Taimi-Tēpile ki he Ako Fakafaifekau Fakateokalati ki he 2005

Ngaahi Fakahinohino

Lolotonga ʻa e 2005 ko e ngaahi fokotuʻutuʻu eni ki hono fai ʻo e Ako Fakafaifekau Fakateokalatí.

MAʻUʻANGA FAKAMATALÁ: Ko e Tohitapu Katoa (Pulusinga 1966) [pf], Ko e Taua Leʻo [w], Maʻu ʻAonga mei he Ako Fakafaifekau Fakateokalatí [be], “Potu Folofola Kotoa Pe”—Moʻoni Alafalalaʻanga mo ʻAonga [bsi05], mo e Reasoning From the Scriptures (Pulusinga 1989) [rs].

ʻOku totonu ke kamata TAIMI TONU ʻa e akó ʻaki ʻa e hiva, lotu pea mo ha lea talitali nounou pea hoko atu leva ʻi he tuʻunga ko ení:

TUʻUNGA ʻO E LEÁ: Miniti ʻe 5. ʻE lāulea ʻa e ʻovasia ʻo e akó, ko e faiako tokoní, pe ko ha mātuʻa taau ʻe taha, ki ha tuʻunga ʻo e leá ʻo makatuʻunga ʻi he tohi ako, Ako Fakafaifekau. (ʻI he ngaahi fakatahaʻanga ʻoku fakangatangata pē ai ʻa e tokolahi ʻo e kau mātuʻá, ʻe ngāueʻaki nai ai ha sevāniti fakafaifekau taau.) Tuku kehe ka toki fakahaaʻi, ko e ngaahi puha ʻoku hā ʻi he ngaahi peesi kuo vaheʻí ʻoku totonu ke fakakau ia ʻi he lāuleá. Ko e ngaahi meʻa ke faí ʻoku totonu ke liʻaki ia. Ko e ngaahi meʻa tefito eni ia ke ngāueʻaki fakafoʻituitui pea ki he akonaki fakatāutahá.

KONGA FIKA 1: Miniti ʻe 10. ʻOku totonu ke fai eni ʻe ha mātuʻa pe ko ha sevāniti fakafaifekau taau, pea ʻe makatuʻunga ia ʻi he Taua Leʻo, Maʻu ʻAonga mei he Ako Fakafaifekau Fakateokalatí, pe “Potu Folofola Kotoa Pe”​—Moʻoni Alafalalaʻanga mo ʻAonga. ʻOku totonu ke fai ia ko ha malanga fakahinohino miniti ʻe hongofulu ʻo ʻikai ha fakamanatu tala ngutu. Ko hono taumuʻá ʻoku ʻikai totonu ko e ʻai pē ke ʻosiki ʻa e fakamatalá ka ke fakahanga ʻa e tokangá ki he ʻaonga moʻoni ʻo e fakamatala ʻoku fai ki ai ʻa e lāuleá, ʻo fakamamafaʻi ʻa e meʻa ʻe ʻaonga lahi taha ki he fakatahaʻangá. ʻOku totonu ke ngāueʻaki ʻa e kaveinga ʻoku fakahaá. ʻOku ʻamanekina ko e fanga tokoua ʻoku vaheʻi ki ai ʻa e konga ko ení te nau tokanga ke ngata pē ʻi he taimi ʻoku fakangatangata ki aí. ʻE fai nai ha akonaki fakafoʻituitui kapau ʻe fiemaʻu.

MEʻA MAHUʻINGA MEI HE LAU TOHI TAPÚ: Miniti ʻe 10. ʻI he ʻuluaki miniti ʻe onó, ʻoku totonu ke ngāue lelei ʻaki ai ʻe ha mātuʻa pe ko ha sevāniti fakafaifekau taau ʻa e fakamatalá ki he ngaahi fiemaʻu fakalotofonuá. Te ne fakamatala nai ki ha konga pē ʻo e lau Tohi Tapú kuo vaheʻi ki he uiké. ʻOku ʻikai totonu ke hoko ko ha fakamatala fakanounou pē eni ʻo e meʻa kuo vaheʻi ke laú. Ko e taumuʻa tefitó ke tokoniʻi ʻa e kau fanongó ke nau mahinoʻi ʻa e ʻuhinga pea mo e founga ʻoku mahuʻinga ai ʻa e fakamatalá. ʻOku totonu ke tokanga ʻa e tokotaha malangá ke ʻoua ʻe fakalaka ʻi he miniti ʻe ono ʻoku fakaʻatā ki he konga kamatá. ʻOku totonu ke ne fakapapauʻi ʻoku vaheʻi ʻa e miniti ʻe faá ke kau mai ki ai ʻa e kau fanongó. ʻOku totonu ke fakaafeʻi ʻa e kau fanongó ke nau fai ha fakamatala nounou (sekoni ʻe 30 pe siʻi ange ai) ki he poini naʻa nau mahuʻingaʻia ai ʻi he lau Tohi Tapú pea mo hono ngaahi ʻaongá. ʻE toki tukuange atu leva ʻe he ʻovasia akó ʻa e kau ako ʻoku vaheʻi ki he ngaahi loki ako kehé.

KONGA FIKA 2: Miniti ʻe 4. Ko e lautohi ʻeni ke fai ʻe ha tokoua. Ko e lautohí ʻe faʻa toʻo pē ia mei he Tohi Tapú. Tuʻo taha ʻi he māhina ʻe kāpui ʻi he konga ko ení ʻa e fakamatala ʻe toʻo mei he Taua Leʻo. ʻOku totonu ke lau ʻe he tokotaha akó ʻa e fakamatala kuo vaheʻí ʻo ʻikai fai ha talateu pe ko ha fakamulituku. ʻI he uike ki he uike, ko e lahi ʻo e fakamatala ʻe laú ʻe kiʻi kehekehe ia ka ʻoku totonu ke miniti ʻe fā ia pe siʻi ange ai. ʻOku totonu ke sio ʻa e ʻovasia akó ki he fakamatalá ki muʻa ke vahe ʻa e ngaahi kongá, ʻo fakatatau ʻa e ngaahi konga ko iá ki he taʻumotuʻa mo e malava ʻa e kau akó. ʻE tautefito ʻa e mahuʻingaʻia ʻa e ʻovasia akó ʻi hono tokoniʻi ʻa e kau akó ke nau lautohi fakataha mo e mahino, pōtoʻi, fakamamafaʻi totonu ʻa e ʻuhingá, fetūkuaki ʻo e leʻó, mālōlō feʻungamālie mo fakanatula.

KONGA FIKA 3: Miniti ʻe 5. ʻE vaheʻi eni ki ha tuofefine. Ko e kau ako ʻoku nau maʻu ʻa e konga ko ení ʻe vaheʻi ange kia kinautolu ha fokotuʻutuʻu pe te nau fili ha taha mei he lisi ʻoku hā ʻi he peesi 82 ʻo e tohi ako, Ako Fakafaifekau. ʻOku totonu ke ngāueʻaki ʻe he tokotaha akó ʻa e kaveinga kuo vaheʻí pea ngāueʻaki ia ki ha tafaʻaki ʻo e malaʻe ngāué ʻa ia ʻoku ʻi ha tuʻunga moʻoni mo ʻaonga ki he feituʻu ngāue ʻo e fakatahaʻanga fakalotofonuá. ʻI he ʻikai fakahaaʻi ha maʻuʻanga fakamatalá, ʻe fiemaʻu ai ki he tokotaha akó ke ne tānaki mai ha fakamatala ki he konga ko ení ʻaki hono fai ha fekumi ʻi he ngaahi tohi kuo tokonaki mai ʻe he kalasi tamaioʻeiki anga-tonu mo potó. Ko e kau ako foʻou angé ʻoku totonu ke vaheʻi ki ai ʻa e ngaahi konga malanga ʻa ia ʻoku ʻoatu ai ʻa e maʻuʻanga fakamatalá. Ko e ʻovasia akó ʻe mahuʻingaʻia ia tautefito ʻi he founga ʻo hono fakahoko ʻe he tokotaha akó ʻa e fakamatalá mo e founga ʻo ʻene tokoniʻi ʻa ʻene tokotaha-ʻapí ke fakaʻuhinga ʻi he Tohi Tapú pea mahinoʻi ʻa e ngaahi poini tefito ʻo e malangá. Ko e kau ako ʻe vaheʻi ki ai ʻa e konga ko ení ʻoku totonu ke nau poto he lautohí. ʻE vaheʻi ʻe he ʻovasia ʻo e akó ha tokotaha tokoni ʻe taha.

KONGA FIKA 4: Miniti ʻe 5. ʻOku totonu ke fakatupulekina ʻe he tokotaha akó ʻa e kaveinga kuo vaheʻí. ʻI he ʻikai fakahaaʻi ʻa e maʻuʻanga fakamatalá, ʻe fiemaʻu ai ki he tokotaha akó ke ne tānaki mai ʻa e fakamatala ki he konga ko ení ʻaki hono fai ha fekumi ʻi he ngaahi tohi kuo tokonaki mai ʻe he kalasi tamaioʻeiki anga-tonu mo potó. ʻI hono vaheʻi ki ha tokoua, ko e konga ko ení ʻe lava ke fai ia ko ha malanga fakataha mo e fakakaukauloto ki he kau fanongo ʻi he Fale Fakatahaʻangá. ʻI hono ʻoange ki ha tuofefine ʻa e konga ko ení, ʻe fakahoko maʻu pē ia ʻo hangē ko e fokotuʻutuʻu ki he Konga Fika 3. Ko e ʻovasia akó te ne ʻoange nai ki ha tokoua ʻa e Konga Fika 4 ʻi ha taimi pē ʻokú ne vakai ai ʻoku feʻungamālie ke fai pehē. Kātaki ʻo fakatokangaʻi ko e ngaahi kaveinga ʻoku tuʻu ai ʻa e fakaʻilonga foʻi fetuʻú ʻoku totonu ke vaheʻi maʻu pē ia ki he fanga tokouá ke nau fai ia ko e ngaahi malanga.

TAIMI: ʻOku ʻikai totonu ke ʻovataimi ha malanga, pea pehē foki ki he fakamatala ʻa e faiakó. Ko e Konga Fika 2 ki he 4 ʻoku totonu ke taʻofi ia ʻi he tuʻunga fakapotopoto ʻi he ʻosi ʻa e taimí. Kapau ʻe ʻovataimi ʻa e fanga tokoua ʻoku nau fai ʻa e malanga kamata ʻi he tuʻunga ʻo e leá, Konga Fika 1, pe meʻa mahuʻinga mei he lau Tohi Tapú, ʻoku totonu ke fai ha akonaki fakafoʻituitui kia kinautolu. ʻOku totonu ke siofi tokanga ʻe he tokotaha kotoa ʻenau taimí. Ko e polokalamá fakakātoa: Miniti ʻe 45, ʻo taʻekau ai ʻa e hivá mo e lotú.

AKONAKI: Miniti ʻe 1. ʻE ngāueʻaki ʻe he ʻovasia akó ʻo ʻikai toe laka hake he miniti ʻe tahá hili ʻa e malanga ʻa e tokotaha ako taki taha ke fai ai ha fakamatala pau ki ha tafaʻaki ʻo e malangá ʻa ia naʻe taau ke fakaongoongoleleiʻí. Ko ʻene taumuʻá ʻoku ʻikai koeʻuhi ke pehē pē “ʻoku lelei,” ka ke tohoakiʻi ʻa e tokangá ki he ngaahi ʻuhinga pau naʻe ola lelei ai ʻa e tafaʻaki ko ia ʻo e malangá. Fakatatau ki he fiemaʻu ʻa e tokotaha ako taki taha, ʻe fai nai ha akonaki pau tāutaha lahi ange hili ʻa e fakatahá pe ʻi ha taimi kehe.

FAIAKO TOKONÍ: Ko e kulupu ʻo e kau mātuʻá te nau fili nai ha mātuʻa pōtoʻi, kapau ʻoku ala maʻu ha taha ʻo tānaki atu ki he ʻovasia akó, ke ne fakahoko ʻa e ngāue ko ha faiako tokoní. Kapau ʻoku ʻi ai ha toe kau mātuʻa ʻi he fakatahaʻangá, ʻe lava ke tokangaʻi leva ʻe ha mātuʻa taau kehe ʻa e ngāue ko ení ʻi he taʻu taki taha. Ko e fatongia ʻo e faiako tokoní ke fai ha akonaki fakafoʻituitui, kapau ʻe fiemaʻu, ki he fanga tokoua ʻoku nau fakahoko ʻa e Konga Fika 1 mo e meʻa mahuʻinga mei he lau Tohi Tapú. ʻOku ʻikai fiemaʻu ia ke ne fai ha akonaki ʻi he hili ʻa e ngaahi malanga taki taha ko ia ʻa e kaungā mātuʻá pe kau sevāniti faifekaú. Ko e fokotuʻutuʻu ko ení ʻe fakahoko ia lolotonga ʻa e 2005 pea ʻe feʻunuʻaki nai ʻi he hili iá.

FOOMU AKONAKI: ʻI he tohi akó.

FAKAMANATU TALA NGUTU: Miniti ʻe 30. ʻI he māhina ʻe ua kotoa pē, ʻe fai ai ʻe he ʻovasia akó ha fakamanatu tala ngutu. ʻE muʻomuʻa ai ʻa e lāulea fekauʻaki mo e tuʻunga ʻo e leá pea mo e meʻa mahuʻinga mei he lau Tohi Tapú hangē ko ia ʻoku fakahaaʻi ʻi ʻolungá. Ko e fakamanatu tala ngutú ʻe makatuʻunga ia ʻi he fakamatala naʻe lāulea ki ai ʻi he akó ʻi he māhina ʻe ua ki muʻá, ʻo kau ai ʻa e uike lolotongá. Kapau ko hoʻo fakatahaʻangá ʻoku ʻi ai ha ʻasemipilī fakasēketi pe ko e ʻaʻahi ʻa e ʻovasia sēketí ʻi he uike ʻo e fakamanatu tala ngutú, muimui leva ʻi he ngaahi fakahinohino ki hono fakataimitēpileʻí ʻa ia ʻoku maʻu ʻi he peesi 8 ʻo ʻEtau Ngāue Fakafaifekau ʻo e Puleʻanga ʻo Tīsema 2003.

TAIMI-TĒPILE

San. 3 Lau Tohi Tapu: Siosiua 16-​20 Hiva 3 (32)

Tuʻunga ʻo e Leá: Mahinongofua ki he Niʻihi Kehé (be p. 226 ¶1–p. 227 ¶1)

Fika 1: Manavahē ki he ʻOtua Moʻoní (be p. 272 ¶1–p. 273 ¶1)

Fika 2: Siosiua 16:1–​17:4

Fika 3: ʻUhinga ʻOku ʻIkai Feʻunga Ai ʻa Hono Lau Pē ʻo e Tohi Tapú (rs-E p. 328 ¶2-3)

Fika 4: Ko e Hoko ʻo Koloaʻiá pe Hoko ʻo Masivá ko ha Fakaʻilonga Ia ʻo e Anga-Fakaʻotua Moʻoni he ʻAho Ní?

San. 10 Lau Tohi Tapu: Siosiua 21-​24 Hiva 26 (212)

Tuʻunga ʻo e Leá: Fakamatalaʻi ʻa e Ngaahi Kupuʻi Lea ʻIkai Anga-Mahení (be p. 227 ¶2–p. 228 ¶1)

Fika 1: Ko Hono ʻAi ke ʻIloa ʻa e Huafa ʻo e ʻOtuá (be p. 273 ¶2–p. 274 ¶1)

Fika 2: Siosiua 23:​1-​13

Fika 3: Ko e Lotu Moʻoní ʻOku Makatuʻunga Ia ʻi he Tohi Tapú pea ʻOkú Ne ʻAi ke ʻIloa ʻa e Huafa ʻo e ʻOtuá (rs-E p. 328 ¶4-5)

Fika 4: ʻOku Totonu ke Lotu kia Sīsū?

San. 17 Lau Tohi Tapu: Fakamaau 1-4 Hiva 20 (93)

Tuʻunga ʻo e Leá: ʻOmai ʻa e Fakamatala ʻOku Fiemaʻú (be p. 228 ¶2-3)

Fika 1: Ko e Tokotaha ʻOku Fakaʻilongaʻiʻaki ʻa e Huafá (be p. 274 ¶2-5)

Fika 2: Fakamaau 2:​1-​10

Fika 3: Ko e Lotu Moʻoní ʻOkú Ne Fakahāhā ʻa e Tui Moʻoni kia Sīsū Kalaisi (rs-E p. 329 ¶1)

Fika 4: ʻE Lava Fēfē Ke Ke Maluʻi Koe mei he Ngaahi Faiva Hiva Fakatupu Maumaú?

San. 24 Lau Tohi Tapu: Fakamaau 5-7 Hiva 11 (85)

Tuʻunga ʻo e Leá: Founga ʻOku Kau Ai ʻa e Lotó (be p. 228 ¶4–p. 229 ¶1)

Fika 1: Huafa ʻo e ʻOtuá​—“Ko e Taua Malohi” (be p. 274 ¶6–p. 275 kaveinga tokoni)

Fika 2: Fakamaau 6:​25-​35

Fika 3: ʻOku Totonu ke Fēfē ʻa e Kaunga ʻa e Tohi Tapú ki Heʻetau Tauʻatāina ke Filí?

Fika 4: Ko e Lotu Moʻoní ʻOku ʻIkai ke Fakaeouau ka ko ha Founga Ia ʻo e Moʻuí (rs-E p. 329 ¶2)

San. 31 Lau Tohi Tapu: Fakamaau 8-​10 Hiva 16 (143)

Tuʻunga ʻo e Leá: Fakatupu-ʻIlo ki Hoʻo Kau Fanongó (be p. 230 ¶1-6)

Fika 1: Fakamoʻoni kia Sīsū (be p. 275 kaveinga tokoni–p. 275 ¶7)

Fika 2: w03 1/15 p. 19-​20 ¶16-​18

Fika 3: Ko e Kau Mēmipa ʻo e Lotu Moʻoní ʻOku Nau Feʻofaʻaki pea Hanganaki Mavahe mei he Māmaní (rs-E p. 329 ¶3-4)

Fika 4: Ko e Tuli ki he Meʻa Fakamatelié ʻOku ʻUhinga Ia ki he Meʻa Lahi Ange ʻi Hono Maʻu Mai Pē ʻo e Koloá

Fep. 7 Lau Tohi Tapu: Fakamaau 11-​14 Hiva 25 (204)

Tuʻunga ʻo e Leá: Ko Hono ʻAi ha Malanga ke Fakatupu-ʻIlo Fakafou ʻi he Fekumí (be p. 231 ¶1-3)

Fika 1: Fakamamafaʻi ʻa e Ngafa ʻo Sīsū ko e Tokotaha-Faifakamoʻuí (be p. 276 ¶1-2)

Fika 2: Fakamaau 12:​1-​15

Fika 3: ʻUhinga ʻOku Fāʻūtaha Ai ʻa e Kau Fakamoʻoni ʻa Sihová

Fika 4: Ko e Kau Mēmipa ʻo e Lotu Moʻoní ko e Kau Fakamoʻoni Longomoʻui Kinautolu Fekauʻaki mo e Puleʻanga ʻo e ʻOtuá (rs-E p. 330 ¶1)

Fep. 14 Lau Tohi Tapu: Fakamaau 15-​18 Hiva 28 (224)

Tuʻunga ʻo e Leá: Ko Hono Fakamatalaʻi ʻa e Ngaahi Konga Tohi Tapú (be p. 231 ¶4-5)

Fika 1: Ko Hono Fakamamafaʻi ʻa e Ongo Ngafa ʻo Sīsū ko e Taulaʻeiki Lahí pea mo e ʻUlu ʻo e Fakatahaʻangá (be p. 277 ¶1-2)

Fika 2: Fakamaau 15:​9-​20

Fika 3: aKapau ʻe Pehē ʻe ha Taha, ‘Kehe Pē ʻOkú Ke Tui kia Sīsū, ʻOku ʻIkai ke Mahuʻinga Moʻoni pe Ko e Hā ʻa e Siasi ʻOkú Ke Kau ki Aí’ (rs-E p. 332 ¶2)

Fika 4: ʻUhinga ʻOku ʻIkai Fiemaʻu Ai ʻa e Fakamoheʻi Fakaʻatamaí (Hypnotism) ki he Kau Kalisitiané

Fep. 21 Lau Tohi Tapu: Fakamaau 19-​21 Hiva 8 (53)

Tuʻunga ʻo e Leá: Ko Hono Fakamatalaʻi ʻa e ʻUhinga ʻo e Ngaahi Kupuʻi Leá (be p. 232 ¶1)

Fika 1: Ko Hono Fakamamafaʻi ʻa e Ngafa ʻo Sīsū ko e Tuʻi ʻOku Lolotonga Pulé (be p. 277 ¶3-4)

Fika 2: w03 2/1 p. 17-​18 ¶18-​21

Fika 3: bKapau ʻe Pehē ʻe ha Taha, ‘Ko e Hā ʻOkú Ne ʻAi Ke Ke Fakakaukau ʻOku Taha Pē ʻa e Lotu ʻOku Moʻoní?’ (rs-E p. 332 ¶3)

Fika 4: Ko e Hā ʻa e Niʻihi ʻo e ‘Ngaahi Meʻa Loloto ʻa e ʻOtuá’? (1 Kol. 2:​10)

Fep. 28 Lau Tohi Tapu: Lute 1-4 Hiva 13 (124)

Tuʻunga ʻo e Leá: Fakaʻuhinga ʻi he Ngaahi Konga Tohí (be p. 232 ¶2-4)

Fakamanatu Tala Ngutu

Mas. 7 Lau Tohi Tapu: 1 Samiuela 1-4 Hiva 27 (221)

Tuʻunga ʻo e Leá: Filifili ʻa e Fakamatala ʻa Ia ʻe ʻAonga ki Hoʻo Kau Fanongó (be p. 233 ¶1-5)

Fika 1: Fakatoka ʻa Kalaisi ko e Makatuʻungá (be p. 278 ¶1-4)

Fika 2: 1 Samiuela 2:​1-​11

Fika 3: Naʻe ʻIkai ke Hāʻele Hake ʻa Sīsū ki Hēvani ʻi ha Sino Fakaekakano (rs-E p. 334 ¶1-3)

Fika 4: ʻUhinga ʻOku ʻIkai Kumi Faleʻi Ai ʻa e Kau Kalisitiane Moʻoní ki he Ngaahi Fakamatala Fakaʻasitalolosiá (Horoscopes)

Mas. 14 Lau Tohi Tapu: 1 Samiuela 5-9 Hiva 18 (162)

Tuʻunga ʻo e Leá: Ngāueʻaki ʻa e Fakamatala Kuo Vaheʻí (be p. 234 ¶1–p. 235 ¶3)

Fika 1: Ko e Ongoongo Leleí Ni ʻo e Puleʻangá (be p. 279 ¶1-4)

Fika 2: 1 Samiuela 5:​1-​12

Fika 3: Ko e Hā Naʻe Hā Ai ʻa Sīsū ʻi ha Ngaahi Sino Fakamatelié (rs-E p. 334 ¶4–p. 335 ¶2)

Fika 4: Founga ʻe Lava Ke Tau ʻAi Ai ke Mālohi ʻEtau Kaumeʻa mo Sihová

Mas. 21 Lau Tohi Tapu: 1 Samiuela 10-​13 Hiva 4 (43)

Tuʻunga ʻo e Leá: Ngāue Ola Lelei ʻAki ʻa e Ngaahi Fehuʻí (be p. 236 ¶1-5)

Fika 1: Fakamatalaʻi ʻa e Meʻa ʻOku ʻUhinga ki Ai ʻa e Puleʻangá (be p. 280 ¶1-5)

Fika 2: 1 Samiuela 10:​1-​12

Fika 3: ʻOku Totonu ke Fēfē ʻa e Tōʻongafai ʻa e Kau Kalisitiané ki he Faʻahinga ʻOku Nau ʻOfa Ai ʻOku ʻIkai Te Nau Kau ʻi Heʻenau Tuí?

Fika 4: Ko e Faʻahinga ʻOku Toetuʻu ke Pule Fakataha mo Kalaisí Te Nau Hoko ʻo Hangē ko Iá (rs-E p. 335 ¶4–p. 336 ¶2)

Mas. 28 Lau Tohi Tapu: 1 Samiuela 14-​15 Hiva 21 (191)

Tuʻunga ʻo e Leá: Ngaahi Fehuʻi ke Fakahoko ʻa e Ngaahi Fakakaukau Mahuʻingá (be p. 237 ¶1-2)

Fika 1: Ko Hono Fakamatalaʻi ʻa e Kaunga kia Kitautolu ʻa e Puleʻangá (be p. 281 ¶1-4)

Fika 2: w03 3/15 p. 19-​20 ¶17-​21

Fika 3: ʻUhinga ʻOku Totongi Ai ʻe he Kau Kalisitiané ʻEnau Ngaahi Tukuhaú

Fika 4: ʻUhinga ʻo e Toetuʻú ki he Faʻahinga Fakalūkufua ʻo e Tangatá (rs-E p. 336 ¶3–p. 337 ¶3)

ʻEp. 4 Lau Tohi Tapu: 1 Samiuela 16-​18 Hiva 11 (85)

Tuʻunga ʻo e Leá: Ngaahi Fehuʻi ke Fakaʻuhinga Ai ʻi ha Tuʻunga-Lea (be p. 237 ¶3–p. 238 ¶2)

Fika 1: ʻUhinga ʻOku Mahuʻinga Ai ʻa e Akó ki he Kau Kalisitiané (w03 3/15 p. 10 ¶1–p. 11 ¶5)

Fika 2: 1 Samiuela 17:​41-​51

Fika 3: ʻUhinga ʻE ʻIkai Fakahalaiaʻi Ai ʻa e Faʻahinga ʻe Toetuʻú ʻi Heʻenau Ngaahi Ngāue he Kuohilí (rs-E p. 338 ¶1)

Fika 4: Ko e Fakalaulauloto ki he Ngaahi Nunuʻá ʻe Lava Ke Ne Tokoniʻi Kitautolu ke ʻOfa ki he Meʻa ʻOku Leleí pea Fehiʻa ki he Meʻa ʻOku Koví

ʻEp. 11 Lau Tohi Tapu: 1 Samiuela 19-​22 Hiva 9 (37)

Tuʻunga ʻo e Leá: Ngaahi Fehuʻi ke Tohoakiʻi Mai Ai ʻa e Ngaahi Ongoʻi ʻi Lotó (be p. 238 ¶3-5)

Fika 1: Founga ʻe Lava ke Laka ki Muʻa Fakalaumālie Ai ʻa e Toʻutupú (w03 4/1 p. 8-​10)

Fika 2: 1 Samiuela 20:​24-​34

Fika 3: ʻUhinga ko ha ʻUlungāanga Fakamānako Ai ʻa e Anga-Fakanānā Moʻoní

Fika 4: Founga ʻo e Moʻui Hake ʻi he Māmaní ʻa e “Toe ʻo e Pekia” (rs-E p. 338 ¶2–p. 339 ¶2)

ʻEp. 18 Lau Tohi Tapu: 1 Samiuela 23-​25 Hiva 11 (85)

Tuʻunga ʻo e Leá: Ngaahi Fehuʻi ke Tānaki Atu ʻa e Fakamamafá (be p. 239 ¶1-2)

Fika 1: Falala kia Sihova ʻAki Ho Lotó Kotoa (w03 11/1 p. 4-7)

Fika 2: w03 5/1 p. 17 ¶11-​14

Fika 3: Ko e Faʻahinga ko Ia ʻOku Fakakau ki he Toetuʻu ki he Māmaní (rs-E p. 339 ¶3–p. 340 ¶3)

Fika 4: ʻUhinga Naʻe Fai Ai ʻa e Fuakava ʻia ʻĒpalahamé

ʻEp. 25 Lau Tohi Tapu: 1 Samiuela 26-​31 Hiva 7 (51)

Tuʻunga ʻo e Leá: Ngaahi Fehuʻi ke Fakaeʻa ʻa e Fakakaukau Halá (be p. 239 ¶3-5)

Fakamanatu Tala Ngutu

Mē 2 Lau Tohi Tapu: 2 Samiuela 1-3 Hiva 20 (93)

Tuʻunga ʻo e Leá: Ngaahi Similī mo e Ngaahi Metafoa ʻOku Akoʻaki (be p. 240 ¶1–p. 241 ¶1)

Fika 1: Ko e Akó ʻOku ʻIkai Koeʻuhí Pē ke Maʻu ha Ngāue (w03 3/15 p. 11 ¶6–p. 14 ¶5)

Fika 2: 2 Samiuela 2:​1-​11

Fika 3: Ko e Ngaahi Meʻa Fekauʻaki mo e ʻI Ai ʻa Kalaisí ʻOku Hoko Ia ʻi ha Vahaʻa Taimi ʻo e Ngaahi Taʻu (rs-E p. 341 ¶1-2)

Fika 4: Ko e Ngaahi ʻAonga Lahi ʻo e Faitotonú

Mē 9 Lau Tohi Tapu: 2 Samiuela 4-8 Hiva 27 (221)

Tuʻunga ʻo e Leá: Ngāueʻaki ʻa e Ngaahi Fakatātā (be p. 241 ¶2-4)

Fika 1: ʻOku Mahuʻingaʻia Moʻoni ʻa Sihova ʻi he Kau Talavoú (w03 4/15 p. 29 ¶4–p. 31 ¶4)

Fika 2: 2 Samiuela 5:​1-​12

Fika 3: Ko e Hā Naʻe Fakahoko ʻe he Fuakava Laó?

Fika 4: ʻOku Taʻehāmai ʻa e Toe Foki Mai ʻa Kalaisí (rs-E p. 341 ¶3–p. 342 ¶2)

Mē 16 Lau Tohi Tapu: 2 Samiuela 9-​12 Hiva 23 (200)

Tuʻunga ʻo e Leá: Ngaahi Fakatātā ʻi he Tohi Tapú (be p. 242 ¶1-2)

Fika 1: ʻOku Fakatokangaʻi ʻe Sihova ʻa e Meʻa ʻOkú Ke Faí? (w03 5/1 p. 28-​31)

Fika 2: 2 Samiuela 9:​1-​13

Fika 3: Ko e Anga ʻo e Toe Foki Mai ʻa Sīsuú mo e Founga ʻE Mamata Ai Kiate Ia ʻa e Mata Kotoa Pē (rs-E p. 342 ¶4–p. 343 ¶5)

Fika 4: ʻI he Ngaahi Founga Fē ʻOku Moʻui Ai ʻa e Folofola ʻa e ʻOtuá? (Hep. 4:​12)

Mē 23 Lau Tohi Tapu: 2 Samiuela 13-​15 Hiva 26 (212)

Tuʻunga ʻo e Leá: ʻE Mahinoʻi Ia? (be p. 242 ¶3–p. 243 ¶1)

Fika 1: Ko e Tohi Loka ʻa Noá​—ʻOku ʻI Ai Hano ʻUhinga kia Kitautolu? (w03 5/15 p. 4-7)

Fika 2: 2 Samiuela 13:​10-​22

Fika 3: ʻOku Totonu ke Fēfē ʻEtau Mahinoʻi ʻa e Sione 11:​25, 26?

Fika 4: Ngaahi Meʻa Fekauʻaki mo e ʻI Ai ʻa Kalaisí (rs-E p. 344 ¶1-5)

Mē 30 Lau Tohi Tapu: 2 Samiuela 16-​18 Hiva 7 (51)

Tuʻunga ʻo e Leá: Ngaahi Talanoa Fakatātā mei he Ngaahi Tuʻunga Anga-Maheni (be p. 244 ¶1-2)

Fika 1: Fakakaukau Lelei pea Ngāue Fakapotopoto (w03 7/15 p. 21-​3)

Fika 2: w03 5/15 p. 16-​17 ¶8-​11

Fika 3: ʻOku ʻIkai Fiemaʻu ki he Kau Kalisitiané Ke Nau Tauhi ʻa e Sāpaté (rs-E p. 345 ¶2–p. 346 ¶3)

Fika 4: ʻUhinga ʻOku ʻIkai Ai ko ha Vaivaiʻanga ʻa e Anga-Fakatōkilaló

Sune 6 Lau Tohi Tapu: 2 Samiuela 19-​21 Hiva 28 (224)

Tuʻunga ʻo e Leá: Ngaahi Talanoa Fakatātā Feʻungamālie ki Hoʻo Kau Fanongó (be p. 244 ¶3–p. 245 ¶4)

Fika 1: Mahinoʻi ʻa e Taumuʻa ʻo e Akonakí (w03 10/1 p. 20 ¶1–p. 21 ¶5)

Fika 2: 2 Samiuela 19:​1-​10

Fika 3: ʻE Lava Fēfē ke Hū ha Kalisitiane ki he Mālōlōʻanga ʻa e ʻOtuá?

Fika 4: ʻIkai ha Lēkooti Fakatohitapu ʻo Hano Tauhi ʻe ʻĀtama ʻa e ʻAho Sāpaté (rs-E p. 346 ¶4–p. 347 ¶2)

Sune 13 Lau Tohi Tapu: 2 Samiuela 22-​24 Hiva 11 (85)

Tuʻunga ʻo e Leá: Ngāue Ola Lelei ʻAki ʻa e Ngaahi Tokoni ki he Mamatá (be p. 247 ¶1-2)

Fika 1: Hoko ʻo Akoʻingofua pea Maluʻi Ho ʻEleló (w03 9/15 p. 21 ¶1–p. 22 ¶4)

Fika 2: 2 Samiuela 24:​10-​17

Fika 3: Naʻe ʻIkai ke Vahevahe ʻe Sīsū ʻa e Lao ʻa Mōsesé ki ha Ongo Konga “Fakaeouau” mo “Fakaeʻulungāanga” (rs-E p. 347 ¶3–p. 348 ¶1)

Fika 4: ʻI he Ngaahi Founga Fē Kuo Pau Ai ke Mavahe ha Kalisitiane mei he Māmaní?

Sune 20 Lau Tohi Tapu: 1 Tuʻi 1-2 Hiva 7 (51)

Tuʻunga ʻo e Leá: Founga Hono Ngāueʻaki ʻe Sīsū ʻa e Ngaahi Tokoni ki he Mamatá (be p. 247 ¶3)

Fika 1: Ako ki he Fakapulipuli ʻo e Toponó (w03 6/1 p. 8-​11)

Fika 2: w03 6/1 p. 12-​13 ¶1-4

Fika 3: Ko e Hā Naʻe Mahuʻinga Tefito Fekauʻaki mo e Fekau Hono Hongofulú?

Fika 4: Ko e Fekau ʻe Hongofulú Naʻe ʻOsi Fakataha Ia mo e Lao ʻa Mōsesé (rs-E p. 348 ¶2-3)

Sune 27 Lau Tohi Tapu: 1 Tuʻi 3-6 Hiva 6 (45)

Tuʻunga ʻo e Leá: Ngaahi Founga ke Ngāueʻaki Ai ʻa e Ngaahi Tokoni ki he Mamatá (be p. 248 ¶1-3)

Fakamanatu Tala Ngutu

Siu. 4 Lau Tohi Tapu: 1 Tuʻi 7-8 Hiva 20 (93)

Tuʻunga ʻo e Leá: Ko Hono Ngāueʻaki ʻo e Ngaahi Mapé, Ngaahi Polokalama ʻAsemipilī Kuo Pulusí mo e Ngaahi Vitioó (be p. 248 ¶4–p. 249 ¶2)

Fika 1: Fakamahuʻingaʻi ʻa e Kaungātui Taʻumotuʻá (w03 9/1 p. 30-​1)

Fika 2: 1 Tuʻi 8:​1-​13

Fika 3: Naʻe Anga-Fēfē Hono Ikunaʻi ʻe Sīsū ʻa e Māmaní?

Fika 4: ʻUhinga Naʻe ʻIkai ke Toʻo Ai ʻa e Fakangatangata Fakaeʻulungāangá ʻi he Taimi Naʻe ʻOsi Ai ʻa e Fekau ʻe Hongofulú (rs-E p. 349 ¶1-2)

Siu. 11 Lau Tohi Tapu: 1 Tuʻi 9-​11 Hiva 21 (191)

Tuʻunga ʻo e Leá: Ngāueʻaki ʻa e Ngaahi Tokoni ki he Mamatá ki he Ngaahi Kulupu Lalahi Angé (be p. 249 ¶3–p. 250 ¶1)

Fika 1: Fakamoʻoni Naʻe ʻAʻeva ʻa Sīsū Kalaisi ʻi he Māmaní (w03 6/15 p. 4-7)

Fika 2: 1 Tuʻi 9:​1-9

Fika 3: ʻUhinga ʻo e Sāpaté ki he Kau Kalisitiané (rs-E p. 349 ¶3–p. 351 ¶2)

Fika 4: ʻE Lava ke Ikuʻi ʻa e Maʻunimā ʻe he Faitoʻo Kona Tapú ʻAki ʻa e Muimui ki he Ngaahi Tefitoʻi Moʻoni Fakatohitapú

Siu. 18 Lau Tohi Tapu: 1 Tuʻi 12-​14 Hiva 18 (162)

Tuʻunga ʻo e Leá: ʻUhinga ʻOku Mahuʻinga Ai ha Founga Fakaʻuhingá (be p. 251 ¶1-3)

Fika 1: Mei he Ngaahi Fakakaukaú ki he Ngaahi Ngāué pea mei Ai ki he Ngaahi Olá (w03 1/15 p. 30 ¶1-3)

Fika 2: 1 Tuʻi 12:​1-​11

Fika 3: Founga ʻe Lava ke Tokoniʻi Ai Kitautolu ʻe he Tuí ke Fekuki mo e Ngaahi ʻAhiʻahí

Fika 4: Faʻahinga ʻOku Lave ki Ai ʻa e Tohi Tapú ko e Kau Sangató (rs-E p. 352 ¶1–p. 353 ¶1)

Siu. 25 Lau Tohi Tapu: 1 Tuʻi 15-​17 Hiva 9 (37)

Tuʻunga ʻo e Leá: Meʻa ke Kamata Aí (be p. 251 ¶4–p. 252 ¶3)

Fika 1: Founga ke ‘Ilo Ai be Koeha ae Finagalo oe Eikí’ (w03 12/1 p. 21 ¶3–p. 23 ¶2)

Fika 2: w03 7/15 p. 19 ¶15-​17

Fika 3: ʻUhinga ʻOku ʻIkai Ke Tau Lotu Ai ki he “Kau Sangató” (rs-E p. 353 ¶2-4)

Fika 4: ʻOku Anga-Fēfē Hono Fakafiemālieʻi ʻe he Laumālie Māʻoniʻoní ʻa e Kau Kalisitiané?

ʻAo. 1 Lau Tohi Tapu: 1 Tuʻi 18-​20 Hiva 1 (13)

Tuʻunga ʻo e Leá: Taimi ke ʻUlutukua Aí (be p. 252 ¶4–p. 253 ¶2)

Fika 1: Toʻutupu, ʻAʻeva Taau mo Sihova (w03 10/15 p. 23 ¶1–p. 24 ¶1)

Fika 2: 1 Tuʻi 18:​1-​15

Fika 3: ʻOku Lava ke Fua Lahi ʻa e Kau Kalisitiane Kotoa Pē

Fika 4: Ko e Moʻoni Fekauʻaki mo Hono Fakalāngilangiʻi ʻa e Ngaahi Meʻa Tauhi Fakamanatú mo e ʻĪmisi ʻo e “Kau Sangató” (rs-E p. 354 ¶1–p. 355 ¶1)

ʻAo. 8 Lau Tohi Tapu: 1 Tuʻi 21-​22 Hiva 18 (162)

Tuʻunga ʻo e Leá: ʻEke ʻa e Ngaahi Fehuʻi pea ʻOange ha Ngaahi ʻUhinga (be p. 253 ¶3–p. 254 ¶2)

Fika 1: Ko e Fakaleleiʻanga Tuʻuloa ki he Masivá (w03 8/1 p. 4-7)

Fika 2: 1 Tuʻi 21:​15-​26

Fika 3: Ko e Kau Sangato Kalisitiane Moʻoní ʻOku ʻIkai Te Nau ʻAtā mei he Angahalá (rs-E p. 355 ¶2)

Fika 4: Ko e Hā Kuo Pau Ai Ke Tau Maʻu ʻa e Loto-Toʻá, pea ʻe Lava Fēfē Ke Tau Fakatupulekina Ia?

ʻAo. 15 Lau Tohi Tapu: 2 Tuʻi 1-4 Hiva 23 (200)

Tuʻunga ʻo e Leá: Ngaahi Fakaʻuhinga Lelei Makatuʻunga Fefeka ʻi he Folofola ʻa e ʻOtuá (be p. 255 ¶1–p. 256 ¶2)

Fika 1: Kuo Mou Maʻu Taʻetotongi pea Mou ʻAtu Taʻetotongi (w03 8/1 p. 20-​2)

Fika 2: 2 Tuʻi 3:​1-​12

Fika 3: Ko e Hā Naʻe Moʻui Fuoloa ʻAupito Ai ʻa e Kakai ki Muʻa ʻi he Lōmakí?

Fika 4: Ko e Fakamoʻui Fakalūkufuá ʻOku ʻIkai ke Fakatohitapu (rs-E p. 356 ¶3)

ʻAo. 22 Lau Tohi Tapu: 2 Tuʻi 5-8 Hiva 18 (162)

Tuʻunga ʻo e Leá: Poupouʻi ʻa e Ngaahi Fakaʻuhingá ʻe he Fakamoʻoni Fakalahí (be p. 256 ¶3-5)

Fika 1: Ko Hono Ako ʻa e Pōtoʻi ʻi he Hoko ʻo Fai Fakapotopotó (w03 8/1 p. 29-​31)

Fika 2: w03 8/1 p. 19 ¶18-​22

Fika 3: ʻE Iku ʻo Fakamoʻui ʻa e Faʻahinga Kotoa ʻo e Tangatá? (rs-E p. 357 ¶1)

Fika 4: Ko e Hā ʻa e Ngaahi ʻUlungāanga Lelei ʻo Siona ʻOku Totonu Ke Tau Faʻifaʻitaki ki Aí?

ʻAo. 29 Lau Tohi Tapu: 2 Tuʻi 9-​11 Hiva 25 (204)

Tuʻunga ʻo e Leá: Ko Hono ʻOatu ha Fakamoʻoni Feʻunga (be p. 257 ¶1-4)

Fakamanatu Tala Ngutu

Sep. 5 Lau Tohi Tapu: 2 Tuʻi 12-​15 Hiva 17 (187)

Tuʻunga ʻo e Leá: Feinga ke Aʻu ki he Lotó (be p. 258 ¶1-5)

Fika 1: ʻOkú Ke Kumi Fakamātoato kia Sihova? (w03 8/15 p. 25-​8)

Fika 2: 2 Tuʻi 12:​1-​12

Fika 3: Ko e Hā ke Tuli Ai ki he Anga-Maluú?

Fika 4: ʻE Fakamoʻui ʻa e ‘Faʻahinga Kakai Kotoa Pe’ (rs-E p. 357 ¶2)

Sep. 12 Lau Tohi Tapu: 2 Tuʻi 16-​18 Hiva 5 (46)

Tuʻunga ʻo e Leá: Ko Hono ʻIloʻi ʻa e Meʻa ʻOku ʻi he Loto ʻo e Kakaí (be p. 259 ¶1-3)

Fika 1: Ko e Hā Naʻe Manatua ʻe he Kakaí Fekauʻaki mo Sīsuú? (w03 8/15 p. 6 ¶6–p. 8 ¶6)

Fika 2: 2 Tuʻi 16:​10-​20

Fika 3: ʻOku Pehē ʻe he Tohi Tapú ʻe ʻI Ai ʻa e Niʻihi ʻE ʻIkai ʻAupito ke Fakamoʻui (rs-E p. 358 ¶1-3)

Fika 4: ʻE Lava Fēfē Ke Tau Fakapapauʻi ʻa e Meʻa ʻOku Hōifua Ai ʻa e ʻEikí?

Sep. 19 Lau Tohi Tapu: 2 Tuʻi 19-​22 Hiva 23 (200)

Tuʻunga ʻo e Leá: Langaʻi ʻa e Ngaahi Ongoʻi ʻAonga (be p. 259 ¶4–p. 260 ¶1)

Fika 1: “Hanganaki Piki ki he Sīpinga ʻo e Ngaahi Lea Fakatupu Moʻui” (w03 1/1 p. 29 ¶2–p. 30 ¶4)

Fika 2: 2 Tuʻi 19:​20-​28

Fika 3: Ko e Fakamoʻuí Pē ʻOku ʻIkai ʻUhinga Ia ʻe Fakamoʻui Maʻu Ai Pē (rs-E p. 358 ¶4–p. 359 ¶1)

Fika 4: Ko e Hā ʻe Lava Ke Tau Ako mei Hotau Fanga Tokoua Kalisitiane ʻi Sīmana ʻo e Kuonga Muʻá?

Sep. 26 Lau Tohi Tapu: 2 Tuʻi 23-​25 Hiva 20 (93)

Tuʻunga ʻo e Leá: Ko Hono Tokoniʻi ʻa e Niʻihi Kehé ke Fakatupulekina ʻa e Manavahē-ʻOtuá (be p. 260 ¶2-3)

Fika 1: Ko e Tohi Tapú mo Hono Tohi Fakamoʻoniʻangá​—Konga 1 (bsi05 p. 3-4 ¶1-6)

Fika 2: w03 8/15 p. 20 ¶6-​10

Fika 3: ʻOku Tau Fakatuʻamelie Fekauʻaki mo e Kahaʻú

Fika 4: ʻUhinga Kuo Pau Ai ke Maʻu ʻe he Tuí ʻa e Ngaahi Ngāué (rs-E p. 359 ¶2-5)

ʻOka. 3 Lau Tohi Tapu: 1 Kalonikali 1-4 Hiva 7 (51)

Tuʻunga ʻo e Leá: ʻOku Mahuʻinga ki he ʻOtuá ʻa Hotau ʻUlungāangá (be p. 260 ¶4–p. 261 ¶1)

Fika 1: Ko e Tohi Tapú mo Hono Tohi Fakamoʻoniʻangá​—Konga 2 (bsi05 p. 4-6 ¶7-​16)

Fika 2: 1 Kalonikali 4:​24-​42 (24-43, PM)

Fika 3: ʻUhinga ʻOku Tau ʻIloʻi Ai ʻOku ʻI Ai Moʻoni ha Tēvoló (rs-E p. 361 ¶2–p. 362 ¶2)

Fika 4: ʻOku ʻOfa Mai ʻa Sihova kia Kitautolu ʻi Hotau Tuʻunga Fakatāutahá

ʻOka. 10 Lau Tohi Tapu: 1 Kalonikali 5-7 Hiva 17 (187)

Tuʻunga ʻo e Leá: Tokoniʻi ʻa e Niʻihi Kehé ke Fai ha Sivisiviʻi (be p. 261 ¶2-4)

Fika 1: Ko e Tohi Tapú mo Hono Tohi Fakamoʻoniʻangá​—Konga 3 (bsi05 p. 8-11 ¶17-​26)

Fika 2: 1 Kalonikali 5:​18-​26

Fika 3: Meʻa ʻOku Tau ʻIloʻi Fekauʻaki mo e “ʻAho ʻo Sihová”

Fika 4: Ko Sētané ʻOku ʻIkai ko ha Kovi Pē Ia ʻi Loto ʻi he Kakaí (rs-E p. 362 ¶3–p. 363 ¶1)

ʻOka. 17 Lau Tohi Tapu: 1 Kalonikali 8-​11 Hiva 23 (200)

Tuʻunga ʻo e Leá: Ko Hono Pouaki ʻa e Talangofua Loto-Moʻoní (be p. 262 ¶1-4)

Fika 1: Ko e Konga Tohi Faka-Hepelū ʻo e Tohi Tapu Māʻoniʻoní​—Konga 1 (bsi05 p. 12-13 ¶1-5)

Fika 2: 1 Kalonikali 10:​1-​14

Fika 3: Naʻe ʻIkai ke Fakatupu ʻe he ʻOtuá ʻa e Tēvoló (rs-E p. 363 ¶2)

Fika 4: Ko Hai ʻOku Totonu Ke Tau Fai Fakapotopoto ki Aí?

ʻOka. 24 Lau Tohi Tapu: 1 Kalonikali 12-​15 Hiva 9 (37)

Tuʻunga ʻo e Leá: Ko e Ngāue Fāitaha mo Sihova ʻi he Aʻu ki he Loto ʻo e Kakaí (be p. 262 ¶5)

Fika 1: Ko e Konga Tohi Faka-Hepelū ʻo e Tohi Tapu Māʻoniʻoní​—Konga 2 (bsi05 p. 13-14 ¶6-9)

Fika 2: w03 11/1 p. 10-​11 ¶10-​13

Fika 3: ʻUhinga Moʻoni ʻo e ʻAʻeva ʻi he Huafa ʻo Sihová

Fika 4: ʻUhinga Naʻe ʻIkai ke Fakaʻauha Vave Ai ʻe he ʻOtuá ʻa Sētane ʻi he Hili ʻEne Angatuʻú (rs-E p. 363 ¶3–p. 364 ¶1)

ʻOka. 31 Lau Tohi Tapu: 1 Kalonikali 16-​20 Hiva 16 (143)

Tuʻunga ʻo e Leá: Lavaʻi ʻa e Taimi Lelei (be p. 263 ¶1–p. 264 ¶4)

Fakamanatu Tala Ngutu

Nōv. 7 Lau Tohi Tapu: 1 Kalonikali 21-​25 Hiva 3 (32)

Tuʻunga ʻo e Leá: Enginaki Ola Lelei (be p. 265 ¶1–p. 266 ¶1)

Fika 1: Ko e Konga Tohi Faka-Hepelū ʻo e Tohi Tapu Māʻoniʻoní​—Konga 3 (bsi05 p. 14-​18 ¶10-​16)

Fika 2: 1 Kalonikali 21:30e–22:​10 (22:​1-10, PM)

Fika 3: ʻOua ʻe Fakafuofuahalaʻi ʻa e Mālohi ʻo e Tēvoló (rs-E p. 364 ¶2–p. 365 ¶2)

Fika 4: cFounga ʻe Lava ke ʻAi Ai ke Mālohi ʻa e Nofo Malí

Nōv. 14 Lau Tohi Tapú: 1 Kalonikali 26-​29 Hiva 23 (200)

Tuʻunga ʻo e Leá: Enginaki ʻo Makatuʻunga ʻi he ʻOfá (be p. 266 ¶2-5)

Fika 1: Ko e Konga Tohi Faka-Hepelū ʻo e Tohi Tapu Māʻoniʻoní​—Konga 4 (bsi05 p. 18-​22 ¶17-​25)

Fika 2: 1 Kalonikali 29:​1-9

Fika 3: ʻUhinga ʻOku Fakatangaʻi Ai ʻa e Kau Sevāniti ʻa Sihová

Fika 4: Ko e Fakafiemālie mei he Tākiekina Fulikivanu ʻa Sētané ʻOku Ofi (rs-E p. 365 ¶4–p. 366 ¶3)

Nōv. 21 Lau Tohi Tapu: 2 Kalonikali 1-5 Hiva 5 (46)

Tuʻunga ʻo e Leá: Enginaki ʻOku Faiaka ʻi he Tohi Tapú (be p. 267 ¶1-2)

Fika 1: Ko e Konga Tohi Faka-Hepelū ʻo e Tohi Tapu Māʻoniʻoní​—Konga 5 (bsi05 p. 22-​3 ¶26-​31)

Fika 2: 2 Kalonikali 2:​1-​10

Fika 3: Mahinoʻi ʻa e Taumuʻa ʻo e Akonakí

Fika 4: dʻOku Angahalaʻia ʻa e Ngaahi Vā Fakaefehokotaki Fakasino Kotoa Pē? (rs-E p. 367 ¶1–p. 368 ¶2)

Nōv. 28 Lau Tohi Tapu: 2 Kalonikali 6-9 Hiva 21 (191)

Tuʻunga ʻo e Leá: Maʻu ʻa e “Tauʻatāina ʻo e Leá” (be p. 267 ¶3-4)

Fika 1: Ko e Konga Tohi Faka-Kalisi Kalisitiane ʻo e Tohi Tapu Māʻoniʻoní​—Konga 1 (bsi05 p. 23-​5 ¶1-7)

Fika 2: w03 12/1 p. 15-​16 ¶3-6

Fika 3: Founga ʻOku Tau Fakahaaʻi Ai ʻOku Tuʻu ʻEtau Manakó ʻia Sihová

Fika 4: eMeʻa ʻOku Leaʻaki ʻe he Tohi Tapú Fekauʻaki mo e Faka-Sōtomá (rs-E p. 368 ¶4–p. 369 ¶2)

Tīs. 5 Lau Tohi Tapu: 2 Kalonikali 10-​14 Hiva 15 (127)

Tuʻunga ʻo e Leá: ʻUhinga ʻOku Mahuʻinga Ai ke Hoko ʻo Fakalototoʻá (be p. 268 ¶1-3)

Fika 1: Ko e Konga Tohi Faka-Kalisi Kalisitiane ʻo e Tohi Tapu Māʻoniʻoní​—Konga 2 (bsi05 p. 25-​7 ¶8-​16)

Fika 2: 2 Kalonikali 12:​1-​12

Fika 3: ʻUhinga ʻOku Tau Fiemaʻu Ai ʻa e ʻOfa Maʻataʻatā ʻa e ʻOtuá

Fika 4: Ngaahi Liliu Kuo Pau ke Fai ke Fakahōifuaʻi Ai ʻa e ʻOtuá (rs-E p. 369 ¶3–p. 370 ¶1)

Tīs. 12 Lau Tohi Tapu: 2 Kalonikali 15-​19 Hiva 9 (37)

Tuʻunga ʻo e Leá: Fakamanatuʻi ʻa e Meʻa Kuo Fai ʻe Sihová (be p. 268 ¶4–p. 269 ¶2)

Fika 1: Ko e Konga Tohi Faka-Kalisi Kalisitiane ʻo e Tohi Tapu Māʻoniʻoní​—Konga 3 (bsi05 p. 27-​8 ¶17-​25)

Fika 2: 2 Kalonikali 19:​1-​11

Fika 3: ʻUhinga ʻOku Lava Ai ke Faiangahala ha Tangata Haohaoá (rs-E p. 371 ¶2–p. 372 ¶3)

Fika 4: Meʻa ʻe Lava Ke Tau Ako mei he Fāmili ʻo Sīsuú

Tīs. 19 Tohi Tapu: 2 Kalonikali 20-​24 Hiva 13 (124)

Tuʻunga ʻo e Leá: Ko Hono Fakahaaʻi ʻa e Founga Kuo Tokoniʻi Ai ʻe Sihova ʻa Hono Kakaí (be p. 269 ¶3-5)

Fika 1: Ko e Konga Tohi Faka-Kalisi Kalisitiane ʻo e Tohi Tapu Māʻoniʻoní​—Konga 4 (bsi05 p. 29-​30 ¶26-​32)

Fika 2: w03 12/15 p. 16-​17 ¶13-​15

Fika 3: Ngaahi ʻAonga mei Hono Ako ʻa e Fakapulipuli ʻo e Loto-Toponó

Fika 4: ʻUhinga ʻOku Totonu Ai Ke Tau ʻIloʻi pe ko e Hā ʻa e Angahala (rs-E p. 373 ¶1–p. 374 ¶1)

Tīs. 26 Lau Tohi Tapu: 2 Kalonikali 25-​28 Hiva 11 (85)

Tuʻunga ʻo e Leá: Fakahaaʻi ʻa e Fiefia ʻi he Meʻa ʻOku Fai ʻe he ʻOtuá he Taimi Ní (be p. 270 ¶1–p. 271 ¶2)

Fakamanatu Tala Ngutu

[Fakamatala ʻi lalo]