Fanongonongo
◼ Tohi ke tuʻuaki ʻi Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻE fai ha feinga makehe ke kamata ha ngaahi ako Tohi Tapu ʻi ʻapi. ʻEpeleli mo Mē: Fakaeʻa ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, ʻa ia ʻe kau nai ai ʻa e ʻaʻahi ki he faʻahinga ʻoku nau maʻu ʻa e Fakamanatú mo e/pe ngaahi meʻa kehe fakateokalatí ka ʻoku ʻikai te nau feohi longomoʻui mo e kautahá, tokangataha ki hono tufa ʻa e tohi Lotu ki he ʻOtua. ʻOku totonu ke fai ʻa e feinga lahi ke kamata ha ako Tohi Tapu ʻi ʻapi, tautefito kapau kuo ʻosi ako ʻe ha niʻihi tāutaha ʻa e tohi ʻIlo mo e polosiua Fiemaʻu. Sune: Ako mei he Faiako Lahi. Kapau ʻoku pehē ʻe ha faʻahinga tāutaha ʻoku ʻikai haʻanau fānau, tuʻuaki ʻa e polosiua Fiemaʻu. ʻI hono ngāueʻaki ʻa e polosiuá, tokangataha ki hono kamata ha ngaahi ako Tohi Tapu ʻi ʻapi.
◼ ʻOku ʻikai ke ʻomai ʻe he ʻōfisi vaʻá ʻa e ngaahi kole tohi ʻa ha kau malanga tāutaha. ʻOku totonu ki he ʻovasia tauhí ke ne fokotuʻutuʻu ke fai ha fanongonongo ʻi he māhina taki taha ki muʻa ke ʻoatu ʻa e kole tohi fakamāhina ʻa e fakatahaʻangá ki he vaʻá, koeʻuhi ke tala ʻe kinautolu kotoa ʻoku mahuʻingaʻia ke maʻu ha ngaahi tohi fakafoʻituituí ki he tokoua ʻokú ne tokangaʻi ʻa e ngaahi tohí. Kātaki ʻo manatuʻi ʻa e ngaahi tohi ko ia ʻoku fai ʻa e kole makehe ki aí.
◼ Ko ha ngaahi tohi ʻo e fakamatala fakalaó ʻoku ala maʻu ia ke tokoni ki he kau malanga ʻoku nau kau ʻi he ngaahi hopo fekauʻaki mo hono tauhi fakalao pea mo e ngaahi meʻa ʻoku kau ki he ʻaʻahi ki ha kiʻi tama ʻa ia ʻoku fakafetauʻi ai ʻetau lotú. Ko e ngaahi tohí ʻoku totonu ke kole ia ʻe he kulupu pē ʻo e kau mātuʻá ʻi ha keisi ʻa ia ʻoku hā mahino ʻe fakakikihiʻi ai ʻa e ngaahi tui fakalotu ʻa e tokotaha malangá. Ki he faʻahinga ʻoku nau fehangahangai mo e ngaahi fekīhiaki fakamāmani ʻi he tauhi fakalao pe ʻaʻahi ki ha kiʻi tama, ʻoku lava ke maʻu ha fakamatala ʻe tokoni lahi ʻi he Awake! ʻo Tīsema 8, 1997, peesi 3-12; ʻi he Awake! ʻo ʻOkatopa 22, 1988, peesi 2-14; pea ʻi he saati ʻoku maʻu ʻi he Awake! ʻo ʻEpeleli 22, 1991, peesi 9.
◼ ʻOku totonu ke vakaiʻi ʻe he sekelitalí ʻoku ʻalu mo e taimí ʻa e Kōmiti Langa Fakafeituʻú ʻi he tuʻunga ʻo e kau malanga ʻosi papitaiso kotoa kuo nau ʻoatu ʻenau ngaahi foomu Fehuʻi ki he Tokotaha-Ngāue Pole ki he Fale Fakatahaʻangá (S-82). ʻI he ʻi ai ʻa e ngaahi feʻunuʻaki ʻi he tuʻunga ʻo ha tokotaha polé, hangē ko e taimi ko ia ʻoku hiki ai ha tokotaha pe ʻoku fakanofo ai ko ha sevāniti fakafaifekau pe ko ha mātuʻá, ʻoku totonu leva ke fakafonu pea ʻoatu ʻa e ngaahi foomu foʻou. Kapau ʻoku liliu ʻa e tuʻasila meili pe fika telefoni ʻa ha tokotaha pole pe kapau ʻoku ʻikai te ne kei ʻi ha tuʻunga lelei ʻi he fakatahaʻangá, ʻoku totonu ke fakahaaʻi leva ia ʻe he kau mātuʻá ʻi ha tohi ki he Kōmiti Langa Fakafeituʻú. Ko e ngaahi foomu S-82 kuo kakato ʻi he faile ʻa e fakatahaʻangá ʻoku totonu ke ʻai ke ala maʻu ia ke toe sio ki ai ʻa e ʻovasia sēketí ʻi heʻene ʻaʻahi ki he fakatahaʻangá.
◼ ʻI Nōvema 9, 2003, naʻe kamata ngāue ai ha fakatahaʻanga foʻou ʻo e kau malanga ʻe toko 84 ʻi Tauranga. ʻI hono faʻu mei he ongo fakatahaʻanga ʻi Tauranga mo Mt. Maunganui, ʻoku ʻiloa ʻa e fakatahaʻanga foʻoú ko e Fakatahaʻanga Welcome Bay. Ko e ongo fakatahaʻanga ʻoku ʻosi ʻi ai ʻi Tauranga kuo toe fakahingoa ia ko e Fakatahaʻanga Bethlehem mo e Fakatahaʻanga City. Ko e ongo fakatahaʻanga ʻi Mt Maunganui kuo toe fakahingoa ia ko e Fakatahaʻanga Mt Maunganui mo e Fakatahaʻanga Papamoa. Naʻe toe fokotuʻu ha fakatahaʻanga foʻou ʻi Tonga ʻi Tīsema 1, 2003. Ko e fakatahaʻanga foʻou ʻa ia naʻe fokotuʻu ʻi he motu ko Haʻapaí ʻoku ui ia ko e Fakatahaʻanga Haʻapai. Ko e faʻu ʻo e fakatahaʻanga foʻou ko ení ʻoku fakalahi ai ʻa e fika fakakātoa ʻo e fakatahaʻanga ʻi Tongá ki he 5, pea ʻomai ai ʻa e fika fakakātoa ʻo e ngaahi fakatahaʻanga ʻi loto ʻi he feituʻu vaʻa ʻo Nuʻu Silá ki he 177.
◼ ʻOku talitali lelei ʻa e kau ʻaʻahí ke nau fai ha ʻeveʻeva taki mamata ki Pēteli ʻi he Mōnité ki he Falaité mei he 9:30 pongipongi ki he 11:00 pongipongi, pea mei he 1:30 efiafi ki he 3:30 efiafi. ʻI he Tokonakí, ʻoku faingamālie ai ʻa e ngaahi ʻaʻahí mei he 8:30 pongipongi ki he 11:00 pongipongi. ʻI he palani ke ʻomai ha kulupu ʻo e toko 15 pe tokolahi ange aí, ʻe lelei kapau te ke fakahaaʻi ia ki he ʻōfisi vaʻá ʻi he ngaahi ʻaho siʻi ki muʻa ʻi hoʻo ʻaʻahí. Ki muʻa ʻi he ʻaʻahi ki he vaʻá, kātaki ʻo fakamanatu ʻa e Puha Fehuʻi ʻo ʻEtau Ngāue Fakafaifekau ʻo Sune 2002 ʻo fekauʻaki mo e teunga pea mo e teuteu taau ʻi he taimi ʻo e ʻaʻahi ki he ngaahi ʻapi Pētelí.