi kitautolu mei aí, pea ʻe lava fēfē ke tau fai ia? (3) “Fakaʻehiʻehi mei he Koví​—Hoko ko e Kau Failelei.” Ko e hā ʻoku mātuʻaki mahuʻinga ai ke pipiki ki he ngaahi tuʻunga ʻa Sihová? (Ai. 5:​20) Ko e hā ʻa e ngaahi ngāue lelei ʻoku totonu ke tau femoʻuekina aí? (4) “Tauhi Maʻu ʻEtau Loto-Falala kia Sihová.” Ko e hā te ne tokoniʻi kitautolu ke tuʻu mālohi ʻi he fehangahangai mo e ngaahi ʻahiʻahí pea mo e fakatauelé? Ko e hā nai te tau fiemaʻu ai ke tuku ʻa e ngaahi meʻá ki he toʻukupu ʻo Sihová? (5) “ʻE Lau Koe ʻOkú Ke Taau mo e Puleʻanga ʻo e ʻOtuá?” (Kol. 1:​10) Ko e hā ʻa e ngaahi fakatātā faka-Tohitapu ʻokú ne ueʻi kitautolu ke hokohoko atu ai ʻa e ʻaʻeva taau mo Sihová? (6) “Falala ki he Ngaahi Talaʻofa ʻa Sihová.” ʻE anga-fēfē ʻa e kaunga ʻo hono fai e meʻá ni ki heʻetau moʻuí?

Hiva 11 (85) mo e lotu tuku.

Uike Kamata Sepitema 22

Hiva 17 (187)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 6, ʻai ha ongo fakahāhā mavahevahe ʻe ua ʻo e founga ke tuʻuaki ai ʻa e Taua Leʻo ʻo ʻOkatopa 1 mo e ʻĀ Hake! ʻo ʻOkatopa-Tīsemá.

15 min: Naʻe Fēfē ʻEtau Ngāué ʻi he Taʻu Kuo ʻOsí? Fakamanatu ʻe he ʻovasia ngāué ʻa e ngaahi meʻa mahuʻinga mei he līpooti ʻa e fakatahaʻangá ki he taʻu fakangāue 2003. Fakaongoongoleleiʻi ʻa e fakatahaʻangá ʻi he ngaahi meʻa lelei naʻe lavaʻí. Fakakau ai ha ngaahi poini feʻungamālie mei he līpooti fakamuimui ʻa e ʻovasia sēketí. Lave ki ha kolo ʻe taha pe ua ʻe ala aʻusia ki he taʻu ka hoko maí.

20 min: ʻOku Fakahōifua ʻa e Lotu Kotoa Pē ki he ʻOtuá? Fetalanoaʻaki mo e kau fanongó makatuʻunga ʻi he tohi Reasoning. Lāulea ki he founga ke fakaʻuhinga ai mo ha taha ʻi he poini ko ení. (rs-E p. 322-3) Fakamamafaʻi ha ngaahi founga siʻi ʻe lava ke ʻiloʻi ai ʻa e lotu ʻoku totonú. (rs-E p. 328-​30) ʻOku tokoniʻi ʻe heʻetau ngāue fakafaifekaú ʻa e niʻihi kehé ke nau fili ʻa e founga ʻo e lotú ʻa ia ʻoku fakahōifua ki he ʻOtuá.​—Kol. 1:​9, 10.

Hiva 16 (143) mo e lotu tuku.

Uike Kamata Sepitema 29

Hiva 26 (212)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Sepitemá. Lave ki he tohi ʻoku tuʻuaki ki ʻOkatopá. ʻAi ha fakahāhā nounou ʻo e founga ke kamata ai ha ako Tohitapu ʻi he polosiua Fiemaʻu.

17 min: “Tau Tauhi Hotau Feituʻu Faiʻanga Lotú ke ʻi ha Tuʻunga Lelei.”b (Palakalafi 1-5) Ngāueʻaki ʻa e ngaahi fehuʻi ʻoku ʻoatú. ʻI he lāulea ki he palakalafi 3 mo e 4, fakamanatu ʻa e ngaahi fokotuʻutuʻu fakalotofonua ki hono fakamaʻa ʻa e Fale Fakatahaʻangá. Fakahanga ʻa e tokangá ki ha ngaahi meʻa pē ʻoku fiemaʻu ke fai ki ai ʻa e tokangá. Fakaongoongoleleiʻi ʻa e fakatahaʻangá ki heʻenau ngaahi ngāue ʻi hono tauhi ha feituʻu feʻungamālie ki he lotu moʻoní.

18 min: “Mou Kofuʻaki ʻa e Anga-Fakatōkilaló.”c ʻOmai ʻa e ngaahi fakamatala mei he kau fanongó ki he founga ʻoku ngāueʻaki ai ʻa e ngaahi konga Tohitapú.

Hiva 28 (224) mo e lotu tuku.

Uike Kamata ʻOkatopa 6

Hiva 5 (46)

10 min: Ngaahi fanongonongo fakalotofonua. ʻI he māhiná ni ʻoku tau fai ai ha feinga makehe ke kamata ha ngaahi ako Tohitapu. Fakamanatu nounou ʻa ʻEtau Ngāue Fakafaifekau ʻo e Puleʻanga ʻo Mē 2002, peesi 1, palakalafi 1.

18 min: “Tau Tauhi Hotau Feituʻu Faiʻanga Lotú ke ʻi ha Tuʻunga Lelei.”d (Palakalafi 6-​12) Ngāueʻaki ʻa e ngaahi fehuʻi ʻoku ʻoatú. Fakamamafaʻi ʻa e mahuʻinga ʻo hono tauhi maʻu totonu ʻo e Fale Fakatahaʻangá, ʻo fakamamafaʻi ʻa e puha ʻi he peesi 5. Fakakau ai ha līpooti nounou ki he tuʻunga ʻo ho Fale Fakatahaʻangá, pea lave ki ha ngaahi palani pē ke fai ʻa e ngaahi monomono pe ngaahi fakaleleiʻi.

17 min: Tuʻu Hake ki he Tenge ʻa e Toʻumeʻá. Fakaʻekeʻeke ha tokotaha mātuʻa pe ko ha sevāniti fakafaifekau ʻa ia naʻe ʻohake ʻi ha fāmili Kalisitiane. Lave ki he ngaahi poini kuo filifili mei he Taua Leʻo ʻo Fepueli 15, 2003. Ko e hā ʻa e tenge naʻe fehangahangai mo e tokouá ʻi he ʻapiakó? (p. 24 pal. 3; p. 25 pal. 4-5) Naʻá ne fehangahangai mo ha tākiekina kovi mei he niʻihi kehé? (p. 26 pal. 4-6) ʻOkú ne kei fehangahangai mo e tenge mei he toʻumeʻá ʻi he tuʻunga ko ha tokotaha lahí? Ko e hā kuó ne tokoniʻi ia ke ne talitekeʻi ʻa e tenge ke liliú? ʻI he malanga nounou fakaʻosi makatuʻunga ʻi he Taua Leʻo ʻo ʻAokosi 1, 1999, peesi 24-5, fakamamafaʻi ʻa e ngaahi ʻaonga ʻo hono fakatupulekina ʻa e feohi leleí.

Hiva 7 (51) mo e lotu tuku.

[Fakamatala ʻi lalo]