Fanongonongo

◼ Tohi ke tuʻuaki ʻi Nōvema: Ako mei he Faiako Lahí. Ki ha fetongi ʻo e tuʻuakí, ʻe lava ke ke fakaeʻa ʻa e polosiua Fiemaʻu. Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ʻEku Tohi ʻo e Ngaahi Talanoa Faka-Tohitapú. Fepueli: ʻUnuʻunu Ofi kia Sihova.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Tīsema 1 pe ʻi he faingamālie vave taha ʻi he hili pē iá. Kapau ʻoku tauhi ha ʻakauni sieke mavahe, hangē ko ia ki he monomonó pe ko e langá, ʻoku totonu ke toe fai ha ngaahi fokotuʻutuʻu ke ʻaotitaʻi ʻa e ʻakauni ko ení. ʻI he ʻosi hono fakakakato ʻa e (ngaahi) ʻaotita ko ení, ʻoku totonu ke fai ha fanongonongo ki he fakatahaʻangá ʻi he fakamatala paʻanga hono hokó.

◼ ʻOku totonu ke kamata kole ʻe he ngaahi fakatahaʻangá ʻa e voliume ʻo e Watchtower mo e Awake! ki he 2004 ʻi heʻenau kole tohi hokó. Ko ha lisi ʻo e ʻū lea ʻoku ala maʻu ai ʻa e ongo tohí ni ʻe hā atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi atu ʻi he māhina taki taha. Ka toki ala maʻu ʻa e ongo voliumé pea fai ʻa hono fakafolau atú, ʻe hā ia ko e “Pending” ʻi he ngaahi lisi fakaheka ʻa e fakatahaʻangá. Ko e ngaahi voliumé ko e ngaahi meʻa ia ʻoku fai ʻa e kole makehe ki ai.

◼ Ko e sekelitali ʻo e fakatahaʻanga taki taha ʻokú ne maʻu ʻa e totonu fakalao ki ha koloa ʻa e Fale Fakatahaʻangá ʻoku totonu ke ne fakapapauʻi kuo fakafonu ʻa e “Annual Congregation Property Documents & Safety Inspection Worksheet” (T-34 7/01).

◼ ʻOku fiemaʻu ki he ʻōfisi vaʻá ke nau tauhi ha lēkooti taimi totonu ʻo e ngaahi tuʻasila pea mo e ngaahi fika telefoni ʻo e kotoa ʻo e kau ʻovasia tauhí mo e kau sekelitalí. Kapau ʻe ʻi ai ha liliu ʻi ha faʻahinga taimi pē, ʻoku totonu ki he Kōmiti Ngāue ʻa e Fakatahaʻangá ke ne fakafonu, fakamoʻoni hingoa, pea ʻave ha foomu Presiding Overseer/Secretary Change of Address (S-29) ki he ʻōfisi vaʻá ʻi he vave tahá. ʻOku kau heni ha faʻahinga liliu pē ʻi he ngaahi fika telefoni ʻo e feituʻú.