Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata Sune 28, 2004. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Mē 3 ki Sune 28, 2004. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ʻa e ngaahi meʻa tefito te ne fakatupunga nai kitautolu ke ʻikai fakahā ha sīpinga fetalanoaʻaki pe ke ongo fuʻu fakafounga ʻa e taimi ʻoku tau malanga ai mei he peletifōmú? [be p. 179 pal. 4]
2. Ko e hā ʻoku ʻikai hoko ai hono fakaleleiʻi ʻa e anga ʻo hotau leʻó ko ha meʻa pē ia ʻoku kau ki ai ʻa e mānava lelei mo hono fakamolū ʻa e ngaahi uoua ʻoku fefeká? [be p. 181 pal. 2]
3. ʻI heʻetau vahevahe ʻa e ngaahi moʻoni Fakatohitapú mo e niʻihi kehé, ko e hā ʻa e ngaahi sitepu ʻaonga ʻe lava ke tau fai ke “hoko [ai] ko e meʻa kehekehe ki he kakai kehekehe”? (1 Kol. 9:20-23) [be p. 186 pal. 2-4]
4. Ko e hā ʻoku kau ki he fanongo tokanga ʻi heʻetau ngāue fakafaifekaú? [be p. 187]
5. Ko e hā ʻoku mahuʻinga ai ke fakahāhā ʻa e tokaʻi ʻo e tokotaha kotoa pē ʻoku tau fetaulaki mo ia ʻi heʻetau ngāue fakafaifekaú? [be p. 190]
KONGA FIKA 1
6. Ko e hā e taumuʻa ʻa e faʻahinga ʻoku nau ʻomai ʻa e fakahinohino fakateokalatí, pea ko e hā te ne tokoniʻi kitautolu ke aʻusia ai ʻa e taumuʻa ko ení? (Mt. 5:16; Sione 7:16-18) [be p. 56 pal. 3–p. 57 pal. 2]
7. Ko e hā ʻoku ʻaonga ai ke ʻohake ha ngaahi faikehekehe ʻi he taimi ʻokú ke faiako aí, pea naʻe anga-fēfē hono ngāueʻaki ʻe Sīsū ʻa e founga faiako ko ení? [be p. 57 pal. 3; p. 58 pal. 2]
8. ʻI he kehekehe mei he kau Fālesí, naʻe anga-fēfē ʻa e aʻu ʻa e faiako ʻa Sīsuú ki he loto ʻo e kakaí? [be p. 59 pal. 2-3]
9. ʻE lava fēfē ke tau tokoniʻi ʻa e faʻahinga ʻa ia ʻoku tau akoʻí ke nau ngāueʻaki ʻa e meʻa ʻoku nau akó, ʻo ʻikai te tau fai ʻa e ngaahi filí maʻanautolu? [be p. 60 pal. 1-3]
10. ʻOku totonu ke fēfē ʻetau tali ki he ngaahi fehuʻi mei he niʻihi kehé fekauʻaki mo e ngaahi meʻa ke fili fakafoʻituituí? [be p. 69 pal. 4-5]
LAU TOHI TAPU FAKAUIKE
11. Ko e hā naʻe pau ai ke muimui ofi ʻa Mōsese ʻi he “sipinga ʻo e nofoʻanga [pe tāpanekalé], ʻa e sipinga ʻo hono nāunau kehekehe”? (Eki. 25:9) [it-2-E p. 1058 pal. 7]
12. Ko e hā ʻe lava ke tau ako mei he tali ʻa ʻĒlone kia Mōsese ʻi he meʻa naʻe hoko fekauʻaki mo e ʻuhikiʻi pulu koulá? (Eki. 32:24)
13. Ko e hā ʻoku lava ke tau ako mei hono fakahāhā ʻe he kau ʻIsilelí ʻa e tuí ʻi he talangofua ki he fekau ʻa Sihova ʻi he Ekisoto 34:23, 24?
14. Ko e hā ʻa e taumuʻa ʻo ha feilaulau ʻofa? (Liv. 3:1)
15. ʻOku anga-fēfē ʻa hono ngāueʻaki ʻikai fakaetaipe kia Sīsū ʻa e founga fakanofo fekauʻaki mo ʻĒloné ʻa ia ʻoku lēkooti ʻi he Livitiko 8:23? [it-2-E p. 1113 pal. 4; w68-E p. 399 pal. 24]