Taimi-Tēpile ki he Fakataha Ngāué

Uike Kamata Sanuali 12

Hiva 28 (224)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ongo fokotuʻu ʻi he peesi 4, fakahāhā ʻa e founga ke tuʻuaki ai ʻa e Taua Leʻo ʻo Sanuali 15 pea mo e Awake! ʻo Sanuali 22. ʻI he tuʻunga taki taha, ʻoku totonu ke tuʻuaki fakatouʻosi ʻa e ongo makasiní ko ha seti, neongo ko e taha pē ʻe fakaʻaliʻalí. Hili ʻa e fakahāhā taki taha, fakamamafaʻi ha ngaahi tafaʻaki lelei ʻo e tuʻuakí.

15 min: “Ko e Mahuʻinga Māʻolunga Ange ʻo e Poto Fakaʻotuá.”a Fakatatau ki he taimí, fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá.

20 min: Ongo Tohi Foʻou Naʻa Tau Fiefia Hono Maʻú! Fetalanoaʻaki mo e kau fanongó. Naʻa tau fiefia ke maʻu ʻa e ongo tohi foʻou ʻe ua naʻe tukuange mai ʻi he Fakataha-Lahi Fakavahe “ʻAve ki he ʻOtuá ʻa e Lāngilangí.” Ko e “See the Good Land” ʻoku ʻikai tatau ia mo ha toe tohi ʻi heʻetau laipelí. Te ke sio lelei ai ʻi hono fakaava hake ʻa e peesi taki taha ki ha tafaʻaki kehekehe ʻo e Fonua ʻo e Talaʻofá. Fakahaaʻi ha niʻihi ʻo e ngaahi fakaikiiki ʻoku hā ʻi ha ngaahi mape kehekehe. Fokotuʻu ha ngaahi founga ʻaonga ʻe lava ke ngāueʻaki ai ʻa e tohí ni. Ko e Ako mei he Faiako Lahí te ne ʻai ke moʻui lelei ange fakalaumālie ʻa ʻetau fānaú. Lave ki he niʻihi ʻo e ngaahi kaveinga taimi totonu ʻoku fakamatalaʻi ʻi he tohí, ʻo fakahaaʻi ʻa e founga ʻe lava ke maʻu ʻaonga ai ʻa e ngaahi mātuʻá mo e fānaú. Fakaafeʻi ʻa e kau fanongó ke nau fakamatala ki he founga ʻo ʻenau ngāueleleiʻaki ʻa e ongo tohi foʻoú ni.

Hiva 13 (124) mo e lotu tuku.

Uike Kamata Sanuali 19

Hiva 23 (200)

10 min: Ngaahi fanongonongo fakalotofonua. Fakalototoʻaʻi ʻa e toko taha kotoa ke sio ʻi he foʻi vitiō Transfusion-Alternative Health Care—Meeting Patient Needs and Rights ʻi he teuteu ki he fetalanoaʻaki ʻi he Fakataha Ngāue ʻo e uike ʻo Fepueli 2. ʻI hono ngāueʻaki ʻa e ongo fokotuʻu ʻi he peesi 4, fakahāhā ʻa e founga ke tuʻuaki ʻaki ʻa e Taua Leʻo ʻo Fepueli 1 pea mo e Awake! ʻo Fepueli 8. ʻI he tuʻunga taki taha, ʻoku totonu ke tuʻuaki ʻa e ongo makasiní fakatouʻosi ko ha seti, neongo ko e taha pē ʻe fakaʻaliʻalí. ʻI he taha ʻo e ongo tuʻuakí, fakahāhā ʻa e founga te ke tuʻuaki nai ai ʻa e ongo makasiní ki ha kaungāʻapi.

20 min: “Hanganaki Tokanga Lahi ki Hoʻo Ngāueʻaki ʻa e Taimí.”b Fakaafeʻi ʻa e kau fanongó ke nau fakamatala ki he meʻa ʻoku nau fai ke tauhi ai ʻa e ngaahi ngāue ʻikai fiemaʻú mei heʻene halalotoʻapi ʻi he ngaahi ngāue fakalaumālié.

15 min: Faʻifaʻitaki kia Paula ʻo Hangē ko ʻEne Faʻifaʻitaki kia Kalaisí. (1 Kol. 10:34 [11:​1, PM]) Fetalanoaʻaki mo e kau fanongó. ʻI he hangē ko Sīsuú, naʻe ngāueʻaongaʻaki ʻe Paula ʻa e ngaahi faingamālie ke faifakamoʻoni ai kia “kinautolu naa nau fetaulaki mo ia.” (Ng. 17:​17, PM) Ko e hā ʻa e ngaahi faingamālie ʻoku ʻi ai ke fai ai eni ʻi hotau feituʻu ngāué? Ko hai ʻoku tau “fetaulaki mo ia” ʻi heʻetau ʻalu ʻo faifakataú, ʻi he taimi ngāué pe ʻi he ʻapiakó, pe ʻi heʻetau heka ʻi he meʻalele uta pāsesé? Ko hai nai te tau hoko ʻo fetuʻutaki mo ia ʻi heʻetau ʻi ʻapí? Fakaafeʻi ʻa e kau fanongó ke nau fakamatala ki ha ngaahi meʻa naʻa nau hokosia ʻi he faifakamoʻoni ki he kakai naʻa nau fetaulaki mo ia lolotonga ʻa e ngaahi ngāue fakaʻahó.

Hiva 7 (51) mo e lotu tuku.

Uike Kamata Sanuali 26

Hiva 9 (37)

12 min: Ngaahi fanongonongo fakalotofonua. Fakamatala paʻangá. Fakamanatu ki he kau malangá ke ʻomai ʻenau līpooti malaʻe ngāue ki Sanualí. Lave ki he tohi ʻe tuʻuaki ʻi Fepuelí. Ngāueʻaki ha tuʻuaki faingofua ki hono tuʻuaki ʻa e tohi ʻUnuʻunu Ofi kia Sihova. Fakamanatu ki he toko taha kotoa fekauʻaki mo e Fakataha Ngāue makehe ʻi he uike hoko maí, lolotonga ia te tau fakamanatu ai ʻa e foʻi vitiō Patient Needs and Rights pea lāulea mo tufa ai ʻa e kaati Fakahinohino/Fakaʻatā Fakafaitoʻo Tokamuʻá, foomu fakahinohino ki he tokangaʻi ʻo e moʻuí (HCD) pea mo e ngaahi foomu ki he mafai tuʻuloa ʻo e fakafofonga fakalaó (EPA).

15 min: Ngāueʻaki ʻa e Folofola ʻa e ʻOtuá ʻi Hoʻo Moʻuí ʻi he ʻAho Taki Taha. Malanga mo e fetalanoaʻaki mo e kau fanongó. Fakalototoʻaʻi ʻa e toko taha kotoa ke ne ngāueleleiʻaki ʻa e Ko Hono Vakaiʻi Fakaʻaho ʻa e Tohi Tapú​—2004. Lāulea ki he fakamatala mei he talateu, peesi 3-4. ʻEke ki he kau fanongó ʻa e meʻa ʻoku nau ʻiloʻi fakafoʻituitui ko e taimi lelei taha ia ke lāulea ai ki he konga tohi fakaʻahó. Lāulea ki he konga tohi pea mo e fakamatala ki he ʻahó fakataha mo e fakatahaʻangá. Fakaafeʻi ʻa e kau fanongó ke nau fakamatala ki he founga ʻe lava ke tau ngāueʻaongaʻaki ai ʻa e fakamatalá. Fakalototoʻaʻi ʻa e toko taha kotoa ke fakakaukau nounou ki he founga ʻe lava ke nau ngāueʻaki ai ʻa e fakamatalá ʻi heʻenau lāulea ki he konga tohí ʻi he ʻaho taki taha.

18 min: Fakatupulekina ʻa e Kaumeʻa mo e Kaungātuí. (Pal. 18:24; 27:9) Malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Tīsema 1, 2000, peesi 22-3. Ko e taha ʻo e ngaahi tāpuaki ʻo e lotu moʻoní ko e faingamālie ke ʻai ha ngaahi kaumeʻa moʻoní. Ko ʻetau feohi ʻi he ngaahi fakatahá, ʻi he malaʻe ngāué mo e ngaahi taimi kehé ʻoku ʻomai ai ha maʻuʻanga lahi ʻo e fakalototoʻá. ʻE lava fēfē ke tau fakatupulekina ʻa e kaumeʻa mo e niʻihi kehe ʻi he fakatahaʻangá? Fakamanatu ʻa e puha “Sitepu ʻe Ono ki ha Kaumeʻa Tuʻuloa,” pea fakaafeʻi ʻa e kau fanongó ke nau fakamatala ki he founga ʻe lava ke ngāueʻaki ai ʻa e poini taki taha ʻi heʻetau feangainga mo hotau fanga tokouá.

Hiva 21 (191) mo e lotu tuku.

Uike Kamata Fepueli 2

Hiva 25 (204)

5 min: Ngaahi fanongonongo fakalotofonua.

17 min: “Ko ha Foʻi Vitiō ʻOkú Ne Fakamamafaʻi ha Founga Fakafaitoʻo Mahuʻinga.” Ke fakahoko ʻe ha mātuʻa taau. Lau ʻa e Ngāue 15:​28, 29 pea fakamamafaʻi nounou ko e ʻuhinga tefito ʻoku fakafisi ai ʻa e kau Kalisitiané mei he huhu totó ke fakalāngilangiʻi ʻa e lao ʻa e ʻOtuá ʻi hono ʻai ke toputapu ʻa e totó. Kamata leva ʻi ha fetalanoaʻaki fekauʻaki mo e foʻi vitiō Patient Needs and Rights, ʻo ngāueʻaki ʻa e ngaahi fehuʻi ʻa ia ʻoku ʻomai ʻi he kupú. Fakaʻosiʻaki hono lau ʻa e palakalafi fakamuimuí.

23 min: Fekuki Loto-Maʻu mo e Ngaahi Pole Fakafaitoʻó. Malanga fai ʻe ha mātuʻa taau, ʻo ngāueʻaki ʻa e ʻautilaine ʻoku ʻomai ʻe he ʻōfisi vaʻá. Fakamanatu ʻa e ngaahi poini tefito mei he kupu “Ngaahi Tokonaki ke Tokoniʻi Kitautolu Ke Tau Fakaʻehiʻehi mei he Totó.”

Hiva 8 (53) mo e lotu tuku.

[Fakamatala ʻi lalo]