Taimi-Tēpile ki he Fakataha Ngāué

Uike Kamata Nōvema 10

Hiva 26 (212)

10 min: Ngaahi fanongonongo fakalotofonua mo e ngaahi Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻAi ha ongo fakahāhā moʻoni ʻe ua ʻo e founga ke ngāueʻaki ai ʻa e ngaahi fokotuʻu he peesi 4 ke tuʻuaki ʻa e Taua Leʻo ʻo Nōvema 15 mo e Awake! ʻo Nōvema 22 ʻi ho feituʻu ngāué. ʻI he tuʻunga taki taha, ʻoku totonu ke tuʻuaki ʻa e ongo makasiní fakatouʻosi ko ha seti, neongo ko e taha pē ʻe fakaʻaliʻalí. ʻAi ke fakakau ʻi he taha ʻo e ongo fakahāhaá ha fakamatala ki he founga hono fakapaʻanga ʻetau ngāué ʻi māmani lahí.​—Sio ki he Taua Leʻo, p. 2, pe Awake! p. 5.

15 min: Ngaahi fiemaʻu fakalotofonua.

20 min: ʻOku Anga-Fēfē Hoʻo Fili Hoʻo Ngaahi Feohí? Fetalanoaʻaki mo e kau fanongó makatuʻunga ʻi he tohi Lotu ki he ʻOtua, peesi 47-9. ʻI hono ngāueʻaki ʻa e ngaahi fehuʻi mo e ngaahi Konga Tohitapu ʻoku ʻasi he palakalafi 13, fakaafeʻi ʻa e kau fanongó ke nau fakamatala ki he ngaahi tefitoʻi moʻoni faka-Tohitapu ʻa ia ʻoku totonu ke ne tataki kitautolu ʻi hono fili ʻetau ngaahi feohí.

Hiva 15 (127) mo e lotu tuku.

Uike Kamata Nōvema 17

Hiva 6 (45)

12 min: Ngaahi fanongonongo fakalotofonua. Fakaʻekeʻeke ha kau malanga ʻe toko ua pe toko tolu ʻa ia kuo nau hokosia ha ngaahi meʻa fakamānako ʻi he malaʻe ngāué ʻi hono ngāueʻaki ʻa e tuʻuaki tohi lolotongá. Kuo malava nai ʻa e niʻihi ke kamata ha ngaahi ako Tohitapu.

15 min: Fakatupulekina ha Laumālie Fiefoaki. Ko ha malanga fai ʻe ha mātuʻa, makatuʻunga ʻi he Taua Leʻo ʻo Nōvema 1, 2003, peesi 27-​30.

18 min: Taau Feʻunga ke Akoʻi ʻa e Niʻihi Kehé. Fetalanoaʻaki mo e kau fanongó makatuʻunga ʻi he Taua Leʻo ʻo Sune 1, 2000, peesi 16-17, palakalafi 9-13. Ko e malava ke faiako ola leleí ko ha taumuʻa tefito ia ʻi heʻetau ngāue fakafaifekaú. Ko ʻetau lavameʻa ʻi hono tokoniʻi ʻa e faʻahinga hangē ha sipí ʻoku fakatuʻunga ia ʻi heʻetau malava ke fakahaaʻi ʻa e pōpoaki ʻo e Puleʻangá ʻi ha founga ʻa ia ʻoku fakatupu-ʻilo mo ueʻi ai kinautolú. Lāulea ki he ngaahi fehuʻi ko ení: (1) Ko e hā ʻa e faikehekehe ʻi he malangá mo e faiakó? (it-2-E p. 672 pal. 2) (2) Ko e hā ʻoku toumoua ai ʻa e niʻihi fekauʻaki mo e feinga ke fai ha ako Tohitapú? (3) ʻE lava fēfē ke tau fakaleleiʻi ʻetau malava fakafaiakó? (4) ʻE lava fēfē ke tau fakapapauʻi ʻoku maʻu ʻe heʻetau tokotaha akó ʻa e ʻuhinga ʻo e meʻa ʻokú ne akó? (5) Ko e hā ʻa e taumuʻa ʻoku totonu ke tau feinga ke tokoniʻi ʻa e tokotaha akó ke ne lavaʻí?

Hiva 11 (85) mo e lotu tuku.

Uike Kamata Nōvema 24

Hiva 15 (127)

12 min: Ngaahi fanongonongo fakalotofonua. Fakamatala paʻangá. ʻAi ha ongo fakahāhā mavahevahe ʻe ua ʻo e founga ke ngāueʻaki ai ʻa e ngaahi fokotuʻu ʻi he peesi 4 ke tuʻuaki ʻa e Taua Leʻo ʻo Tīsema 1 mo e Awake! ʻo Tīsema 8. ʻE lava ke ngāueʻaki ha konga Tohitapu kehe mei he taha ko ia ʻoku fokotuʻu mai ʻi he peesi 4. ʻI he tuʻunga taki taha, ʻoku totonu ke tuʻuaki ʻa e ongo makasiní fakatouʻosi ko ha seti, neongo ko e taha pē ʻe fakaʻaliʻalí. ʻI he taha ʻo e ongo tuʻuakí, fakahāhā ai hano tuʻuaki ʻo e ngaahi makasiní ʻi he founga ʻikai anga-mahení ʻi he meʻalele uta pāsesé pe ʻi ha feituʻu fakalotofonua feʻungamālie kehe. Fakalototoʻaʻi ke ngāueʻaki ʻa e ngaahi fehuʻi ʻi he peesi 1 ki hono fakamanatu ʻenau ngaahi noutí ʻi he teuteu ki he fetalanoaʻaki mo e kau fanongó ʻi he polokalama Fakataha-Lahi “ʻAve ki he ʻOtuá ʻa e Lāngilangí” ʻi he Fakataha Ngāue he uike hoko maí.

10 min: Puha Fehuʻi. Malanga fai ʻe ha mātuʻa.

23 min: “Fakatupulekina ha Fekoekoeʻi mo Sihova.”a Ngāueʻaki ʻa e ngaahi fehuʻi ʻoku ʻoatú. ʻOmi ha ngaahi fakamatala mei he kau fanongó ki he anga ʻo hono ngāueʻaki ʻo e ngaahi konga Tohitapú. Fokotuʻutuʻu ki muʻa ki ha tokotaha pe toko ua ke na fai ha ngaahi fakamatala ki he meʻa kuó ne tokoniʻi kinaua ke fakalakalaka ai ʻa e tuʻunga ʻo ʻena ako Tohitapu fakafoʻituituí.

Hiva 1 (13) mo e lotu tuku.

Uike Kamata Tīsema 1

Hiva 21 (191)

5 min: Fanongonongo fakalotofonua. Fakamanatuʻi ki he kau malangá ke ʻomai ʻenau līpooti malaʻe ngāue ki Nōvemá. Lave ki he tohi ʻoku tuʻuaki ʻi Tīsemá. Fakamanatu nounou ʻa e taha pe ua ʻo e ongo tuʻuaki kuo fokotuʻu maí. Fakamatalaʻi ʻa e founga ʻe lava ai ke ngāueʻaki ʻe he kau malangá ʻa e Watch Tower Publications Index ke maʻu ha ngaahi tuʻuaki lahi angé.—Sio ki he ʻEtau Ngāue Fakafaifekau ʻo e Puleʻanga ʻo Sepitema 2001, p. 2.

40 min: “Ngaahi Fakataha-Lahi Fakavahe mo e Fakavahaʻapuleʻangá ʻOku Ueʻi Ai Kitautolu ke ʻAve ki he ʻOtuá ʻa e Lāngilangí!” Ke fai ʻe ha mātuʻa. ʻI he hoko atu ki ha talateu ʻi he miniti ʻe taha pe siʻi ange, fai ha fetalanoaʻaki mo e kau fanongó ʻi he polokalama fakataha-lahí ʻo ngāueʻaki ʻa e ngaahi fehuʻi ʻi he kupú. Vahevahe ʻa e taimí koeʻuhi ke lava ke lāulea ai ki he ngaahi fehuʻí kotoa, ʻo lāulea nai ki ha foʻi tali pē ʻe taha ʻi he ngaahi fehuʻi ʻe niʻihi. ʻE ʻikai lava ke lau ʻa e konga Tohitapu kotoa pē ʻoku ʻasí ʻi he taimi ʻoku vaheʻi atú; ʻoku fakakau atu ení ke ala maʻu ki hono kumi ʻa e ngaahi talí. Ko e ngaahi fakamatalá ʻoku totonu ke fakahangataha ia ki he ngaahi ʻaonga ʻo hono ngāueʻaki ʻo e ngaahi meʻa kuo akó.

Hiva 25 (204) mo e lotu tuku.

[Fakamatala ʻi lalo]