Tohi mei he Vaʻá

Siʻi Kau Malanga ʻo e Puleʻangá:

Kuo ʻosi he taimí ni pea ʻoku ngāueʻaki ha fuʻu fakalahi ki he fale paaki ʻi Wallkill. Kuo fokotuʻu ai ha ongo mīsini paaki foʻou ʻe ua, ʻokú na malava taki taha ke faʻu ʻo aʻu ki he makasini ʻe 90,000 he houa, pea pehē foki ki he meʻangāue foʻou ki hono faʻu ʻa e ʻū tohi takafi fefeka ʻe 120 ʻi he miniti. Ko e hiki ʻo e fale pākí ki Wallkill naʻe ʻatā ai ʻa e fale 360 Furman Street ʻi Brooklyn ke fakatau atu. ʻOku femoʻuekina lahi fakaʻulia he taimí ni ʻa e fanga tokouá ʻi hono fakaleleiʻi ʻa e fale 117 Adams Street ke feʻungamālie ki he ngaahi potungāue ʻoku hiki mei he 360 Furman Street.

Ko e hiki ʻo e fale pākí naʻe fiemaʻu ai ke hiki ʻa e fanga tokoua mo e fanga tuofāfine fakafuofua ki he toko 300 mei Brooklyn ki Wallkill. Tānaki atu ki ai, ʻoku fakafuofua ko e kau ngāue pole ʻe toko 100 ʻoku nau tokangaʻi ʻa e ngaahi fiemaʻu komipiuta mo e fakapolokalama ʻa e vaʻá naʻa nau hiki mei Wallkill ki Brooklyn, ʻa ia ko e tuʻuʻanga ia he taimí ni ʻo e ngaahi ngāue tefito ki he Potungāue Ngaahi Sisitemi Fakahinohinó.

Ko e faʻahitaʻu Fakamanatú ko ha taimi ia ʻo e ngāue faivelenga ʻi he feituʻu vaʻá. Ko e fakakātoa ʻo e kau tāimuʻa tokoni ʻi Maʻasí ko e toko 1,197. Ko e kau maʻu Fakamanatú: Niuē 89; Nōfoki 20; Nuʻu Sila 26,152; Tonga 621; ʻOtu Motu Kuki 590.

Fakataha mo kimoutolú ʻoku mau fakatuʻotuʻa atu ki he “tupulekina maʻu ai pe ʻi he ngaue ʻa e ʻEiki” ʻi heʻetau kamata ʻa e taʻu fakangāue 2005.—1 Kol. 15:58.

Mei homou fanga tokoua,

ʻŌfisi Vaʻa N.Z.