Fanongonongo

◼Tohi ke tuʻuaki ʻi ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, ʻa ia ʻe kau nai ai ʻa e ʻaʻahi ki he faʻahinga naʻa nau maʻu ʻa e Fakamanatú mo e/pe ngaahi meʻa fakateokalati kehé ka ʻoku ʻikai te nau feohi longomoʻui mo e kautahá, tokangataha ki hono tufa ʻa e tohi Lotu ki he ʻOtua. ʻOku totonu ke fai ʻa e feinga fakamātoato ke kamata ha ako Tohi Tapu ʻi ʻapi, tautefito kapau kuo ʻosi ako ʻe he faʻahinga tāutaha ʻe niʻihi ʻa e tohi ʻIlo mo e polosiua Fiemaʻu. Sune: Ako mei he Faiako Lahí. Kapau ʻoku pehē ʻe ha faʻahinga tāutaha ʻoku ʻikai haʻanau fānau, tuʻuaki ʻa e polosiua Fiemaʻu. ʻI hono ngāueʻaki ʻa e polosiuá, tokangataha ki hono kamata ʻo ha ngaahi ako Tohi Tapu ʻi ʻapi. Siulai mo ʻAokosi: ʻE ngāueʻaki nai ha polosiua peesi ʻe 32 feʻungamālie.

◼ ʻOku fiemaʻu ki he ʻōfisi vaʻá ke ne tauhi maʻu ha lēkooti fakamuimui taha ʻo e ngaahi tuʻasila mo e fika telefoni ʻo e kau ʻovasia tauhí mo e kau sekelitali kotoa pē. Kapau ʻe ʻi ai ha liliu ʻi ha taimi pē, ko e Kōmiti Ngāue ʻa e Fakatahaʻangá ʻoku totonu ke ne fakakakato, fakamoʻoni, pea ʻave leva ha foomu Presiding Overseer/Secretary Change of Address (S-29) ki he ʻōfisi vaʻá. ʻOku kau heni ha ngaahi liliu pē ʻi he kouti ʻēlia telefoní.

◼ Ko e kau sekelitali ʻi he fakatahaʻangá ʻoku totonu ke nau tauhi maʻu ha tokonaki feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke ʻota eni ʻi he Literature Request Form (S-14). Tauhi ʻo ʻikai siʻi hifo ʻi ha tokonaki ki he taʻu ʻe taha. Vakaiʻi ʻa e ngaahi foomu kole tāimuʻa tuʻumaʻu kotoa pē ke fakapapauʻi ʻoku nau kakato, ʻo kau ai ʻa e ʻaho papitaiso ʻo e tokotaha kolé.