Taimi-Tēpile ki he Fakataha Ngāué

Uike Kamata Sepitema 13

Hiva 12 (113)

12 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Kapau ʻoku ʻaonga ʻa e ngaahi fokotuʻu ʻi he peesi 8 ki he feituʻu ngāue ʻa hoʻo fakatahaʻangá, ngāueʻaki ia ke fakahāhā ʻa e founga ke tuʻuaki ai ʻa e Taua Leʻo ʻo Sepitema 15 pea mo e Awake! ʻo Sepitema 22. ʻE lava ke ngāueʻaki ʻa e ngaahi tuʻuaki kehé. Hili ʻa e fakahāhā taki taha, fakamamafaʻi nounou ha tafaʻaki ʻaonga ʻo e tuʻuakí.

15 min: “Tauhi Ho Matá ke Huʻufataha.”a Ngāueʻaki ʻa e ngaahi fehuʻi ʻoku ʻoatú. Fakatatau ki he taimí, fakamamafaʻi ʻa e ngaahi konga Tohi Tapu ʻoku haá.

18 min: Kau Sio Tonu ʻi Heʻetau Ngaahi Ngāue Leleí. (1 Pita 2:​12) Malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Nōvema 1, 2002, peesi 12-​14, palakalafi 14-​20. Fakaafeʻi ʻa e kau fanongó ke nau fakamatala ki he founga kuo ueʻi ai ʻa e kakai ʻi he feituʻú ʻi heʻenau siofi ʻetau ngaahi ngāue leleí.

Hiva 18 (162) mo e lotu tuku.

Uike Kamata Sepitema 20

Hiva 6 (45)

10 min: Ngaahi fanongonongo fakalotofonua. Fakamanatu ʻa e ngaahi meʻa mahuʻinga ʻi he tohi mei he vaʻá, ʻa ia ʻoku hā ʻi he muʻaki peesi ʻo e ʻīsiu ko eni ʻo ʻEtau Ngāue Fakafaifekau ʻo e Puleʻanga. Fakaʻaiʻai ʻa e tokotaha kotoa ke lau ʻa e Nomipa 16:​1-​35 pea sio leva ʻi he foʻi vitiō ko e Respect Jehovah’s Authority ʻi he teuteu ki he Fakataha Ngāue ʻo e uike ʻo ʻOkatopa 4.

15 min: Ko e Hā Naʻa Tau Lavaʻi ʻi he Taʻu Kuo ʻOsí? Malanga ke fai ʻe ha mātuʻa makatuʻunga ʻi he līpooti ngāue ʻa e fakatahaʻangá ki he taʻu fakangāue 2004. Tokangataha ki he ngaahi tafaʻaki lelei ʻo e līpōtí, pea fakaongoongoleleiʻi ʻa e fakatahaʻangá ʻi he ngaahi meʻa lelei kuo lavaʻí. Fakamamafaʻi ʻa e ngāue mālohi ʻa e kau tāimuʻá. Lave ki ha tafaʻaki ʻe taha pe ua ʻe lava ke tokanga ki ai ʻa e fakatahaʻangá ʻi he taʻu ka hoko maí.

20 min: “Akoʻanga Ako Fakafaifekaú—Ko ha Matapā Lahi ʻOku Taki Atu ki he Ngāué.” Malanga mo e fetalanoaʻaki mo e kau fanongó. Fakakau ai ʻa e ngaahi fakamatala ʻi he 2004 Yearbook, peesi 239-​40. Lave ki he fakataha maʻá e faʻahinga ʻoku mahuʻingaʻia ʻi he kau ki he Akoʻanga Ako Fakafaifekaú ʻa ia ʻe fai lolotonga ʻa e ʻasemipilī fakasēketí. Fakalototoʻaʻi ʻa e faʻahinga ʻoku nau taau ke kau ki he fakataha ko ení.

Hiva 26 (212) mo e lotu tuku.

Uike Kamata Sepitema 27

Hiva 27 (221)

15 min: Ngaahi fanongonongo fakalotofonua. Fakamatala paʻangá. Fakamanatu ki he kau malangá ke ʻomai ʻenau ngaahi līpooti malaʻe ngāue ki Sepitemá. Fakahāhā ʻa e founga ʻe lava ke tuʻuaki ai ʻa e Taua Leʻo ʻo ʻOkatopa 1 mo e ʻĀ Hake! ʻo ʻOkatopa-Tīsemá.

10 min: ʻOku Moʻui ʻa e Folofola ʻa Sihová. Ko ha malanga. Ke tokoniʻi kitautolu ke maʻu ʻaonga kakato ange mei he polokalama ʻo e lau Tohi Tapu fakauiké ʻoku fokotuʻu mai ki he Ako Fakafaifekau Fakateokalatí, kuo kamata ke hā ai ha ngaahi kupu hokohoko ʻoku fakakaveinga “ʻOku Moʻui ʻa e Folofola ʻa Sihová” ʻi he ngaahi ʻīsiu kuo filifili ʻo e Taua Leʻo. ʻI hono ngāueʻaki ʻa e Taua Leʻo ʻo Sepitema 15, 2004, peesi 24-7, fakahaaʻi ʻa e ngaahi tafaʻaki ʻo e ngaahi kupu ko ení. Hili ha vakai fakalūkufua, ko e konga “Tali ki he Ngaahi Fehuʻi Fakatohitapú” ʻoku ʻomai ai ha fakamatala ki he niʻihi ʻo e ngaahi kupu Fakatohitapu faingataʻá. Ko e fakamatala ʻi lalo ʻi he “Ngaahi Lēsoni kia Kitautolu,” ʻoku tohoaki ai ʻa e tokangá ki he ʻaonga mahuʻinga ʻo e fakamatalá ʻi he lautohí. Fakakaukau ki ha ngaahi fakatātā pau ke fakatātaaʻiʻaki ʻa e founga ʻe tokoniʻi ai kitautolu ʻe he hokohoko ko ení ke tau maʻu ha mahino lahi ange ki he Folofola ʻa e ʻOtuá. Fakalototoʻaʻi ʻa e tokotaha kotoa ke ngāuekakatoʻaki ʻa e tokonakí ni ʻi heʻetau kamata ke lau ʻa e tohi Teutalonomé ʻi he uike hoko maí.

20 min: “Ngāueleleiʻaki ʻa e Tohi Tapú.”b Ngāueʻaki ʻa e ngaahi fehuʻi ʻoku ʻoatú. Fakatefito ʻa e ngaahi fakamatala talateú ʻi he tohi Ako Fakafaifekau, peesi 145, palakalafi 2-3. Fakakau ai ha ongo fakahāhā nounou, ko e fakahāhā ʻe taha ko ha ʻuluaki ʻaʻahi pea ko e taha ko ha toe ʻaʻahi, ʻo fakahaaʻi ʻa e founga ke ngāueʻaki ai ʻa e ngaahi fokotuʻu ʻoku ʻomaí.

Hiva 23 (200) mo e lotu tuku.

Uike Kamata ʻOkatopa 4

Hiva 26 (212)

8 min: Ngaahi fanongonongo fakalotofonua.

12 min: “Fokotuʻutuʻu Foʻou ki Hono Fakamanatu ʻo e Ngaahi Polokalama ʻAsemipilií.” Malanga mo e fetalanoaʻaki mo e kau fanongó makatuʻunga ʻi he kupu he peesi 4. Lave ki he ongo ʻaho ʻo e ʻasemipilī fakasēketi hokó mo e ngaahi polokalama ʻo e ʻaho ʻasemipilī makehé kapau ʻoku ala maʻu ia. Ko e faʻahinga ʻoku fakaʻamu ke papitaisó ʻoku totonu ke nau fakahā ia ki muʻa ʻaupito ki he ʻovasia tauhí.

25 min: “Kuo Pau Ke Tau Tokaʻi ʻa e Tuʻunga Mafai ʻo Sihová.” Lau ʻa e Siutasi 11, ʻo fakangatangata ʻa e fakamatala talateú ke ʻoua ʻe toe laka hake ʻi he miniti ʻe uá. Kamata leva ʻi ha fetalanoaʻaki mo e kau fanongó ʻo ngāueʻaki ʻa e ngaahi fehuʻi kotoa ʻi he kupú. Fakamamafaʻi ʻa e poini ʻoku pehē ai ke tauhi maʻu ʻa e hōifua ʻa Sihová, kuo pau ke tau fakaʻehiʻehi mei he fakakaukau angatuʻu ʻa Kolá pea faʻifaʻitaki ki he faʻifaʻitakiʻanga ʻa hono ngaahi fohá, ʻa ia naʻe ʻikai te nau fakaʻatā ha meʻa ke muʻomuʻa ia ʻi heʻenau mateaki kia Sihová.

Hiva 17 (187) mo e lotu tuku.

[Fakamatala ʻi lalo]