Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻAokosi 30, 2004. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Siulai 5 ki ʻAokosi 30, 2004. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻE lava fēfē ke tau fakamatalaʻi ʻa e ʻuhinga ki heʻetau ʻamanakí “ʻi he angavaivai mo e tailiili [“tokaʻi,” NW]”? (1 Pita 3:15) [be p. 192 pal. 2-4]
2. Ko e hā ʻoku mahuʻinga ai ke lea fakataha mo e tuipaú? (Loma 8:38, 39; 1 Tes. 1:5; 1 Pita 5:12) [be p. 194]
3. ʻOku anga-fēfē hono fakaeʻa ʻa e tuipaú? [be p. 195 pal. 3–p. 196 pal. 4]
4. Ko e hā ʻa e fakapotopoto, ko e hā ʻoku mahuʻinga aí, pea ʻe lava fēfē ke tau ʻai ke mafamafatatau ʻa e ʻulungāanga ko ení mo e tuʻumaʻú? (Loma 12:18) [be p. 197]
5. Ki muʻa ke leá, ko e hā ʻe fakakaukau ki ai ha tokotaha fakapotopoto? (Pal. 25:11; Sione 16:12) [be p. 199]
KONGA FIKA 1
6. ʻE anga-fēfē nai hono fakahaaʻi ʻi heʻetau ngaahi fetalanoaʻakí mo e ngaahi tōʻonga ako Tohi Tapú ʻa e lahi ʻo e fakalakalaka kuo tau aʻu ki ai ʻi he moʻoní? [be p. 74 pal. 3–p. 75 pal. 2]
7. Ko e hā ʻoku ʻuhinga ki ai ʻa e “fakatau mai ʻa e taimi faingamālié maʻa moutolu,” pea ʻe lava fēfē ke tau fai ia? (Ef. 5:16, NW) [w02 11/15 p. 23]
8. ʻOku anga-fēfē hono fakamaʻalaʻala ʻe he Tohi Tapú ʻoku tatau ʻa e faʻahinga kotoa ʻo e tangatá ʻi he vakai ʻa e ʻOtuá, pea ʻoku totonu ke fēfē ʻa e kaunga ʻa e meʻá ni ki heʻetau ngāue fakafaifekaú? [w02 1/1 p. 5, 7]
9. Ko e hā ʻa e ʻuhinga ʻo e huafa laulōtaha ʻo e Tokotaha-Fakatupú, ʻa e Sihová? [w02 1/15 p. 5]
10. Ko e hā naʻá ne ʻai ʻa e feilaulau ʻa ʻĒpelí ke “lelei hake” ʻi he feilaulau ʻa Keiní, pea ko e hā ʻa e lēsoni ʻoku lava ke tau maʻu mei he meʻá ni fekauʻaki mo ʻetau “feilaulau fakafetaʻi”? (Hep. 11:4; 13:15) [w02 1/15 p. 21 pal. 6-8]
LAU TOHI TAPU FAKAUIKE
11. ʻE lava fēfē ke tokoniʻi kitautolu ʻe he Livitiko 18:3 ke tau fakaʻehiʻehi mei hono maʻu ha ʻuhinga mioʻi ʻo e tonú mo e halá? (Ef. 4:17-19) (w02 2/1 p. 29)
12. Ko e hā naʻe fakatātaaʻi fakaekikite ʻe he ‘foi ma e ua’ ʻa ia naʻe foaki ʻe he taulaʻeiki lahí ko ha ‘feilaulau taaloalo’ lolotonga ʻa e Kātoanga ʻo e Ngaahi Uiké (Penitekosi)? (Liv. 23:15-17, PM) [w98 3/1 p. 13 pal. 21]
13. ʻI he tuʻunga ʻo e tonó hangē ko ia ʻoku fakahaaʻi ʻi he Nomipa vahe 5, ʻi he ʻuhinga fē naʻe ‘mate ai ʻa e tenga’ ʻo ha fefine halaia? (Nom. 5:27) [w84-E 4/15 p. 29]
14. Ko e hā naʻe lauʻi ai ʻe Meliame mo ʻĒlone ʻa Mōsese koeʻuhi ko hono uaifi Kusá? (Nom. 12:1)
15. Ko e hā ʻa e “Tohi ʻo e ngaahi Tau ʻa Sihova”? (Nom. 21:14)