Fanongonongo

◼ Tohi ke tuʻuaki ki Sune: Ako mei he Faiako Lahí. Kapau ʻe pehē ʻe ha faʻahinga tāutaha ʻoku ʻikai haʻanau fānau, tuʻuaki ʻa e polosiua Fiemaʻu. ʻI hono ngāueʻaki ʻa e polosiuá, tokangataha ki hono kamata ha ngaahi ako Tohi Tapu ʻi ʻapi. Siulai mo ʻAokosi: ʻE lava ke ngāueʻaki ha polosiua peesi ʻe 32 feʻungamālie pē. Sepitema: Ko e Fakapulipuli ʻo e Fāmili Fiefiá.

◼ Koeʻuhi ke fakapapauʻi ʻa e malu ʻo e Fale Fakatahaʻangá, ko e tokotaha fakaʻosi ke mavahe mei he falé ʻoku totonu ke ne lokaʻi ʻa e matapaá pea fakahoko ʻa e ngāue fakaemaluʻi kehe pē. Kapau ʻoku ʻikai ke malava ʻa e tokotaha ko iá ke ne fakapapauʻi ʻa e malu ʻa e falé, ʻoku totonu ke ne tā ki ha taha ʻokú ne malavá pea tatali leva kae ʻoua ke toki aʻu mai ʻa e tokotaha ko iá ki muʻa ke ne mavahe. ʻOku totonu ke tauhi maʻu ʻe he kau mātuʻá ha fakahokohoko fakamuimui taha ʻo e kau malanga fua fatongia ʻa ia kuo tuku ki ai ʻa e ngaahi kī ʻo e Fale Fakatahaʻangá.

◼ Ko ha lāulea ki he foʻi vitiō Respect Jehovah’s Authority ʻe fokotuʻutuʻu ia ʻi he ʻīsiu ʻo ʻEtau Ngāue Fakafaifekau ʻo e Puleʻanga ʻo Sepitemá. Ko e ngaahi tatau ʻo e vitioó ʻoku ala maʻu ia ʻi he faka-Pilitāniá, Siainá, Siapaní mo e Sipeiní. ʻOku fakamanatu ki he fakatahaʻanga kotoa pē ke nau kole eni ʻi heʻenau kole tohi hoko maí ʻo fakatatau ki he fiemaʻú.