Fanongonongo

◼ Tohi ke tuʻuaki ʻi ʻAokosi: ʻE lava ke ngāueʻaki ha polosiua peesi ʻe 32 feʻungamālie pē. Sepitema: Ko e Fakapulipuli ʻo e Fāmili Fiefiá. ʻOkatopa: Ko e makasini Taua Leʻo mo e ʻĀ Hake! ʻI he hā mai ha mahuʻingaʻia, tuʻuaki ʻa e polosiua Fiemaʻu, ʻo fai ha feinga makehe ke kamata ha ngaahi ako Tohi Tapu. Nōvema: Ako mei he Faiako Lahí. Te ke lava ke fetongiʻaki ia hono tuʻuaki ʻa e polosiua Fiemaʻu.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē ia. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ke kamata kole ʻe he ngaahi fakatahaʻangá ʻa e 2005 Calendar of Jehovah’s Witnesses, Ko Hono Vakaiʻi Fakaʻaho ʻa e Tohi Tapú—2005, pea mo e 2005 Yearbook of Jehovah’s Witnesses ʻi heʻenau kole tohi hokó. Ko ha lisi ʻo e ʻū lea ʻa ia ʻoku ala maʻu ai ʻa e ngaahi tohí ni ʻe hā atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi ki he fakatahaʻanga kotoa pē ʻi he māhina hono ua kotoa pē.

◼ Ko e fakamatala fakataʻu ʻo e ngaahi tohi mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2004, pe ko e ofi taha ki ai ʻoku ala lavá. Ko e fakamatala ko ení ʻoku meimei tatau ia mo e lau ʻa e lahi ʻo e ngaahi tohí tonu ʻoku fai ʻi he māhina taki taha ʻe he kouʻotineita ki he ngaahi tohí, pea ko e fakakātoá ʻoku totonu ke fakahū ki he foomu (S-18) Literature Inventory. Ko e fika fakakātoa ʻo e ngaahi makasini ʻoku kei toé ʻe lava ke maʻu ia mei he (kau) sevāniti makasiní. ʻOku totonu ki he sekelitali ʻo e fakatahaʻanga, tokangaʻi ʻū tohí ke ne vakaiʻi ʻa e fakamatalá. Ko ia mo e ʻovasia tauhi ʻo e fakatahaʻanga tokangaʻi ʻū tohí te na fakamoʻoni ʻi he fōmú. Ko e fakatahaʻanga tokangaʻi ʻū tohi taki taha te ne maʻu ʻa e foomu (S-18) Literature Inventory ʻe tolu. Kātaki ʻo meiliʻi ʻa e ʻuluaki tataú ki he ʻōfisi vaʻá he P O Box 75-142, Manurewa, ʻo ʻoua ʻe toe tōmui ange ʻi Sepitema 6. Tauhi ha tatau ki hoʻomou ngaahi failé. ʻE ngāueʻaki nai ʻa e tatau hono tolú ko ha pepa ngāue.

◼ Lolotonga ʻa hono maʻu ʻa e Fakataha-Lahi Fakavahe “ʻAʻeva mo e ʻOtuá,” manatuʻi ʻa e mahuʻinga ʻo hono hiki ha ngaahi nouti nounou, ʻa ia ʻe tokoni kiate koe ke ke kau ai ʻi he fakamanatu tala ngutu kuo fakataimitēpileʻi ki ha polokalama Fakataha Ngāue ʻi he kahaʻú.