Ko ha Kautaha Foʻou ki he Ngāue Fakavahaʻapuleʻangá
Ke ʻai ke malava ʻa e vaʻá ʻo ʻomai ha tokoni fakapaʻanga ki he ngāue ʻo e Puleʻangá ʻi he ngaahi fonua kehé, kuo fokotuʻu ai ha kautaha foʻou ʻoku ʻiloa ko e New Zealand Association of Jehovah’s Witnesses. Ko e ngaahi tokoni ki he kautaha ko ení, ʻe ngāueʻaki ia ke fakapaʻanga ʻaki ʻa hono langa ʻo e ngaahi Fale Fakatahaʻangá, tokoniʻi ʻa e kau misinale mo e kau tāimuʻa makehe ʻi he ngaahi vāhenga-ngāue mulí, pea tokangaʻi ai ʻa e ngaahi fakamole ʻoku kau ki he ngāue ʻo e Puleʻangá ʻi he kotoa ʻo e ngaahi feituʻu motu kuo vaheʻi ki he vaʻa ʻi Nuʻu Silá.
Te ke malava ke tokoni ki he ngaahi ngāue ʻa e kautahá ʻaki hono:
◼ Tuku ʻa e ngaahi tokoni paʻangá pe sieké ki he ngaahi puha ʻi he Fale Fakatahaʻangá ʻoku leipolo ko e “New Zealand Association Contributions” mo e “New Zealand Association KHF.”
◼ ʻAve fakahangatonu ʻa e ngaahi tokoni sieké ki he ʻōfisi vaʻá ʻi he P O Box 75-142, Manurewa. Ko hono fakakau ʻa ho hingoá mo e tuʻasilá ʻi he sieké pe ko e nouti ʻoku ʻomi fakataha mo iá te mau malava ai ke faitohi atu kuo mau maʻu hoʻo tokoní.
◼ Ko hono fai ʻa e ngaahi tokoni tuʻumaʻu fakafou ʻi ha totongi tuʻumaʻu mei ha ʻakauni pangikē pe fakahū pangikē ʻInitaneti. Ke fokotuʻutuʻu ení, kātaki ʻo tohi ki he ʻōfisi vaʻá ʻo fakahaaʻi ai ʻa hoʻo holi ke fai ʻa e ngaahi tokoni ki he New Zealand Association. ʻE ʻoatu kiate koe ʻa e ngaahi fakahinohino ki he founga ke fokotuʻu ai ʻa e ngaahi tokoni fakapaʻanga fakahangatonu peheé.
Kātaki ʻo ʻai ʻa e ngaahi tokoni sieké ke ala totongi ki he New Zealand Association of Jehovah’s Witnesses. Koeʻuhi ko e ngaahi tokoni ki he kautaha foʻou ko ení ʻe ngāueʻaki tefito ia ki he ngāue ʻo e Puleʻangá ʻi tuʻa mei Nuʻu Silá ʻe ʻikai lava ke tali totongi ia ki ha taumuʻa totongi fakafoki fakaetukuhau.